Recharge Offer: కొత్త రీఛార్జ్ రూ. 154కే మంత్లీ ప్లాన్.. కాల్స్‌తోపాటు..

భారతదేశంలో టెలికమ్యూనికేషన్ రంగంలో TRAI ఆదేశాల ప్రకారం ప్రముఖ కంపెనీలైన రిలయన్స్ జియో, ఎయిర్‌టెల్ కొత్త ప్లాన్లను ప్రకటించాయి. ఈ రెండు కంపెనీలు ఇటీవల తమ వినియోగదారుల కోసం వివిధ రకాల లాంగ్ టర్మ్ ప్లాన్‌లను పరిచయం చేశాయి. వీటిలో కాలింగ్, SMS సేవలు వంటి అనేక ఇతర ప్రయోజనాలను అందిస్తున్నాయి. ఆ విశేషాలేంటో ఇక్కడ తెలుసుకుందాం.

జియో రూ. 1,748 రీఛార్జ్ ప్లాన్..

ఈ క్రమంలోనే రిలయన్స్ జియో తాజాగా ఒక అద్భుతమైన రీఛార్జ్ ప్లాన్‌ను ప్రవేశపెట్టింది. దీని ధర రూ. 1,748. ఈ ప్లాన్‌లో వినియోగదారులు 336 రోజుల పాటు అపరిమిత కాలింగ్ సేవలను పొందవచ్చు. జియో వినియోగదారులు ఎలాంటి నెట్‌వర్క్ పరిమితులు లేకుండా ప్రపంచంలో ఎక్కడికైనా కాల్ చేయవచ్చు. జియో ఈ ప్రణాళిక ద్వారా మీరు నెలల వారీగా రీఛార్జ్ చేయడం నుంచి నిత్యం ఎదురయ్యే ఇబ్బందిని తగ్గిస్తుంది. ఎందుకంటే ఇది దాదాపు 11 నెలల పాటు పనిచేస్తుంది.

ఉచిత SMSలు కూడా..

ఇందులో 3,600 ఉచిత SMSలు కూడా అందిస్తారు. ఇవి వ్యాపార దృష్టితో లేదా వ్యక్తిగత కమ్యూనికేషన్ కోసం ఉపయోగకరంగా ఉంటాయి. దీంతోపాటు జియో ఈ ప్లాన్‌లో OTT స్ట్రీమింగ్ సేవలను కూడా అందిస్తుంది. జియో సినిమా ఉచిత యాక్సెస్, జియో టీవీ, జియో క్లౌడ్ వంటి అదనపు ప్రయోజనాలు కూడా ఇందులో ఉన్నాయి. ఈ ప్లాన్ వినియోగదారులకు మాత్రమే కాకుండా, ఓటీటీ సర్వీస్‌లను ఆస్వాదించే వారికి కూడా మంచి ఎంపికగా ఉంటుంది.

ఎయిర్‌టెల్ రూ. 1,849 రీఛార్జ్ ప్లాన్..

ఎయిర్‌టెల్ కూడా తన వినియోగదారుల కోసం రూ. 1,849 విలువ గల కొత్త ప్లాన్‌ను ప్రారంభించింది. ఈ ప్లాన్ 365 రోజుల చెల్లుబాటును కలిగి ఉంటుంది. అంటే మొత్తం 1 సంవత్సరమంతా విరామం లేకుండా సేవలు పొందవచ్చు. ఈ ప్రణాళికలో అపరిమిత కాలింగ్ అందించబడుతుంది. అదే విధంగా అన్ని లోకల్, STD నెట్‌వర్క్‌లలోనూ, ఇకపై ఎలాంటి కాలింగ్ చార్జీలు ఉండవు. ఎయిర్‌టెల్ కూడా 3,600 ఉచిత SMSలను అందిస్తోంది. జియోతో పోలిస్తే ఈ ప్లాన్ లో 365 రోజుల చెల్లుబాటు ద్వారా ప్రతినెలకు రూ. 154 అవుతుంది. అదనంగా వినియోగదారులు ఉచిత హలో ట్యూన్స్‌ను ఆస్వాదించవచ్చు. ఇది కాలింగ్‌కు ఒక ప్రత్యేక అనుభూతిని కలిగిస్తుందని చెప్పవచ్చు.

ట్రాయ్ మార్గదర్శకాలు..

ఈ రెండు సంస్థలు తమ వినియోగదారులకు అందించే సర్వీసులను మార్చడం ద్వారా ప్రత్యేకంగా గుర్తింపు పొందుతున్నాయి. ఈ రీఛార్జ్ ప్లాన్‌లకు సంబంధించి, టెలికాం రెగ్యులేటరీ అథారిటీ ఆఫ్ ఇండియా (TRAI) కంపెనీలను ప్రజలకు తక్కువ ధరలో, ఎక్కువ సౌకర్యం కలిగిన రీఛార్జ్ ప్లాన్లను అందించమని ఆదేశించింది. ఇందుకు అనుగుణంగా జియో, ఎయిర్‌టెల్ వినియోగదారులకు అధిక విలువతో కూడిన సేవలను అందిస్తున్నాయి.

ఇవి కూడా చదవండి:

Union Budget 2025: కేంద్ర బడ్జెట్‌ను ప్రవేశపెట్టిన ప్రధానమంత్రులు.. ఎవరెవరంటే..

Stock Markets: స్టాక్ మార్కెట్లలో మళ్లీ క్షీణత.. మదుపర్లకు భారీ నష్టాలు

Bank Holidays: ఫిబ్రవరి 2025లో బ్యాంకు సెలవులు ఎన్ని రోజులంటే.. పూర్తి జాబితా..

IRCTC: తక్కువ ధరలకే కుంభమేళా టూర్ ప్యాకేజీ.. ఇలా బుక్ చేసుకోండి మరి..

Budget 2025: వచ్చే బడ్జెట్‌లో కొత్త ఆదాయపు పన్ను బిల్లు.. 60 శాతం తగ్గింపు..

SIM Card New Rules: సిమ్ కార్డ్ కొత్త రూల్స్ గురించి తెలుసా.. ఇది తప్పనిసరి

Budget 2025: రైతులకు గుడ్ న్యూస్.. వచ్చే నెల ఖాతాల్లోకి రూ.10 వేలు

Investment Plan: మీ పదవీ విరమణకు ఇలా ప్లాన్ చేయండి.. రూ. 2 కోట్లు పొందండి..

Read More Business News and Latest Telugu News