Diabetes Solutions: షుగర్ కంట్రోల్ కోసం.. రాందేవ్ బాబా చెప్పిన 5 చిట్కాలు..

Diabetic Control Tips Without Using Medicine: ఈ రోజుల్లో పిల్లలు, పెద్దలు అనే తేడా లేకుండా అన్ని వయసుల వారిని భయపెడుతున్న అతి పెద్ద సమస్య డయాబెటిస్. మారుతున్న ఆహారపు అలవాట్లు, ఒత్తిడి, అసహజ జీవనశైలి కారణంగా నేటి యువతలో ఈ వ్యాధి వచ్చే ప్రమాదం పెరిగింది. తొలినాళ్లలో సాధారణ సమస్యగా కనిపించినా తగినంత శ్రద్ధ తీసుకోకపోతే ప్రాణాంతకం కావచ్చు. ప్రతిరోజూ రక్తంలో చక్కెర స్థాయిని అదుపులో పెట్టుకునేందుకు చర్యలు తీసుకుంటూనే ఉండాలి. సరైన సమయంలో నియంత్రించకపోతే మూత్రపిండాలు, గుండె, రక్తపోటు లేదా కంటి చూపు ఇలా శరీరంలోని ఎన్నో ప్రధాన అవయవాలను షుగర్ తినేస్తుంది. ఈ సమస్యను దాని మూలాల నుంచి నిర్మూలించడానికి, దీర్ఘకాలికంగా షుగర్ లెవల్స్ అదుపులో పెట్టుకునేందుకు స్వామి రామ్‌దేవ్ బాబా కొన్ని సహజ టిప్స్ చెప్పారు. ఆయన సూచించిన ఈ కింది 5 చిట్కాలు అనుసరించి ఆరోగ్యంగా ఉండండి.

1) మజ్జిగతో కలబంద

కలబందను మజ్జిగతో కలిపి తినడం ద్వారా కూడా రక్తంలో చక్కెర స్థాయిని సాధారణీకరించవచ్చు. ముందుగా కలబంద నుంచి తాజా ముక్కలను కోయండి. తర్వాత దాని గుజ్జును మజ్జిగలో కలిపి త్రాగాలి.

2) త్రిఫల పొడి

త్రిఫల పొడి అనేక సమస్యలను ఎదుర్కోవడంలో సహాయపడుతుంది. ఇది మలబద్ధకం నుంచి ఉపశమనం పొందటానికి, పేగు ఆరోగ్యాన్ని మెరుగుపరచడానికి కూడా మంచిది. త్రిఫల పొడి రక్తంలో చక్కెర స్థాయిలను అదుపులో ఉంచడంలో కూడా చాలా ప్రయోజనకరంగా ఉంటుంది.

3) యోగా

మధుమేహం నుంచి బయటపడేందుకు స్వామి రామ్‌దేవ్ ప్రతిరోజూ కపాలభాతి, అనులోమ్-విలోమ్, భస్త్రిక, భ్రమరి, ఉద్గీత్, ఉజ్జయి ప్రాణాయామం చేయాలని సూచించారు. ఈ యోగాసనాలు రక్తంలో చక్కెర స్థాయిలను అదుపులో ఉంచడానికి పనికొస్తాయి.

4) వీటిని తేనెతో కలిపి తాగాలి

శరీరంలో పెరిగిన చక్కెర స్థాయిని నియంత్రించడానికి ఉల్లిపాయ రసం, నిమ్మరసం, అల్లం రసం, వెల్లుల్లి రసం ఒక్కొక్క చెంచా తీసుకుని బాగా ఉడికించి చిక్కగా చేసుకోవాలి. తరువాత అందులో సమాన పరిమాణంలో తేనె కలిపి పక్కన పెట్టుకోండి. రోజూ ఒక చెంచా తాగుతూ ఉండండి. ఇది డయాబెటిస్‌తో పాటు కొలెస్ట్రాల్‌ను నియంత్రించడంలో కూడా సహాయపడుతుంది.

5) ఈ రసం ప్రయోజనకరంగా ఉంటుంది

మధుమేహాన్ని ఎదుర్కోవడానికి స్వామి రామ్‌దేవ్ వివిధ నివారణలను తెలిపారు. ఒక కాకరకాయ, ఒక దోసకాయ, ఒక టమోటాతో పాటు 10-12 సతత హరిత పువ్వులు, కొంత కలబంద, అశ్వగంధ, తులసి, ఉసిరి, తిప్పతీగ కలిపి రసం తయారు చేసుకోవాలి. ఈ ద్రావణాన్ని రోజూ పరగడుపునే ఖాళీ కడుపుతో తాగాలి. ఒకవేళ మీకు అన్ని పదార్థాలు అందుబాటులో లేకపోతే దోసకాయ, కాకరకాయ, టమోటాలతో కూడా రసం తయారు చేసుకోవచ్చు.

Read Also: Mango Juice: మ్యాంగో జ్యూస్ తాగుతున్నారా.. ఈ 7 సమస్యల్లో ఏ ఒక్కటి ఉన్నా ప్రమాదమే..

Belly Fat Reduction Tips: జపాన్ వాటర్ థెరపీతో.. బెల్లీ ఫ్యాట్ ఇట్టే కరిగిపోవడం పక్కా..

Cucumber: మార్కెట్లో మంచి దోసకాయను గుర్తించడం ఎలా..