Apple Settlement: రూ.810 కోట్ల సెటిల్‌మెంట్‌కు ఆపిల్ నిర్ణయం.. ఎవరెవరు అర్హులంటే..
ABN , Publish Date - May 14 , 2025 | 12:02 PM
టెక్ దిగ్గజం ఆపిల్ వాయిస్ అసిస్టెంట్ సిరి వినియోగదారుల అనుమతి లేకుండా వారి డేటాను రికార్డ్ చేసిందంటూ ఆరోపించిన క్లాస్ యాక్షన్ దావాను పరిష్కరించడానికి.. సదరు కంపెనీ 95 మిలియన్ డాలర్లు (రూ.810 కోట్లు) చెల్లించడానికి అంగీకరించింది. ఈ సంవత్సరం ప్రారంభంలో ..
టెక్ దిగ్గజం ఆపిల్ వాయిస్ అసిస్టెంట్ సిరి వినియోగదారుల అనుమతి లేకుండా వారి డేటాను రికార్డ్ చేసిందంటూ ఆరోపించిన క్లాస్ యాక్షన్ దావాను పరిష్కరించడానికి.. సదరు కంపెనీ 95 మిలియన్ డాలర్లు (రూ.810 కోట్లు) చెల్లించడానికి అంగీకరించింది. ఈ సంవత్సరం ప్రారంభంలో ఆపిల్ తన పరికరాలను ఉపయోగించే వ్యక్తుల వాయిస్‌లను వినేందుకు వర్చువల్ అసిస్టెంట్ సిరిని ఉపయోగించిందని ఆరోపిస్తూ వినియోగదారులు 2021లో కాలిఫోర్నియా ఫెడరల్ కోర్టులో ఈ దావా వేశారు. వివరాల్లోకి వెళితే..
కాలిఫోర్నియాలోని US ఫెడరల్ కోర్టులో 2021లో లోపెజ్ వర్సెస్ యాపిల్ (Apple) అనే వ్యాజ్యం దాఖలు చేయబడింది. ఐఫోన్లు, ఐప్యాడ్‌లతో సహా సిరి ప్రారంభించబడిన పరికరాల్లో ప్రైవేట్ సంభాషణలను రికార్డ్ అవుతున్నాయని, తర్వాత వాటిని థర్డ్ పార్టీ కాంట్రాక్టర్లకు షేర్ చేసుకుంటున్నారని ఆరోపణలు వచ్చాయి. దీనిపై 2021లో వినియోగదారులు కాలిఫోర్నియా ఫెడరల్ కోర్టులో (Siri privacy lawsuit) దావా వేశారు. ఈ నోటీసు ప్రకారం... ఈ కేసు కోసం ఏర్పాటు చేసిన వెబ్‌సైట్‌లో ఆపిల్ వినియోగదారులు క్లెయిమ్‌లను దాఖలు చేసుకునే అవకాశం కల్పించారు. 2014 సెప్టెంబర్ 17, 2024 డిసెంబర్ 31 మధ్య.. సిరి ప్రారంభించబడిన పరికరాన్ని కలిగి ఉన్న వారు, లేదా కొనుగోలు చేసిన USలోని వినియోగదారులు ఈ పరిహారం పొందేందుకు అర్హులు కావచ్చు.
ఎవరు క్లెయిమ్ చేసుకోవచ్చంటే..
2014 సెప్టెంబర్ 17, 2024 డిసెంబర్ 31 మధ్య.. ఐఫోన్లు, ఐప్యాడ్‌లు, ఆపిల్ గడియారాలు, మ్యాక్‌బుక్‌లు, ఐమాక్స్, ఆపిల్ టీవీలు, హోమ్‌పాడ్‌లు, ఐపాడ్ టచ్‌లు తదితర వస్తువులు వినియోగించిన వారు ఒక్కో పరికరానికి $20 వరకు పరిహారం క్లెయిమ్ చేసుకోవచ్చు. అలాగే గరిష్టంగా 100 డాలర్ల వరకు కొంత భాగాన్ని స్వీకరించడానికి క్లెయిమ్‌లను సమర్పించవచ్చు. అయితే ఈ మొత్తం ఎంత మంది క్లెయిమ్‌లను సమర్పిస్తారనే దానిపై ఆధారపడి ఉంటుంది. అలాగే ఆ సమయంలో ప్రైవేట్ సంభాషణ సమయంలో వారు బాధితులు Siri యాక్టివేషన్‌ను కూడా అనుభవించి ఉండాలి. ఆమోదించబడిన ప్రతి పరికరం 20 డాలర్ల వరకు చెల్లింపునకు అర్హత కలిగి ఉంటుంది. ఒక్కో క్లెయిమ్‌‌కు ఐదు పరికరాల పరిమితి ఉంటుంది. ఈ లెక్కన ఒక్కో వ్యక్తి 100 డాలర్ల వరకు పొందే అవకాశం ఉంటుంది. వినియోగదారులు క్లెయిమ్ సమర్పించడానికి అధికారిక లోపెజ్ వాయిస్ అసిస్టెంట్ సెటిల్మెంట్ వెబ్‌సైట్‌ను సందర్శించవచ్చు.
ఇవి కూడా చదవండి
Paytm: పేటీఎంకు మరో దెబ్బ..సంస్థలో 4 శాతం వాటా సేల్ చేస్తున్నారా..
Penny Stock: ఈ స్టాక్పై రూ.4 లక్షల పెట్టుబడి..ఏడేళ్ల లోనే రూ.56 లక్షల లాభం..
Investment Tips: ఒకేసారి రూ.3.5 లక్షల పెట్టుబడి..కానీ వచ్చేది మాత్రం కోటి, ఎలాగంటే..
US-China: ట్రేడ్ వార్‌కు 90 రోజులు బ్రేక్.. అమెరికా-చైనా చర్చలు ఫలప్రదం
మరిన్ని జాతీయ, తెలుగు వార్తల కోసం క్లిక్ చేయండి
