Health Tips : హోమియోపతి మందులతో..థైరాయిడ్‌కు శాశ్వత చికిత్స..

ఈ రోజుల్లో థైరాయిడ్ అనేది ఒక సాధారణ వ్యాధిగా మారింది. ఇది మహిళల్లోనే ఎక్కువగా కనిపిస్తుంది. ఈ వ్యాధిలో రెండు రకాలున్నాయి. థైరాయిడ్ గ్రంథి హార్మోన్లు తక్కువగా విడుదలచేస్తే హైపోథైరాయిడ్ వస్తుంది. అదే ఎక్కువగా విడుదల చేస్తే హైపర్ థైరాయిడ్ వస్తుంది. ప్రస్తుతం చాలామంది మహిళల్లో థైరాయిడ్ చాలా తక్కువగా ఉన్నట్లు నివేదికలు చెబుతున్నాయి. థైరాయిడ్ సమస్య ఉన్నవారిలో నెలసరి క్రమం తప్పడం, ప్రెగ్నెన్సీ కష్టం కావడం, అధిక బరువు, కంగారు, ఆందోళన ఇలా అనేక రకాల సమస్యలు వస్తాయి. దీంతో చాలా మంది థైరాయిడ్ చికిత్స కోసం అలోపతి మందులను ఆశ్రయిస్తారు. ఒకసారి థైరాయిడ్ వస్తే జీవితాంతం మందులు వాడాల్సి వస్తుందని నమ్ముతారు. అయితే, మందులు తీసుకోకుండానే థైరాయిడ్ చికిత్స సాధ్యమేనా? హోమియోపతిలో ఈ జబ్బుకు శాశ్వత చికిత్స ఉందా? అనే ప్రశ్నలకు ఇక్కడ సమాధానాలు తెలుసుకుందాం..

థైరాయిడ్ అంటే ఏమిటి?

మన మెదడులోని పిట్యుటరీ గ్రంథి నుంచి విడుదలయ్యే ‘థైరాయిడ్‌ స్టిమ్యులేటింగ్‌ హార్మోన్‌’ (టీఎస్‌హెచ్‌) థైరాయిడ్‌ గ్రంథిని ప్రేరేపిస్తుంటుంది. మెదడు నుంచి సంకేతాల ఆధారంగానే థైరాయిడ్ టీ3, టీ4 హార్మోన్లు ఎక్కువగా లేదా తక్కువగా ఉత్పత్తి చేస్తుంది. హార్మోన్లు అధికంగా విడుదలైతే హైపర్ థైరాయిడ్ వస్తుంది. ఇది ఉన్నవారిలో శరీర అవయవాలు వేగంగా పనిచేస్తాయి. గుండె వేగంగా కొట్టుకోవడం, క్యాలరీలు త్వరగా తగ్గిపోయి బక్కపలచగా అవడం, విపరీతమైన ఆకలి, కంగారు, ఆందోళన కనిపిస్తాయి. థైరాయిడ్ గ్రంథి తక్కువ హార్మోన్లు ఉత్పత్తి చేస్తే హైపోథైరాయిడ్ వస్తుంది. దీంతో శరీర అవయాలు నెమ్మదిగా కదులుతాయి. క్యాలరీలు త్వరగా కరిగే అవకాశం లేక బరువు పెరుగుతారు. నెలసరి సమయానికి రాక గర్భధారణలో ఇబ్బందులు ఎదురవుతాయి.

థైరాయిడ్‌కి హోమియోపతిలో శాశ్వత చికిత్స ఉందా?

థైరాయిడ్ సమస్యతో ఎంత కాలం నుంచి ఉంది అనే దాని ఆధారంగా హోమియోపతిలో చికిత్స ఉంటుంది. వ్యాధి దీర్ఘకాలికంగా లేనివారికి శాశ్వత చికిత్స సాధ్యమే అంటున్నారు హోమియో నిపుణులు. ఒక వ్యక్తి 5 నుంచి 6 సంవత్సరాలుగా థైరాయిడ్ సమస్యతో బాధపడుతుంటే హోమియోపతి చికిత్స చాలా వరకు ఉపశమనం కలిగిస్తుంది. అయితే,10 సంవత్సరాల కంటే ఎక్కువ కాలం థైరాయిడ్ సమస్య ఉన్నట్లయితే పూర్తిగా నయం చేయడం కష్టమవుతుందని చెబుతున్నారు. రోగి TSH స్థాయి 200 లేదా అంతకంటే తక్కువ ఉంటే హోమియోపతితో థైరాయిడ్ చికిత్స సాధ్యమవుతుందని డాక్టర్లు చెబుతున్నారు. ఇలాంటి వారు వైద్యులు సూచించిన మందులతో పాటు సరైన జీవనశైలిని అవలంబిస్తే ఫలితం దక్కుతుంది. తద్వారా థైరాయిడ్ సమస్యను నియంత్రించవచ్చు.

హోమియోపతిలో రెండు పద్ధతుల్లో చికిత్సలు..

మొదటి పద్ధతి- మొదటి పద్ధతి క్లాసిక్ చికిత్స. వ్యక్తి మానసిక స్థితి, శారీరక లక్షణాలు ఆధారంగా వైద్యులు మందులు సిఫార్సు చేస్తారు. ఈ విధానం రోగి మానసిక, శారీరక మార్పులను తీసుకువచ్చి పరిస్థితిని మెరుగుపరచడంలో సహాయపడుతుంది.

రెండవ పద్ధతి- నిర్దిష్ట కాలంపాటు రోగికి వివిధ రకాల మందులు ఇస్తారు. వీటిలో రోగికి సరిపోయే ఔషధం చాలా కాలం పాటు ఇవ్వబడుతుంది. అయినప్పటికీ, ఈ పద్ధతి అంత ప్రభావవంతంగా ఉండదు. ఎందుకంటే, ప్రారంభంలో కొంత మెరుగుదల కనిపించినా మందుల ప్రభావం కాలక్రమేణా తగ్గిపోవచ్చు.