Nidhhi Agerwal: నిధి అగర్వాల్ ఎంట్రీతో అనంతపురం షైన్.. ఫ్యాన్స్ ఫుల్ జోష్

అనంతపురంలో హరి హర వీరమల్లు సినిమా హీరోయిన్ నిధి అగర్వాల్ ఆదివారం సందడి చేశారు. పట్టణంలో ఓ షాపింగ్ మాల్‌ని ఆమె ప్రారంభించారు. ఈ కార్యక్రమంలో ఎంపీ అంబికా లక్ష్మీనారాయణ కూడా పాల్గొన్నారు. నిధి అగర్వాల్ వస్తోందని తెలుసుకున్న ఆమె అభిమానులు షాపింగ్ మాల్ వద్దకు పెద్ద ఎత్తున చేరుకున్నారు. నిధి అగర్వాల్ వస్తోండటంతో పోలీసులు భద్రత చర్యలు చేపట్టారు. నటితో సెల్పీలు దిగడానికి అభిమానులు ఉత్సాహం చూపించారు. ఈ సందర్భంగా హీరోయిన్ నిధి అగర్వాల్ అభిమానులతో కాసేపు మాట్లాడారు. తాను నటించిన సినిమా హరి హర వీర మల్లు చూడాలని ఆమె కోరారు. మీరు నటించిన సినిమాలు చూశామని, మీ నటన అంటే ఎంతో ఇష్టమని అభిమానులు చెప్పుకొచ్చారు. అనంతరం షాపింగ్ మాల్‌లో పలు వస్త్రాలను ఆమె పరిశీలించారు. ఆ తర్వాత మీడియాతో నిధి అగర్వాల్ మాట్లాడారు. అనంతపురం నగరం అంటే తనకు చాలా ఇష్టమని, ఇక్కడకు చాలా సార్లు వచ్చానని నిధి అగర్వాల్ పేర్కొన్నారు.