AP Budget 2025: రూ.3.22 లక్షల కోట్లతో ఏపీ బడ్జెట్..
ABN , Publish Date - Feb 28 , 2025 | 10:25 AM
ఏపీ 2025-26 వార్షిక బడ్జెట్‌కు ఏపీ క్యాబినెట్ ఆమోదం తెలిపింది. సీఎం కార్యాలయంలో శుక్రవారం రాష్ట్ర మంత్రివర్గ భేటీ జరిగింది. ఈ సందర్భంగా సీఎం చంద్రబాబు నాయుడు, డిప్యూటీ సీఎం పవన్ కల్యాణ్‌కు.. ఆర్థిక మంత్రి పయ్యావుల కేశవ్ బడ్జెట్ పత్రాలను అందజేశారు.
ఏపీ 2025-26 వార్షిక బడ్జెట్‌కు ఏపీ క్యాబినెట్ ఆమోదం తెలిపింది. సీఎం కార్యాలయంలో శుక్రవారం రాష్ట్ర మంత్రివర్గ భేటీ జరిగింది. ఈ సందర్భంగా సీఎం చంద్రబాబు నాయుడు, డిప్యూటీ సీఎం పవన్ కల్యాణ్‌కు.. ఆర్థిక మంత్రి పయ్యావుల కేశవ్ బడ్జెట్ పత్రాలను అందజేశారు. ఆ తర్వాత ఆ బడ్జెట్‌కు మంత్రి వర్గం ఆమోదం తెలిపింది.
మొత్తం రూ.3.22 లక్షల కోట్లతో ఏపీ బడ్జెట్‌ను (AP Budget 2025) రూపొందించినట్లు మంత్రి పయ్యావుల కేశవ్ తెలిపారు. ఇందులో వ్యవసాయానికి రూ.48,340 కోట్లు, వయబులిటీ గ్యాఫ్‌ ఫండ్‌ రూ.2 వేల కోట్లు కేటాయించినట్లు పేర్కొన్నారు. అలాగే ఎస్సీల గృహ నిర్మాణానికి రూ.50 వేలు, ఎస్టీల గృహ నిర్మాణానికి రూ.70 వేలు ఇవ్వాలని నిర్ణయించారు. మరోవైపు ఎన్టీఆర్‌ వైద్య భరోసాకు రూ.31,613 కోట్లు కేటాయించనున్నట్లు మంత్రి తెలిపారు.
ఏ శాఖకు ఎంత కేటాయించారంటే..
పాఠశాల విద్యకు రూ.31,806 కోట్ల బడ్జెట్ కేటాయించినట్లు మంత్రి పయ్యావుల కేశవ్ తెలిపారు.
వైద్యారోగ్య శాఖకు రూ.19,260 కోట్లు
పంచాయతీరాజ్, గ్రామీణాభివృద్ధికి రూ.18,848 కోట్లు
జలవనరుల అభివృద్ధికి రూ.18,020 కోట్లు
మున్సిపల్ అండ్ పట్టణాభివృద్ధికి రూ.13,862 కోట్లు
విద్యుత్ శాఖకు రూ.13,600 కోట్లు
వ్యవసాయానికి రూ.11,636 కోట్లు
సాంఘిక సంక్షేమానికి రూ.10,909 కోట్లు
ఆర్థికంగా వెనుకబడిన తరగతులకు రూ.10,619 కోట్లు
రవాణా శాఖకు రూ.8,785 కోట్లు
ఎస్సీ, ఎస్టీ, బీసీ స్కాలర్‌షిప్పులకు రూ.3,377 కోట్లు
పురపాలక శాఖకు రూ.13,862 కోట్లు,
స్వచ్ఛ ఆంధ్ర కోసం రూ.820 కోట్లు
ఐటీ, ఎలక్ట్రానిక్స్‌ రాయితీలు రూ.300 కోట్లు
ఆదరణ పథకం కోసం రూ.1000 కోట్లు
మనబడి పథకం కోసం రూ.3,486 కోట్లు
తల్లికి వందనం కోసం రూ.9,407 కోట్లు
అమరావతి నిర్మాణానికి రూ.6 వేల కోట్లు
దీపం 2.0 పథకానికి రూ.2,601 కోట్లు
రోడ్ల నిర్మాణం, మరమ్మతులు రూ.4,220 కోట్లు
బాల సంజీవని పథకం కోసం రూ.1,163 కోట్లు
