Rajasthan School Roof Collapse: దారుణం..స్కూల్ పైకప్పు కూలి నలుగురు చిన్నారులు మృతి..పలువురికి గాయాలు

రాజస్థాన్‌లోని ఝాలావార్ జిల్లాలో శుక్రవారం ఉదయం దారుణ ఘటన చోటుచేసుకుంది. ఒక ప్రాథమిక పాఠశాల పైకప్పు ఆకస్మాత్తుగా కూలిపోయింది. దీంతో ఈ ఘటనలో నలుగురు చిన్నారులు మరణించగా, 60 మందికి పైగా విద్యార్థులు శిథిలాల కింద చిక్కుకున్నట్లు తెలుస్తోంది. ఈ ఘటన స్థానికులు, అధికారులను ఒక్కసారిగా ఉలిక్కిపడేలా చేసింది. ప్రస్తుతం సహాయక చర్యలు కొనసాగుతున్నాయి.

ఘటన వివరాలు

ఝాలావార్‌లోని ప్రాథమిక పాఠశాలలో ఉదయం తరగతులు జరుగుతుండగా, అనుకోకుండా ఒక్కసారిగా పైకప్పు కుప్ప కూలింది. ఈ ఘటనలో నలుగురు చిన్నారులు అక్కడికక్కడే మరణించారు. శిథిలాల కింద చిక్కుకున్న విద్యార్థులను రక్షించేందుకు స్థానికులు, రెస్క్యూ బృందాలు శరవేగంగా పనిచేస్తున్నారు. క్రేన్‌ల సాయంతో శిథిలాలను తొలగిస్తూ, చిక్కుకున్న వారిని బయటకు తీసే ప్రయత్నాలు జరుగుతున్నాయి.

గాయపడిన విద్యార్థులకు చికిత్స

ఈ ఘటనలో గాయపడిన అనేక మంది విద్యార్థులను వెంటనే సమీప ఆస్పత్రికి తరలించారు. వైద్యులు గాయపడిన చిన్నారులకు చికిత్స అందిస్తున్నారు. వారిలో పలువురు స్పల్ప గాయాలతో బాధపడుతుండగా, మరికొందరు తీవ్రంగా గాయపడినట్లు తెలుస్తోంది. దీంతో మృతుల సంఖ్య మరింత పెరిగే అవకాశం ఉంది.

శిథిలాలను తొలగించే పనిలో

ఘటనా స్థలంలో రెస్క్యూ ఆపరేషన్‌ పూర్తి స్థాయిలో కొనసాగుతోంది. స్థానిక పోలీసులు, అగ్నిమాపక బృందాలు, జాతీయ విపత్తు నిర్వహణ బృందం (NDRF) సహాయంతో శిథిలాలను తొలగించే పనిలో నిమగ్నమై ఉన్నాయి. స్థానికులు కూడా సహాయక చర్యల్లో చురుకుగా పాల్గొంటున్నారు. ఈ ఘటన స్థానికంగా ఒక్కసారిగా భయాందోళనలను రేకెత్తించింది.

పాఠశాల భద్రతపై ప్రశ్నలు

ఈ ఘటనతో పాఠశాల భవనాల భద్రతపై చర్చ మొదలైంది. పాత భవనాలు, సరైన నిర్వహణ లేకపోవడం వంటి అంశాలు ఈ విషాదానికి కారణమని స్థానికులు ఆందోళన వ్యక్తం చేస్తున్నారు. పాఠశాల భవనం నిర్మాణ నాణ్యత, భద్రతా ప్రమాణాలపై అధికారులు దృష్టి సారించాలని విద్యావేత్తలు, తల్లిదండ్రులు డిమాండ్ చేస్తున్నారు. ఈ ఘటన భవిష్యత్తులో ఇలాంటి ప్రమాదాలను నివారించడానికి తగిన చర్యలు తీసుకోవాల్సిన అవసరాన్ని గుర్తు చేస్తోంది.

ఇవి కూడా చదవండి

ఆగస్టులో 15 రోజులు బ్యాంకులకు సెలవులు.. ముందే ప్లాన్ చేసుకోండి

కస్టమర్ల ఖాతాల నుంచి కోట్ల రూపాయల దోపిడీ.. పరారీలో ఎస్‌బీఐ క్లర్క్

మరిన్ని జాతీయ, తెలుగు వార్తల కోసం క్లిక్ చేయండి