Saraswati Pushkaralu 2025: సరస్వతి పుష్కరాలకు పోటెత్తిన భక్తులు

జయశంకర్ భూపాలపల్లి జిల్లాలోని కాళేశ్వరం త్రివేణి సంగమంలో జరుగుతున్న సరస్వతి నది పుష్కరాలకు శనివారం భక్తులు భారీగా తరలి వచ్చారు. కాళేశ్వర ముక్తీశ్వరాలయంలో భక్తులు పూజలు చేశారు. సరస్వతి నదిలో పుణ్యస్నానం చేసి స్వామివారిని దర్శించుకున్నారు. తెలంగాణ నుంచే కాకుండా వివిధ రాష్ట్రాల నుంచి భక్తులు వస్తున్నారు. మే 15 నుంచి 26వ తేదీ వరకు సరస్వతి పుష్కరాలు జరుగనున్నాయి. 12 ఏళ్లకు ఒకసారి వచ్చే పుష్కరాల్లో స్నానం చేస్తే కోరికలు తీరుతాయని భక్తులు విశ్వసిస్తున్నారు.