Land mafia: నెల్లూరు జిల్లాలో రెచ్చిపోతున్న భూ మాఫియా.. ఖాళీగా స్థలం ఉంటే కబ్జా

నెల్లూరు: నెల్లూరు జిల్లాలో భూ మాఫియా రెచ్చిపోతుంది. ఎక్కడ ప్రభుత్వ స్థలం కనపడిన చిటికెలో మాయం చేస్తుంది. సంబంధిత అధికారులు కఠిన చర్యలు తీసుకోకపోవడంతో అక్రమార్కులు చెలరేగిపోతున్నారు. నెల్లూరు జిల్లాలోని వింజమూరులో భూ మాఫియా చేతుల్లో రూ.100కోట్లకు పైగా విలువైన‌ ప్రభుత్వ భూములు ఉన్నాయి. ఈ భూములు 50 ఏళ్లకు పై గానే మాఫియా చేతుల్లో చిక్కుకున్నాయి . ఇందుకు సంబంధించిన కీలక‌ ఆధారాలు ఏబీఎన్ చేతిలో ఉన్నాయి. గతంలో కొన్ని‌ భూముల్లో అక్రమ లే అవుట్లు వేసి అమాయక ప్రజలకు ఈ భూములను అమ్మేశారు. వేల కోట్ల రూపాయల్లో బాధితుల నుంచి వసూల్ చేసినట్లు ఆరోపణలు వెల్లువెత్తాయి. ప్రస్తుతం ఏకంగా తహసీల్దార్ కార్యాలయ ఆవరణలోని ప్రభుత్వ భూముల్లోనే అక్రమ లే అవుట్ వేసి అమ్మకాలు సాగించేందుకు భూ మాఫియా విశ్వయత్నాలు చేస్తుంది.

గతంలో అవి ప్రభుత్వ భూములని కొందరు తహసీల్దార్లు నివేదికలు ఇచ్చారు. అప్పటి ఆర్డీవో కూడా నిర్ధారణ చేశారు. ఆ భూములని స్వాధీనం చేసుకోవాలని అప్పటి జేసీ సౌరభ్ గౌర్ ఆదేశాలు జారీ చేసిన విషయం తెలిసిందే. ప్రస్తుతం మళ్లీ విచారణ చేయాలని అధికారులు చెబుతున్నారు. కళ్లెదుటే అక్రమాలు జరుగుతున్న అధికారులు మాత్రం పట్టించుకోవడం లేదని ప్రజలు ఆరోపిస్తున్నారు. ఇంత జరుగుతున్న ప్రభుత్వ అధికారులు నిర్లక్ష్యం వీడటం లేదని.. ఇప్పటివరకు అధికారులు స్పష్టమైన చర్యలు ఎందుకు తీసుకోవడం లేదని ప్రజలు ప్రశ్నిస్తున్నారు. ఇప్పటికైనా ప్రభుత్వం వీటిపై దృష్టి సారించాలని ప్రజలు కోరుతున్నారు.

ఈ వార్తలు కూడా చదవండి...

Case Filed: గ్రూప్ -1లో పీఎస్సార్ చేసిన అక్రమాలపై కేసు

Gorantla Madhav Bail: గోరంట్ల మాధవ్‌కు బెయిల్‌

Borugadda Remand Extension: బోరుగడ్డ రిమాండ్‌ పొడిగింపు

High Court: ఏబీవీ క్వాష్‌ పిటిషన్‌పై తీర్పు రిజర్వు

For More AP News and Telugu News