Air Force Jobs: ఎయిర్‌ఫోర్స్‌ కొత్త నోటిఫికేషన్.. టెన్త్, ఇంటర్ పాసైతే చాలు..

Indian Air Force Group C recruitment 2025: మీరు ఇండియన్ ఎయిర్ ఫోర్స్‌లో జాయిన్ అయ్యేందుకు గొప్ప అవకాశం. ఇండియన్ ఎయిర్ ఫోర్స్ (IAF) గ్రూప్ C రిక్రూట్‌మెంట్ 2025 నోటిఫికేషన్ విడుదల చేసింది. లోయర్ డివిజన్ క్లర్క్, హిందీ టైపిస్ట్, కుక్, స్టోర్ కీపర్, కార్పెంటర్, MTS వంటి అనేక పోస్టులను ఈ నియామకం కింద భర్తీ చేస్తారు. ఆసక్తి ఉన్న అభ్యర్థులు వైమానిక దళం అధికారిక వెబ్‌సైట్ indianairforce.nic.in ని సందర్శించి దరఖాస్తులను సమర్పించాలి. దరఖాస్తు ప్రక్రియ మే 17న ప్రారంభమైంది. చివరి తేదీ 15 జూన్ 2025. కాబట్టి, వెంటనే అప్లై చేసుకోండి.

భారత వైమానిక దళం (IAF) గ్రూప్ C రిక్రూట్‌మెంట్ 2025 నోటిఫికేషన్ విడుదల చేసింది. ఈ నియామక ప్రక్రియ కింద 153 పోస్టులు భర్తీ చేయనుంది. మొత్తం పోస్టుల్లో 53 పోస్టులు MTS కి చెందినవి. ఇందులో లోయర్ డివిజన్ క్లర్క్ (LDC), హిందీ టైపిస్ట్, కుక్, కార్పెంటర్, పెయింటర్, ఇతర పోస్టులు ఉన్నాయి. జనరల్ కేటగిరీ, ఇతర వెనుకబడిన తరగతులు, షెడ్యూల్డ్ కులాలు, షెడ్యూల్డ్ తెగలు, ఆర్థికంగా బలహీన వర్గాలకు కూడా పోస్టులు రిజర్వ్ చేయబడ్డాయి. ఈ పోస్టులకు దరఖాస్తు చేసుకునే అభ్యర్థులకు ఉండాల్సిన అర్హతలు, ఎంపిక ప్రక్రియ గురించి ఇక్కడ తెలుసుకోండి.

అర్హత ప్రమాణాలు:

LDC, స్కోర్‌కీపర్ పోస్టులకు అభ్యర్థి 12వ తరగతి ఉత్తీర్ణులై ఉండాలి.

మెకానికల్ ట్రాన్స్‌పోర్ట్ డ్రైవర్, కుక్ పెయింటర్, కార్పెంటర్, హౌస్ కీపింగ్ మొదలైన పోస్టులకు 10వ తరగతి ఉత్తీర్ణత లేదా సంబంధిత ట్రేడ్‌లో ఐటీఐ డిగ్రీ కూడా ఉండాలి.

దరఖాస్తుదారుడి వయస్సు 18 సంవత్సరాల నుంచి 25 సంవత్సరాల మధ్య ఉండాలి.

ప్రభుత్వ నిబంధనల ప్రకారం రిజర్వ్‌డ్ కేటగిరీ అభ్యర్థులకు గరిష్ఠ వయోపరిమితిలో సడలింపు ఉంటుంది..

ఎంపిక ప్రక్రియ ఎలా?

రాత పరీక్ష, నైపుణ్య పరీక్ష, డాక్యుమెంట్ వెరిఫికేషన్ మొదలైన వాటి ద్వారా అభ్యర్థులను ఉద్యోగాలకు ఎంపిక చేస్తారు. ముందుగా రాత పరీక్ష నిర్వహిస్తారు. పరీక్షల షెడ్యూల్ తరువాత విడుదల చేయబడుతుంది. పరీక్షలో మెరిట్ సాధించిన దరఖాస్తుదారులందరికీ అడ్మిట్ కార్డు జారీ చేస్తారు. అభ్యర్థులు ఎయిర్ ఫోర్స్ అధికారిక వెబ్‌సైట్ నుంచి ఫారమ్‌ను డౌన్‌లోడ్ చేసుకుని సమీపంలోని ఎయిర్ ఫోర్స్ స్టేషన్‌లో పోస్ట్ చేయవచ్చు.

ఎలా దరఖాస్తు చేయాలి?

గ్రూప్ సి పోస్టులకు దరఖాస్తు చేసుకోవాలనుకునే అభ్యర్థులు అధికారిక వెబ్‌సైట్‌లో అందుబాటులో ఉన్న దరఖాస్తు ఫారమ్‌ను నింపి, ఆపై అందించిన చిరునామాలో పోస్ట్ చేయాలి. పోస్ట్‌కు దరఖాస్తు చేసుకోవడానికి దశలు క్రింద ఉన్నాయి:

• అధికారిక వెబ్‌సైట్‌ను సందర్శించండి- indianairforce.nic.in.

• ఇచ్చిన లింక్ నుంచి దరఖాస్తు ఫారమ్‌ను డౌన్‌లోడ్ చేసుకోండి.

• అడిగిన సమాచారం దరఖాస్తు ఫారంలో నింపండి.

• ఫారమ్‌ను రూ.10 స్టాంప్ ఉన్న స్వీయ చిరునామా ఉన్న కవరులో ఉంచండి.

• ఒకటి కంటే ఎక్కువ పోస్టులకు దరఖాస్తు చేసుకోవాలనుకునే అభ్యర్థులు వేర్వేరు దరఖాస్తులను పంపవచ్చు.

• స్వీయ-ధృవీకరణ పత్రాలను జత చేయండి.

• అన్ని పత్రాలు, ఫారమ్‌ను ఒకే కవరులో ఉంచండి . కవరుపై అడ్రస్, పోస్టు తదితర వివరాలు రాయండి.

• అధికారిక నోటిఫికేషన్‌లో పేర్కొన్న పోస్టల్ చిరునామాకు పంపండి.

• ఫారమ్ ప్రింటవుట్ తీసుకొని భవిష్యత్తు సూచన కోసం దాన్ని సేవ్ చేసుకోండి.

ఇవీ చదవండి:

పాఠశాలలు ప్రారంభమైన రోజు నుంచే.. విద్యార్థులకు పాఠ్యపుస్తకాలు

ఏఐతో విద్యా వ్యవస్థపై తీవ్ర ప్రభావం.. నిజాయతీ

మరిన్ని ఎడ్యుకేషన్, తెలుగు వార్తల కోసం క్లిక్ చేయండి