Summer Drinks: లెమన్ జ్యూస్ చేస్తున్నారా.. వేసవిలో ఈ పొరపాట్లు చేస్తే రుచిలో తేడా..
ABN , Publish Date - May 04 , 2025 | 11:15 AM
Commom Mistakes In Making Lemon Juice: సహజంగా వేసవి తాపాన్ని చల్లార్చుకోవాలని కోరుకునేవారు నిమ్మరసాన్ని తాగేందుకు ఇష్టపడతారు. అయితే, వేసవిలో దీన్ని తయారుచేసేటప్పుడు ఈ పొరపాట్లను నివారించాలి. అప్పుడే రుచిగా ఉంటుంది. ఆరోగ్య ప్రయోజనాలు పొందుతారు.
How To Make Perfect Lemonade: వేసవిలో నింబూ షర్బత్ లేదా లెమన్ జ్యూస్ తాగితే శరీరం తక్షణ శక్తిని పొందుతుంది. దాహం తీరడంతో పాటు వేసవి తాపానికి గురైన శరీరమూ చల్లబడుతుంది. వేగంగా హైడ్రేట్ అవుతారు. నిమ్మకాయలో విటమిన్ సి పుష్కలంగా ఉంటుంది. ఇది రోగనిరోధక శక్తిని పెంచడంలో సహాయపడుతుంది. కానీ నిమ్మరసం తయారుచేసేటప్పుడు కొన్ని సాధారణ తప్పులు చేస్తే అది రుచికరంగా ఉండదు. అలాగే ఆరోగ్యానికి ఏ ప్రయోజనం దక్కదు. కాబట్టి, నిమ్మరసం తయారుచేసేటప్పుడు నివారించాల్సిన 5 తప్పుల గురించి తెలుసుకుందాం.
నిమ్మరసం ఎక్కువగా కలపడం
చాలా మంది నిమ్మకాయ ఎక్కువగా వేసుకుంటే షర్బత్ పుల్లగా, రుచిగా మారుతుందని నమ్ముతారు. కానీ వాస్తవానికి అది షర్బత్ రుచిని పాడు చేసి కడుపులో చికాకు కలిగిస్తుంది. ఒక గ్లాసు నిమ్మరసానికి సగం లేదా ఒక నిమ్మకాయ రసం సరిపోతుంది.
గోరువెచ్చని లేదా వేడి నీరు
నిమ్మరసాన్ని ఎల్లప్పుడూ చల్లని లేదా సాధారణ ఉష్ణోగ్రత కలిగిన నీటితోనే తయారు చేయాలి. వేడి నీటిలో నిమ్మరసం కలపడం వల్ల దాని పోషక విలువలు తగ్గుతాయి. రుచి కూడా చెడిపోతుంది.
చక్కెర సమతుల్యత
చాలా తక్కువ లేదా ఎక్కువ చక్కెర జోడించడం వల్ల నిమ్మరసం రుచి చెడిపోతుంది. డయాబెటిస్ బాధితులు అయితే తక్కువ చక్కెర తీసుకునే బదులు తేనె లేదా బెల్లం ఉపయోగించవచ్చు. కానీ తగిన పరిమాణాన్ని గుర్తుంచుకోండి.
ఉప్పు, నల్ల ఉప్పు మధ్య తేడా
నిమ్మరసంలో సాధారణ ఉప్పుకు బదులుగా నల్ల ఉప్పును జోడించడం వల్ల ఎక్కువ ప్రయోజనకరంగా, రుచికరంగా ఉంటుంది. నల్ల ఉప్పు జీర్ణక్రియకు సహాయపడుతుంది. అలాగే నిమ్మరసానికి భిన్నమైన రుచిని ఇస్తుంది.
నిమ్మకాయను ముందుగా కోయండి
సమయం ఆదా అవుతుందని చాలామంది నిమ్మకాయను ముందుగానే కోసి ఫ్రిజ్‌లో ఉంచుతారు. కానీ ఇలా చేయడం వల్ల నిమ్మరసం వాతావరణంలోని ఆక్సిజన్‌తో చర్యజరిపి తాజాదనాన్ని కోల్పోతుంది. అందుకే ఎల్లప్పుడూ షర్బత్‌లో తాజా నిమ్మకాయనే కోసి వాడండి.
Low BP Symptoms: ఈ 5 లక్షణాలు మీలో ఉన్నాయా.. అయితే లో బీపీ ఉన్నట్టే..
Belly Fat: జిమ్, డైట్ అక్కర్లేదు.. ఈ చిన్నపాటి అలవాట్లతో బెల్లీ ఫ్యాట్ మాయం..