పోర్టులు, ఎయిర్‌పోర్టుల కోసం రూ.605 కోట్లు
చేనేత, నాయీ బ్రాహ్మణుల ఉచిత విద్యుత్‌కు రూ.450 కోట్లు
RTGSకు రూ.101 కోట్లు
ఎన్టీఆర్‌ భరోసా పెన్షన్లు రూ.27,518 కోట్లు
అన్నదాత సుఖీభవకు రూ.6,300 కోట్లు
పోలవరం కోసం రూ.6,705 కోట్లు
జల్‌జీవన్‌ విషన్‌కు రూ.2,800 కోట్లు
వ్యవసాయ, అనుబంధ రంగాలకు రూ.13,487 కోట్లు
పౌరసరఫరాల శాఖకు రూ.3,806 కోట్లు
బీసీల సంక్షేమానికి రూ.47,456 కోట్లు
ఎస్సీల సంక్షేమానికి రూ.20,281 కోట్లు
ఎస్టీల సంక్షేమానికి రూ.8,159 కోట్లు
అల్పసంఖ్యాక వర్గాలకు రూ.5,434 కోట్లు
మహిళా శిశు సంక్షేమం, వృద్ధులు, దివ్యాంగుల కోసం రూ.4,332 కోట్లు
వైద్య, ఆరోగ్యం, కుటుంబ సంక్షేమానికి రూ.19,264 కోట్లు
పరిశ్రమలు, వాణిజ్య శాఖకు రూ.3,156 కోట్లు
ఆర్‌ అండ్ బీకి రూ.8,785 కోట్లు
యువజన, సాంస్కృతిక శాఖకు రూ.469 కోట్లు
తెలుగు భాష అభివృద్ధి, ప్రచారం కోసం రూ.10 కోట్లు
నవోదయ 2.0 కార్యక్రమానికి రూ.10 కోట్లు
డొక్కా సీతమ్మ మధ్యాహ్న భోజన పథకానికి రూ.3,486 కోట్లు
రాష్ట్రీయ కృషి వికాస్‌ యోజనకు రూ.500 కోట్లు
ధరల స్థిరీకరణ నిధికి రూ.300 కోట్లు
ITI, IITల కోసం రూ.210 కోట్లు
దీన్‌దయాళ్‌ అంత్యోదయ యోజనకు రూ.745 కోట్లు
రతన్ టాటా ఇన్నోవేషన్ హబ్‌కు రూ.10కోట్లు
ప్రకృతి సేద్యం ప్రోత్సాహానికి రూ.62 కోట్లు
ఇరిగేషన్‌ ప్రాజెక్టులకు రూ. 11,314 కోట్లు
మత్స్యకార భరోసాకు రూ.450 కోట్లు
ఎస్సీ, ఎస్టీల ఉచిత విద్యుత్‌కు రూ.400 కోట్ల బడ్జెట్‌ను కేటాయించినట్లు మంత్రి పేర్కొన్నారు.
రాజధాని ప్రాజెక్టులను మళ్లీ పట్టాలెక్కిస్తున్నట్లు ఆర్థిక మంత్రి పయ్యావుల కేశవ్ తెలిపారు. రాష్ట్ర ఆర్థిక వృద్ధి మళ్లీ గాడిలో పడిందన్నారు. అన్ని రంగాలు మళ్లీ బలం పుంజుకుంటున్నాయని చెప్పారు. సేవల రంగంలో 11.7 శాతం వృద్ధి సాధించినట్లు పేర్కొన్నారు. ప్రజల ఆశలు, ఆకాంక్షలకు అనుగుణంగా బడ్జెట్ రూపొందించినట్లు చెప్పారు. పెన్షన్లను రూ.4 వేలు, దివ్యాంగులకు రూ.6 వేలు, దీపం పథకం ద్వారా అర్హులకు 3 ఉచిత సిలిండర్లు, 204 అన్న క్యాంటీన్లను ప్రారంభించినట్లు తెలిపారు. అదేవిధంగా అన్నదాత సుఖీభవ కింద ప్రతి రైతుకు రూ.20 వేలు, తల్లికి వందనం కింద ప్రతి విద్యార్థికి రూ.15 వేలు, రూ.25 లక్షలతో ప్రతి కుటుంబానికి ఆరోగ్య బీమా కల్పించినట్లు మంత్రి పయ్యావుల కేశవ్ వివరించారు.
