Fake Call Blocker: ఈ యాప్ డౌన్‌లోడ్ చేసుకోండి.. ఫేక్ కాల్స్ అరికట్టండి..
ABN , Publish Date - Jan 18 , 2025 | 08:37 PM
మీరు 'సంచార్ సాథీ' యాప్ డౌన్ చేసుకున్నారా లేదా. లేదంటే ఇప్పుడే చేసుకోండి మరి. ఎందుకంటే ఈ యాప్ ద్వారా మీ ఫోన్‌కు వచ్చే ఫేక్ కాల్స్, సైబర్ మోసాల నుంచి రక్షించుకోవచ్చని అధికారులు చెబుతున్నారు. ఆ విశేషాలేంటో ఇక్కడ చూద్దాం.
మోసపూరిత ఫోన్ కాల్స్‌ను అరికట్టడంలో కేంద్ర ప్రభుత్వం తాజాగా కీలకమైన నిర్ణయాన్ని తీసుకుంది. టెలికాం శాఖ 'సంచార్ సాథీ'(Sanchar Saathi) అనే మొబైల్ యాప్‌ను ప్రారంభించింది. ఇది ప్రజలకు ఫేక్ కాల్స్, మోసపూరిత SMSలు వంటి టెలికాం మోసాలను అరికట్టే సులభమైన మార్గాన్ని అందిస్తుంది. ఈ యాప్ ద్వారా వినియోగదారులు తమ మొబైల్ ఫోన్‌కు వచ్చే అనుమానాస్పద కాల్స్, సందేశాలను కట్టడి చేస్తుంది. టెలికాం మంత్రి జ్యోతిరాదిత్య సింధియా ఈ యాప్‌ను పరిచయం చేస్తూ దీని ద్వారా ప్రతి కస్టమర్ గోప్యత, భద్రతను కాపాడేందుకు కీలకమైన చర్యలు తీసుకున్నట్లు చెప్పారు.
సంచార్ సాథీ యాప్ లక్షణాలు:
అనుమానాస్పద కాల్స్, SMSలు: వినియోగదారులు, ఎటువంటి అనుమానాస్పద కాల్స్ లేదా SMSలు వచ్చినా వాటిని సులభంగా యాప్ ద్వారా ఫిర్యాదు చేయవచ్చు
మొబైల్ కనెక్షన్ల గుర్తింపు: ఈ యాప్ ద్వారా తమ పేరు మీద జారీ చేయబడిన అన్ని మొబైల్ కనెక్షన్‌లను గుర్తించి, అవి అనధికారికంగా ఉపయోగించబడకుండా చూసుకోవచ్చు
పోగొట్టుకున్న లేదా దొంగిలించబడిన మొబైల్ హ్యాండ్‌సెట్‌ను స్విచ్ ఆఫ్ చేయడం: పోగొట్టుకున్న లేదా దొంగిలించబడిన మొబైల్‌ను తక్షణమే స్విచ్ ఆఫ్ చేసి, తిరిగి పొందవచ్చు.
హ్యాండ్‌సెట్ తనిఖీ: ఈ యాప్ ద్వారా మొబైల్ పరికరాల ప్రామాణికతను తనిఖీ చేసి, వినియోగదారులు నిజమైన పరికరాలను కొనుగోలు చేస్తున్నారో లేదో తెలుసుకోవచ్చు.
సంచార్ సాథీ పోర్టల్ విజయాలు:
2023లో ప్రారంభించబడిన 'సంచార్ సాథీ' పోర్టల్, సైబర్ మోసాలను అరికట్టడంలో అద్భుతమైన విజయాన్ని సాధించింది. ఈ పోర్టల్ (www.sancharsaathi.gov.in) ద్వారా ఇప్పటివరకు 2.75 కోట్ల మోసపూరిత మొబైల్ కనెక్షన్లు డిస్‌కనెక్ట్ చేయబడినవి. అదే సమయంలో 25 లక్షల దొంగిలించబడిన మొబైల్ ఫోన్లు తిరిగి పొందబడినవి. 9 కోట్లకు పైగా సందర్శనలను ఆకర్షించిన ఈ పోర్టల్, తమ సేవలను ప్రజలకు అందించే దిశలో మంచి పురోగతి సాధించింది. టెలికమ్యూనికేషన్స్ విభాగం అంతర్జాతీయ ఇన్‌కమింగ్ ఫ్రాడ్ కాల్ ప్రివెన్షన్ సిస్టమ్‌ను ప్రవేశపెట్టింది. ఇది మోసపూరిత కాల్‌లతో కూడిన సైబర్ నేరాలను ఎదుర్కోవడంలో అత్యంత ప్రభావవంతంగా ఉంటుందని నిరూపించబడింది.
మొబైల్ ఫోన్ల భద్రత:
'సంచార్ సాథీ' యాప్, ప్రజల మొబైల్ ఫోన్ల భద్రతను పెంచడానికి కీలకంగా పనిచేస్తోంది. 90 కోట్లకు పైగా స్మార్ట్‌ఫోన్ వినియోగదారులతో ఉన్న దేశంలో ఈ యాప్ ప్రతి వ్యక్తి తమ ఫోన్‌ను సురక్షితంగా ఉంచుకునే అవకాశం ఇస్తోందని చెబుతున్నారు. ఈ యాప్ ద్వారా టెలికాం సేవలను సురక్షితంగా ఉంచుకోవడమే కాకుండా, మోసపూరిత కాల్స్ నుంచి దూరంగా ఉండవచ్చు.
సంచార్ సాథీ యాప్, టెలికాం మోసాలపై మాత్రమే కాకుండా, సైబర్ నేరాలకు సంబంధించిన చట్టపరమైన చర్యలను కూడా మరింత బలపరుస్తోంది. 12.38 లక్షల వాట్సాప్ ఖాతాలు, 11.6 లక్షల అక్రమ బ్యాంకు ఖాతాలను ఈ యాప్ బ్లాక్ చేసింది. ఈ చర్యల ద్వారా ప్రజలు ఆర్థిక మోసాలకు దూరంగా ఉంటారు.
ఇవి కూడా చదవండి:
Personal Finance: నా జీతం రూ. 29,500, రూ. 9.4 లక్షల లోన్‌.. సిప్ ఎలా ప్లాన్ చేయాలి..
Budget 2025: వచ్చే బడ్జెట్‌లో కొత్త ఆదాయపు పన్ను బిల్లు.. 60 శాతం తగ్గింపు..
Narayana Murthy: ఇన్ఫోసిస్ నారాయణ మూర్తికి షాక్.. భారీగా తగ్గిన సంపద
SIM Card New Rules: సిమ్ కార్డ్ కొత్త రూల్స్ గురించి తెలుసా.. ఇది తప్పనిసరి
Budget 2025: రైతులకు గుడ్ న్యూస్.. వచ్చే నెల ఖాతాల్లోకి రూ.10 వేలు
Investment Plan: మీ పదవీ విరమణకు ఇలా ప్లాన్ చేయండి.. రూ. 2 కోట్లు పొందండి..
Personal Finance: జస్ట్ నెలకు రూ. 3500 సేవ్ చేస్తే.. రూ. 2 కోట్లు మీ సొంతం..
Investment Tips: రూ. 20 వేల శాలరీ వ్యక్తి.. ఇలా రూ. 6 కోట్లు సంపాదించుకోవచ్చు..
Read More Business News and Latest Telugu News
