Minister Ponguleti: ఖమ్మం జిల్లాలో మంత్రి పొంగులేటి పర్యటన

ఖమ్మం జిల్లాలో మంత్రి పొంగులేటి శ్రీనివాసరెడ్డి ఆదివారం పర్యటించారు. పలు అభివృద్ధి కార్యక్రమాల్లో పాల్గొన్నారు. నేలకొండపల్లి మండలం శంకరగిరి తండాలో జరిగిన శ్రీ సీతారామ, లక్ష్మణ ఆంజనేయ స్వామి శిఖర, ధ్వజస్తంభ ప్రతిష్టాపన మహోత్సవ కార్యక్రమానికి ముఖ్య అతిథిగా హాజరయ్యారు. ఆలయంలో ప్రత్యేక పూజలు నిర్వహించారు. ఈ సందర్భంగా మంత్రి పొంగులేటిని బ్రాహ్మణులు ఆశీర్వదించి తీర్థప్రసాదాలు అందజేశారు. శ్రీ సీతారామ లక్ష్మణ, ఆంజనేయ, స్వామి వారి ఆశీస్సులతో ప్రజలందరూ సుఖ సంతోషాలతో, సుభిక్షంగా ఉండాలని, ఉన్నత శిఖరాలు చేరుకోవాలన్నదే తన ఆకాంక్ష అని మంత్రి పొంగులేటి శ్రీనివాసరెడ్డి తెలిపారు.