Microsoft AI Courses: యువతకు మైక్రోసాఫ్ట్ సూపర్ ఛాన్స్.. ఏఐ నుంచి డేటా సైన్స్ వరకూ ఉచిత కోర్సులు!

Microsoft AI Course Free with Certificate: మీరు మంచి ఉద్యోగం కోసం చూస్తున్నట్లయితే ఇదే మంచి ఛాన్స్. భవిష్యత్తులో కెరీర్‌ అద్భుతంగా సాగాలంటే దిగ్గజ టెక్ సంస్థ మైక్రోఫాస్ట్ కంపెనీ అందిస్తున్న ఈ ఆఫర్ వెంటనే ఒడిసి పట్టుకోండి. ఇంట్లో కూర్చొని ఉన్నత కెరీర్ కు బాటలు వేసుకునేందుకు మైక్రోసాఫ్ట్ ఏఐ సహా అనేక సర్టిఫికేట్ కోర్సులను ఆన్‌లైన్ ద్వారా అందిస్తోంది. ఈ కోర్సులు పూర్తి చేసినవారికి ఉద్యోగంలో చేజిక్కించుకునేందుకు అవకాశాలు పెరుగుతాయి. మరి, ఈ కోర్సులకు ఎలా దరఖాస్తు చేయాలి? ఏమేం కోర్సులు నేర్పిస్తారు? తదితర పూర్తి వివరాలు..

ఎలా దరఖాస్తు చేయాలి?

ప్రపంచ ప్రఖ్యాత టెక్నాలజీ కంపెనీ మైక్రోసాఫ్ట్ ఉచిత ఆన్‌లైన్ కోర్సులను ప్రారంభించింది. ఈ ఉచిత కోర్సులలో మైక్రోసాఫ్ట్ ఆర్టిఫిషియల్ ఇంటెలిజెన్స్ (AI), ఇంటర్నెట్ ఆఫ్ థింగ్స్ (IoT), మెషిన్ లెర్నింగ్స్, డేటా సైన్స్ వంటి వాటిపై శిక్షణ అందిస్తోంది. ఈ కోర్సులు చాలా సరళమైన భాషలో ఉంటాయి. వీటిని టెక్నాలజీ గురించి తెలియని వ్యక్తులు కూడా చేయవచ్చు. ముఖ్యంగా ఈ కోర్సులు ఉద్యోగ ఆధారితమైనవి. అంటే మైక్రోసాఫ్ట్ అందించే ఈ ఉచిత ఆన్‌లైన్ కోర్సులను పూర్తి చేయడం ద్వారా మీరు మంచి ఉద్యోగాలు పొందేందుకు ఛాన్స్ లభిస్తుంది. ఆ కోర్సులు ఏమిటో, ఎలా దరఖాస్తు చేసుకోవాలో ఇక్కడ తెలుసుకోండి.

కృత్రిమ మేధస్సు (AI)

మీకు AI గురించి ఏమీ తెలియకపోతే చింతించకండి.12 వారాల నిడివిగల ఏఐ కోర్సులో 24 పాఠాలు ఉన్నాయి. దీనిలో మీకు AI గురించి ప్రాథమిక విషయాలను నేర్పుతారు. మంచి విషయం ఏంటంటే, AI కి సంబంధించిన ప్రాజెక్టులను మీరే చేస్తారు. దీనివల్ల ఏఐ గురించిన విషయాలను మీరు సులువుగా అర్థం చేసుకోగలుగుతారు.

IoT (ఇంటర్నెట్ ఆఫ్ థింగ్స్)

మన రోజువారీ పనులను ఎలా తెలివిగా మార్చుకోవచ్చో ఈ కోర్సు వివరిస్తుంది. ఇక్కడ మనం విషయాలను ఎలా కనెక్ట్ చేయాలో నేర్చుకోవచ్చు. దీనిలో మీకు ఒక సరదా ప్రాజెక్ట్ కూడా ఇస్తారు.

మెషీన్ లెర్నింగ్ కంప్యూటర్

ఈ కోర్సు కంప్యూటర్లు డేటా నుంచి ఎలా నేర్చుకుంటాయి. స్వంతంగా ఎలా నిర్ణయాలు తీసుకుంటాయి అనే దాని గురించి శిక్షణ ఇస్తారు. ఈ కోర్సులో మీకు సైకిట్-లెర్న్ అనే ప్రత్యేక సాధనాన్ని ఎలా ఉపయోగించాలో నేర్పుతారు. డేటాతో పని చేయాలనుకునే వారికి ఇది చాలా బెస్ట్.

డేటా సైన్స్

ఈ రోజుల్లో ప్రతి రంగంలోనూ డేటాను ఉపయోగిస్తున్నారు. ఈ కోర్సులో పెద్ద డేటా నుంచి ముఖ్యమైన సమాచారాన్ని ఎలా సేకరించాలో నేర్పుతారు. దీనితో పాటు డేటాను ఉపయోగించి మెరుగైన నిర్ణయాలు ఎలా తీసుకోవాలో శిక్షణ ఇస్తారు.

ఈ కోర్సు ఎలా చేయాలి?

పై కోర్సులు అన్నీ పూర్తిగా ఉచితం. వీటిని చేయడానికి మీరు ఎటువంటి డబ్బు చెల్లించాల్సిన అవసరం లేదు. ఈ కోర్సులు ప్రాజెక్ట్ ఆధారితమైనవి కావు. ఇవి మీరు టెక్నాలజీ అంశాలను బాగా అర్థం చేసుకోవడానికి, నిజ జీవితంలో వాటిని ఉపయోగించడానికి సహాయపడుతాయి.

నేటి ప్రపంచంలో ముందుకు సాగడానికి ఎప్పటికప్పుడు కొత్త విషయాలను నేర్చుకుంటూ ఉండటం చాలా ముఖ్యం. మైక్రోసాఫ్ట్ అందిస్తున్న ఈ గొప్ప అవకాశాన్ని సద్వినియోగం చేసుకుని కెరీర్‌లో ముందుకు సాగేందుకు అవకాశాలను సృష్టించుకోవచ్చు. ఈ కోర్సులు చేయడానికి మీరు ఎక్కడికీ వెళ్లాల్సిన అవసరం లేదు. ఇంట్లో కూర్చొనే ఈ కోర్సులు చేయవచ్చు.

ఇవీ చదవండి:

గుడ్ న్యూస్.. ఎల్‌ఐసీ హౌసింగ్ ఫైనాన్స్ హోం లోన్ వడ్డీ రేట్ల తగ్గింపు

ఈ యాప్ 20 లక్షల పోయిన ఫోన్‌లను గుర్తించింది.. ఎలాగంటే..

మరిన్ని ఏపీ, అంతర్జాతీయ వార్తల కోసం క్లిక్ చేయండి