Tooth Brush Effects : బ్రష్ చేశాక టూత్ బ్రష్ బాత్రూంలోనే ఉంచితే ఇన్ఫెక్షన్.. అలా జరగకూడదంటే ఇది తెలుసుకోండి..

Tooth Brush Effects : దంతాలను శుభ్రం చేయడానికి ప్రతి ఒక్కరూ టూత్ బ్రష్‌ను ఉపయోగిస్తారు. తద్వారా దంతాలు సరిగ్గా శుభ్రం అయ్యి వ్యాధులు రాకుండా ఉంటాయి. కానీ దంతాలను శుభ్రం చేయడానికి ఉపయోగించే టూత్ బ్రష్‌ను మీరిలా ఉపయోగిస్తే ఎలాంటి ప్రయోజనాలు రాకపోగా తీవ్రమైన ఇన్ఫెక్షన్ సమస్యలు తలెత్తుతాయి. మరి, దంతాలను బ్రష్‌తో ఎలా శుభ్రం చేస్తే మంచిదో మీకు తెలుసా? నిజానికి, టూత్ బ్రష్‌ను ఉపయోగించిన తర్వాత మనం సాధారణంగా దానిని నీటితో కడిగి బాత్రూంలో ఏదొక మూలలో ఉంచేస్తాము. ఇలా చేయడం ద్వారా టూత్ బ్రష్‌లో బ్యాక్టీరియా పేరుకుపోతుంది. అదే బ్యాక్టీరియా శరీరంలోకి ప్రవేశించి అనేక తీవ్రమైన వ్యాధులకు కారణమవుతుంది.

నిపుణులు ఏమంటున్నారు?

టూత్ బ్రష్‌ను శుభ్రం చేయడానికి అనేక మార్గాలు ఉన్నాయి. చాలా మంది తమ టూత్ బ్రష్‌ను ఎప్పుడూ శుభ్రం చేయరు. దానిని టాయిలెట్ పక్కన బహిరంగ ప్రదేశంలో ఉంచుతారు. ఇది ఆరోగ్యానికి హానికరం. దీనివల్ల అనేక రకాల వ్యాధులు వచ్చే ప్రమాదం పెరుగుతుంది. దంతాలను శుభ్రం చేయడానికి సాధారణ టూత్ బ్రష్‌ను ఉపయోగిస్తారు. అదే టూత్ బ్రష్‌ను చాలా నెలలు ఉపయోగించడం కూడా ఆరోగ్యానికి హానికరం. దంతాలను శుభ్రం చేశాక టూత్ బ్రష్‌లో 1.2 మిలియన్లకు పైగా బ్యాక్టీరియా ఉంటుందంట. మీరు బాత్రూంలోనే అలా ఉంచితే బాక్టీరియా, ఫంగస్, వైరస్‌లు కూడా కాలక్రమేణా టూత్ బ్రష్‌లో పెరుగుతాయి. ఈ సూక్ష్మజీవులలో చాలా వరకు ప్రమాదకరం. ఈ బ్యాక్టిరియా వల్ల స్ట్రెప్టోకోకస్ మ్యూటాన్స్, కావిటీస్ సమస్యలు తలెత్తుతాయి. బాత్రూంలో తేమతో కూడిన వాతావరణమే అందుకు కారణం. అందుకే మీ టూత్ బ్రష్‌ను క్రమం తప్పకుండా శుభ్రం చేయకపోవడం ప్రమాదకరమని దంత వైద్యులు హెచ్చరిస్తున్నారు.

ఈ సమస్యల ప్రమాదం పెరుగుతుంది..

