Racha Ravi: ప్లీజ్ నన్ను వదిలేయండి.. మంగ్లీ పార్టీలో నేను లేను..

మంగ్లీ పుట్టిన రోజు వేడుకల్లో తాను పాల్గొనలేదని జబర్దస్త్ నటుడు రచ్చ రవి అన్నారు. తనకు ఆ పార్టీతో ఎలాంటి సంబంధం లేదని స్పష్టం చేశాడు. దయచేసి ఆ ఇష్యూలో తన పేరు వాడొద్దని విన్నవించుకున్నాడు.

ప్రముఖ సింగర్‌ మంగ్లీ బర్త్‌డే వేడుకల్లో గంజాయి సరఫరా చేసినట్లు పోలీసులు గుర్తించిన విషయం తెలిసిందే. బర్త్‌ డే సందర్భంగా మంగ్లీ బుధవారం హైదరాబాద్‌ సమీపంలోని చేవెళ్ల త్రిపుర రిసార్ట్‌లో పార్టీ ఏర్పాటు చేశారు. ఈ పార్టీలో విదేశీ మద్యంతో పాటూ గంజాయి కూడా సరఫరా చేశారని పోలీసులకు సమాచారం అందింది. దీంతో పోలీసులు సదరు రిసార్ట్‌పై దాడి చేసి, పలు విదేశీ మద్యం బాటిళ్లను సీజ్ చేశారు.