Hardik Pandya: చరిత్ర సృష్టించిన హార్దిక్ పాండ్య.. తొలి భారత ప్లేయర్‌గా!

ABN , Publish Date - Dec 15 , 2025 | 07:14 AM

ధర్మశాల వేదికగా సౌతాఫ్రికాతో జరిగిన మూడో టీ20లో టీమిండియా ఘన విజయం సాధించింది. ఇందులో భారత స్టార్ ఆల్‌రౌండర్ హార్దిక్ పాండ్య ఓ అరుదైన రికార్డును సృష్టించాడు.

Hardik Pandya

ఇంటర్నెట్ డెస్క్: సౌతాఫ్రికాతో ధర్మశాల వేదికగా జరిగిన మూడో టీ20లో టీమిండియా ఘన విజయం సాధించిన విషయం తెలిసిందే. ఈ మ్యాచ్‌లో భారత బౌలర్లు అసాధారణ ప్రదర్శన చేశారు. వారి ధాటికి ప్రొటీస్ జట్టు 117 పరుగులకే కుప్పకూలింది. ఛేదనకు దిగిన టీమిండియా ఈ టార్గెట్‌ను 15.5 ఓవర్లలోనే ఆటను ముగించింది. అయితే ఈ మ్యాచ్‌లో టీమిండియా స్టార్ ఆల్‌రౌండర్ హార్దిక్ పాండ్య(Hardik Pandya) అరుదైన రికార్డు సృష్టించాడు.

అంతర్జాతీయ టీ20ల్లో 1000 పరుగులతో పాటు 100 వికెట్లు తీసుకున్న తొలి భారత ప్లేయర్‌గా నిలిచాడు. ఓవరాల్‌గా ఈ ఫీట్ సాధించిన ఐదో ఆటగాడిగా రికార్డులకెక్కాడు. సౌతాఫ్రికాతో ఏడో ఓవర్‌లో స్టబ్స్‌ను ఔట్ చేయడంతో ఈ ఫీట్ సాధించాడు. మరోవైపు 100 వికెట్లు, 100 సిక్సర్లతో పాటు, హార్దిక్ పాండ్యా 2000 పరుగులు పూర్తి చేయడానికి కూడా అత్యంత చేరువలో ఉన్నాడు. ప్రస్తుతం 1,939 పరుగులు చేసిన హార్దిక్, మరో 61 పరుగులు చేస్తే టీ 20ల్లో ఈ మార్కును చేరుకున్న ఐదో భారతీయ ఆటగాడు అవుతాడు. కాగా 100 వికెట్లు తీసుకున్న భారత ఆటగాళ్లలో అర్ష్‌దీప్ సింగ్(108), బుమ్రా(101) ఈ జాబితాలో హార్దిక్‌కు ముందున్న విషయం తెలిసిందే.

ఈ జాబితాలో ఉన్న ఆటగాళ్లు..