టూత్ బ్రష్ ని తరచుగా వాడటం వల్ల ఈ క్రిములు నోటిలోకి ప్రవేశించే అవకాశాలు పెరుగుతాయి. దీనివల్ల చిగురువాపు, పీరియాంటైటిస్ వంటి ఇన్ఫెక్షన్లు వస్తాయి. అనారోగ్యం తర్వాత కూడా మళ్ళీ ఇన్ఫెక్షన్ రావచ్చు. టూత్ బ్రష్ పై ఉండే బ్యాక్టీరియా నోటిలోకి హానికరమైన సూక్ష్మజీవులను తిరిగి ప్రవేశపెట్టగలదని.. దీనివల్ల దంతక్షయం, చిగుళ్ల వ్యాధి సంభవిస్తుందని నిపుణులు చెబుతున్నారు. టూత్ బ్రష్‌లపై ఉండే క్రిములు దుర్వాసన వంటి సమస్యలకు దోహదం చేస్తాయని లేదా అప్పటికే ఉన్న చిగుళ్ల సమస్యలను మరింత తీవ్రతరం చేస్తాయని కొన్ని అధ్యయనాలు సూచిస్తున్నాయి.

మిమ్మల్ని మీరు రక్షించుకోవడానికి ఈ పద్ధతులను అనుసరించండి

• ఆహార కణాలు, టూత్‌పేస్ట్ అవశేషాలను పూర్తిగా తొలగించడానికి బ్రష్ చేశాక టూత్ బ్రష్‌ను బాగా కడగాలి.

• టూత్ బ్రష్ నిటారుగా ఉంచి గాలికి ఆరనివ్వండి. తేమతో కూడిన వాతావరణంలో బాక్టీరియా వృద్ధి చెందుతుంది. కాబట్టి మీ టూత్ బ్రష్‌ను పొడిగా ఉంచడం ముఖ్యం.

• టూత్ బ్రష్‌ను గాలి చొరబడని మూతతో కప్పడం మానుకోండి. ఎందుకంటే ఇలా చేస్తే తేమ పేరుకుపోయి సూక్ష్మజీవుల పెరుగుదలను ప్రోత్సహిస్తుంది.

• బ్రిస్టల్స్ ప్రభావవంతంగా పనిచేస్తున్నా బ్యాక్టీరియా పెరుగుదలను తగ్గించడానికి ప్రతి 3-4 నెలలకు ఒకసారి టూత్ బ్రష్‌ను మార్చండి.

టూత్ బ్రష్ శుభ్రం చేయడానికి ఇలా చేయండి

టూత్ బ్రష్‌లను శుభ్రం చేయడానికి అనేక పద్ధతులను ఉపయోగించవచ్చు.

• UV లైట్ శానిటైజర్

ఈ పరికరాలు అతినీలలోహిత కిరణాలను విడుదల చేస్తాయి. ఇవి బ్యాక్టీరియా, వైరస్‌ల DNAను నాశనం చేయడం ద్వారా వాటిని చంపుతాయి. UV శానిటైజర్లు టూత్ బ్రష్‌లపై బ్యాక్టీరియాను 99 శాతం వరకు తగ్గించగలవని అధ్యయనాలు చెబుతున్నాయి.

• యాంటీ బాక్టీరియల్ మౌత్ వాష్ లో నానబెట్టండి

యాంటీ బాక్టీరియల్ మౌత్ వాష్ లో టూత్ బ్రష్ నానబెట్టడం వల్ల బ్రిస్టల్స్‌పై ఉండే బ్యాక్టీరియాను నాశనమవుతుంది. ఇది చాలా తేలికైన, సులభంగా శుభ్రం చేసుకోగలిగే పద్ధతి.

• మరిగే నీరు

మీ టూత్ బ్రష్‌ను కొన్ని నిమిషాలు మరిగే నీటిలో ఉడకబెట్టినా లేదా ఉంచినా బ్యాక్టీరియా చనిపోవచ్చు. కానీ పదే పదే అలా చేయడం వల్ల బ్రిస్టల్స్ దెబ్బతింటాయి.

Read Also : మహిళలకు స్పెషల్.. ఇవి తింటే.. ఎప్పటికీ ముసలోళ్లు అవ్వరంతే..

Watermelons: జర.. చూసి తినండి..

Blood Groups Disease Susceptibility: ఈ బ్లడ్ గ్రూప్స్ వారికి గుండె జబ్బులు, ఉదర