Shamar Joseph: లక్నో స్టార్‌పై సంచలన ఆరోపణలు.. 11 మంది మహిళలతో..!
ABN , Publish Date - Jun 27 , 2025 | 06:32 PM
లక్నో సూపర్ జెయింట్స్ స్టార్ పేసర్‌పై సంచలన ఆరోపణలు వస్తున్నాయి. ఏకంగా 11 మంది మహిళల్ని అతడు వేధించాడని తెలుస్తోంది. మరి.. ఎవరా క్రికెటర్ అనేది ఇప్పుడు చూద్దాం..
కరీబియన్ స్టార్ పేసర్ షమర్ జోసెఫ్‌‌పై లైంగిక ఆరోపణలు విండీస్ క్రికెట్ బోర్డులో ప్రకంపనలు రేపుతున్నాయి. షమర్ తనను అత్యాచారం చేశాడంటూ డర్బైస్‌కు చెందిన ఓ యువతి పోలీసులకు ఫిర్యాదు చేసింది. అతడు తమను లైంగికంగా వేధించాడంటూ మరో 11 మంది మహిళలు పోలీసులను ఆశ్రయించారు. షమర్ జోసెఫ్ 2023, మార్చి 3వ తేదీన ఓ యాడ్‌ కోసం అని తీసుకెళ్లి తన కూతుర్ని రేప్ చేశాడని బాధితురాలి తల్లి పోలీసులకు తెలిపింది. అప్పట్లో తన కుమార్తెకు 18 ఏళ్లు అని.. ఆ తర్వాత నుంచి తన ఆరోగ్యం ఆందోళనకరంగా మారిందని పేర్కొంది.
వాళ్ల ఒత్తిడితో..
పోలీసుల తీరుతో తన కూతురు ఆస్పత్రి పాలైందని బాధితురాలి తల్లి వాపోయింది. అత్యాచార ఘటనకు సంబంధించిన సమాచారం బయటకు రాకుండా పోలీసులపై ఉన్నతాధికారులు ఒత్తిడి పెడుతున్నారని బాధితురాలి కుటుంబం ఆరోపిస్తోంది. ఈ ఘటనపై విండీస్ క్రికెట్ బోర్డు స్పందించింది. దీనికి సంబంధించి పూర్తి వివరాలు రావాల్సి ఉందని.. ఆ తర్వాత నిర్ణయం తీసుకుంటామని కరీబియన్ బోర్డు వివరణ ఇచ్చింది. కాగా, ఆస్ట్రేలియాతో జరుగుతున్న టెస్ట్ సిరీస్‌తో బిజీగా ఉన్నాడు షమర్ జోసెఫ్. సిరీస్‌లోని తొలి టెస్ట్‌లో మొదటి ఇన్నింగ్స్‌లో 4 వికెట్లు తీసిన పేసర్.. రెండో ఇన్నింగ్స్‌లో ఒక వికెట్ పడగొట్టాడు. ఇకపోతే, ఈ ఏడాది ఐపీఎల్‌లో లక్నో సూపర్ జెయింట్స్‌కు ఆడాడు షమర్ జోసెఫ్. 2024లో లక్నో టీమ్‌లోకి వచ్చిన ఈ పేసర్‌ను మెగా ఆక్షన్‌లో రైట్ టు మ్యాచ్ (ఆర్టీఎం) కింద రూ.75 లక్షల ధరకు తిరిగి జట్టులోకి తెచ్చుకుంది ఎల్‌ఎస్‌జీ.
ఇవీ చదవండి:
ఇది బీచా.. క్రికెట్ స్టేడియమా?
మరిన్ని క్రీడా వార్తల కోసం క్లిక్ చేయండి
