iBomma Ravi Case: ఐబొమ్మ రవి కేసు.. మరో కీలక పరిణామం
ABN , Publish Date - Nov 22 , 2025 | 11:55 AM
ఐ బొమ్మ రవి కేసులో మరో కీలక పరిణామం చోటుచేసుకుంది. ఈ కేసులోకి తెలంగాణ సీఐడీ అధికారులు ఎంటర్ అయ్యారు. ఈ క్రమంలో ఐబొమ్మ రవి వివరాలు సేకరించి విచారణ జరుపుతున్నారు.
హైదరాబాద్, నవంబరు 22(ఆంధ్రజ్యోతి): ఐ బొమ్మ రవి కేసు (iBomma Ravi Case)లో మరో కీలక పరిణామం చోటుచేసుకుంది. ఈ కేసులోకి తెలంగాణ సీఐడీ అధికారులు ఎంట్రీ ఇచ్చారు. ఈ క్రమంలో ఐబొమ్మ రవి వివరాలను సేకరించే పనిలో పడ్డారు. ఆన్లైన్ గేమింగ్, బెట్టింగ్ వైబ్సైటులను ఐబొమ్మలో రవి ప్రమోట్ చేశాడు. అతనికి సంబంధించిన మరింత వివరాల కోసం సైబర్ క్రైమ్ పోలీసులను సీఐడీ అధికారులు కోరారు. ఇదిలా ఉండగా.. బెట్టింగ్ ప్రమోషన్ కేసులను కూడా సీఐడీ అధికారులు దర్యాప్తు చేస్తున్న సంగతి తెలిసిందే.
మూడో రోజు కస్డడీలోకి రవి..
కాగా, హైదరాబాద్ సైబర్ క్రైమ్ పోలీసులు (Hyderabad Cyber Crime Police) రవిని గత రెండు రోజులుగా కస్టడీలోకి తీసుకుని విచారిస్తున్నారు. రెండో రోజు కస్టడీలో భాగంగా ఆరు గంటలకు పైగా విచారించారు. ఈ విచారణలో కీలక అంశాలు రాబట్టినట్లు తెలుస్తోంది. ఇవాళ (శనివారం) మూడో రోజు కూడా రవిని విచారించేందుకు అధికారులు సిద్ధమయ్యారు. ఐబొమ్మ రవికి సినిమాలు సప్లై చేస్తున్న, సహకరిస్తున్న వారి వివరాలను సేకరిస్తున్నారు. ఏజెంట్లు, గేమింగ్ యాప్ల నిర్వాహకులతో రవికి ఉన్న లింకులపై ఆరా తీస్తున్నారు హైదరాబాద్ సైబర్ క్రైమ్ పోలీసులు. అయితే ఈ కేసులోకి ఇప్పుడు తెలంగాణ సీఐడీ అధికారులు ప్రవేశించడంతో మరింత సమగ్రంగా విచారించే అవకాశాలు ఉన్నాయి.
ఈ వార్తలు కూడా చదవండి
ఐబొమ్మ రవి కేసు.. వెలుగులోకి కీలక అంశాలు
మావోయిస్టులకు బిగ్ షాక్.. భారీగా లొంగుబాటు
Read Latest Telangana News And Telugu News
