IndiGo Flight: విమానాన్ని ఢీకొన్న పక్షి.. తప్పిన ప్రమాదం

ఇంటర్నెట్ డెస్క్: ఇండిగో(IndiGo) విమానానికి పెను ప్రమాదం తప్పింది. ముంబయి(Mumbai) నుంచి డెహ్రాడూన్‌(Dehradun)కు బయల్దేరిన ఇండిగో 6E5032 విమానాన్ని మార్గం మధ్యలో ఆకస్మాత్తుగా ఓ పక్షి ఢీకొంది(Bird Hit). అప్రమత్తమైన పైలట్.. వెంటనే విమానాన్ని అత్యవసర ల్యాండింగ్ చేశారు. ఈ క్రమంలో విమానం ముందు భాగం స్వల్పంగా దెబ్బతింది. అయితే.. ఈ ఘటనలో ప్రయాణికులంతా సురక్షితంగా బయటపడ్డారు. ఈ విషయాన్ని ఇండిగో సంస్థ అధికార ప్రతినిధి ఒకరు అధికారికంగా వెల్లడించారు. ఆ సమయంలో విమానంలో సుమారు 186 మంది ప్రయాణికులు ఉన్నట్టు తెలిపారు.

ఈ క్రమంలో ప్రయాణికులకు ఎలాంటి ఇబ్బందులు తలెత్తకుండా.. ప్రత్యామ్నాయంగా మరో విమానం ద్వారా సర్వీసును పునరుద్ధరించింది ఎయిర్‌ఇండియా. ఈ స్వల్ప విరామంలో ప్రయాణికులకు విమానయాన సిబ్బంది అల్పాహారం అందించినట్టు అధికారులు తెలిపారు.

ఇవీ చదవండి:

మన తేజస్‌ ఎంత భద్రం?

మావోయిస్టుల అడ్డాలో భద్రతాదళాల పాగా