LSG vs GT Prediction: లక్నో వర్సెస్ గుజరాత్.. విక్టరీ కొట్టేదెవరు.. వెనుదిరిగేదెవరు

ఓటమి అనే మాటకు ఆమడ దూరంలో ఉన్న జట్టుకు, గెలుపు రుచి చూసిన సంతోషంలో పరుగులు పెడుతున్న టీమ్‌కు ఇవాళ టగ్ ఆఫ్ వార్ జరగనుంది. ఐపీఎల్ తాజా ఎడిషన్‌లో మరో బిగ్ ఫైట్‌కు సర్వం సిద్ధమైంది. టేబుల్ టాపర్ గుజరాత్ టైటాన్స్‌కు వరుస విజయాలతో ట్రాక్‌లో పడిన లక్నో సూపర్ జియాంట్స్‌కు మధ్య ఏకనా క్రికెట్ గ్రౌండ్‌లో మధ్యాహ్నం 3.30 గంటలకు పోరు జరగనుంది. ఈ నేపథ్యంలో రెండు జట్ల బలాబలాలు ఏంటి.. ఎవరి విజయావకాశాలు ఎలా ఉన్నాయో ఇప్పుడు చూద్దాం..

బలాలు

లక్నో: గత రెండు మ్యాచుల్లోనూ స్మాల్ మార్జిన్స్‌తో విక్టరీ కొట్టిన పంత్ సేన ఫుల్ జోష్‌లో ఉంది. బిగ్ టార్గెట్స్‌ను కాపాడుకోవడం ఆ టీమ్ హ్యూస్ ప్లస్. బౌలింగ్‌లో లార్డ్ శార్దూల్, ఆకాశ్‌దీప్, దిగ్వేశ్ అదరగొడుతున్నారు. బ్యాటింగ్‌లో పూరన్, మార్ష్, మార్క్రమ్ ఆకాశమే హద్దుగా చెలరేగుతున్నారు.

గుజరాత్: లిమిటెడ్ రిసోర్సెస్‌తో అద్భుతాలు చేస్తోంది జీటీ. వరుసగా 4 విజయాలతో రచ్చ చేసింది. బ్యాటింగ్‌లో సాయి సుదర్శన్ భీకర ఫామ్‌లో ఉన్నాడు. బట్లర్, షారుక్, గిల్ కూడా మంచి టచ్‌లో కనిపిస్తున్నారు. బౌలింగ్‌లో సాయి కిషోర్, ప్రసిద్ధ్ కృష్ణ, సిరాజ్ ఊపు మీదున్నారు. రషీద్ ఖాన్ గత మ్యాచ్‌లో మ్యాజికల్ స్పెల్‌తో మెరవడం మరో బిగ్ ప్లస్.

బలహీనతలు

లక్నో: కెప్టెన్ రిషబ్ పంత్ ఇంకా ఫామ్‌లోకి రాకపోవడం ఈ టీమ్‌ను ఆందోళన కలిగిస్తోంది. బౌలింగ్‌లో రవి బిష్ణోయ్ భారీగా పరుగులు ఇచ్చుకోవడం మరో వర్రీగా మారింది. ఐదుగురు బౌలర్లనే ఆడిస్తోంది లక్నో. అందులో ఏ ఇద్దరు విఫలమైనా మ్యాచ్ చేజారడం ఖాయం. అందుకే ఈ లోపాల్ని సవరించుకొని బరిలోకి దిగాల్సి ఉంటుంది.

గుజరాత్: ఈ జట్టుకు పెద్దగా బలహీనతలు కనిపించడం లేదు. అయితే తక్కువ వనరులు ఉండటం వల్ల బ్యాటింగ్‌లో ఓ ప్రమాదం కనిపిస్తోంది. బట్లర్, సాయి, గిల్‌లో ఏ ఇద్దరు విఫలమైనా భారీ స్కోరు అవకాశాలు పూర్తిగా సన్నగిల్లుతాయి. అటు బౌలింగ్‌లో అపోజిషన్ బ్యాటర్లు గనుక అటాకింగ్ మొదలుపెడితే సిరాజ్ అండ్ కో ఎలా ఎదుర్కొంటారనేది ఆసక్తిని కలిగిస్తోంది.

హెడ్ టు హెడ్

ఈ రెండు టీమ్స్ మధ్య ఇప్పటివరకు 5 మ్యాచులు జరిగాయి. ఇందులో ఒక దాంట్లో లక్నో, నాలుగింట జీటీ విజయం సాధించాయి.

విన్నింగ్ ప్రిడిక్షన్

లక్నో టీమ్ సక్సెస్ ట్రాక్‌లో ఉంది. బ్యాటింగ్ బలం ఆ జట్టుకు బిగ్ ప్లస్. బౌలర్లకు కూడా సమష్టిగా రాణిస్తున్నారు. హోమ్ గ్రౌండ్‌లో ఆడటం కూడా కలిసొచ్చే అంశం. కానీ భీకర ఫామ్‌లో ఉన్న జీటీ.. బౌలింగ్, బ్యాటింగ్, ఫీల్డింగ్.. ఇలా అన్నింటా సాలిడ్‌గా ఉంది. ఆల్‌రౌండ్ పెర్ఫార్మెన్స్‌తో రఫ్ఫాడిస్తున్న గుజరాత్ ఈ మ్యాచ్‌లోనూ నెగ్గడం పక్కా.