Summer Hair Care: తలంతా చెమటతో తడిసిపోతోందా.. చెమట కంపు పోవట్లేదా.. అయితే ఇలా చేయండి..

Smelly Scalp Home Remedies: వేసవి కాలంలో అనేక రకాల సమస్యలు ప్రజలను ఇబ్బందులకు గురిచేస్తూనే ఉంటాయి. ఈ సీజన్‌లో ఎక్కువగా ఇబ్బంది పెట్టే వాటిలో చెమట ఒకటి. ఎండలో కొద్దిసేపు ఉంటే చాలు. శరీరం మొత్తం చెమటతో తడిసిపోతుంది. ఇది బట్టలు, లుక్స్ ను చెడగొట్టడమే కాకుండా జుట్టును కూడా తడి చేస్తుంది. ఇది మాత్రమే కాదు. చెమట కారణంగా జుట్టు దుర్వాసన రావడం ప్రారంభమవుతుంది. ఇది వారికే కాక పక్కవాళ్లని ఇబ్బందిపెడుతుంది. అంతేకాకుండా జుట్టు సంబంధిత సమస్యలు కూడా వస్తాయి. కానీ, ఈ కింది సహజ నివారణలతో జుట్టులోంచి దుర్వాసన రావడం ఇట్టే మాయమైపోతుంది.

రోజ్ వాటర్

రోజ్ వాటర్ సౌందర్య పోషణకు చాలా మంచిది. సువాసన కూడా అద్భుతంగా ఉంటుంది. ఇది చర్మానికి చాలా మాత్రమే కాదు. జుట్టు దుర్వాసనను తొలగించడంలోనూ ప్రభావవంతంగా పనిచేస్తుంది. అంతేకాకుండా, చెమట వల్ల కలిగే జిగటను కూడా తొలగిస్తుంది. మీరు ఒక కప్పు నీటిలో రెండు చెంచాల రోజ్ వాటర్ కలిపి పక్కన పెట్టుకోండి. జుట్టుకు షాంపూ చేసిన తర్వాత ఈ నీటితో మీ జుట్టును శుభ్రం చేయండి. జుట్టు నుంచి వచ్చే దుర్వాసన, జిడ్డుగల తొలగిపోయి మృదువుగా పట్టులా మెరిసిపోతాయి.

కలబంద

కలబంద కూడా జుట్టు నుండి వచ్చే దుర్వాసనను తొలగించడంలో సహాయపడుతుంది. వేసవిలో ఎక్కువగా చెమట పడుతుంటే తాజా అలోవెరా జెల్ రాయండి. జుట్టు, తలకు బాగా అప్లై చేసిన తర్వాత 15-20 నిమిషాలు అలాగే ఉంచండి. తరువాత మీ జుట్టును తేలికపాటి షాంపూతో కడగాలి. వారానికి రెండుసార్లు ఈ చిట్కా వాడితే జుట్టు నుంచి దుర్వాసన రాదు.

నిమ్మకాయ

విటమిన్ సి అధికంగా ఉండే నిమ్మకాయ ఆరోగ్యానికి చాలా ప్రయోజనకరం. అయితే, ఇది మీ జుట్టుకు కూడా చాలా ప్రయోజనకరంగా ఉంటుంది. దుర్వాసనను తొలగించడానికి మీరు నిమ్మకాయను ఉపయోగించవచ్చు. దీని కోసం, ఒక కప్పు నీటిలో ఒక నిమ్మకాయ రసాన్ని కలపండి. ఇప్పుడు జుట్టును షాంపూతో కడిగిన తర్వాత ఈ నీటితో మీ జుట్టును కడగాలి. ఇలా వారానికి 2-3 సార్లు చేయడం వల్ల చెమట వాసన పోతుంది. జుట్టు కూడా మెరుస్తుంది.

Read Also: Beer And Whisky: బీరు, విస్కీ కలిపితే ఏమవుతుందో తెలుసా..

Copper Vessel Benefits: రాగి పాత్రల్లో నీరు తాగితే 7 అద్భుతమైన ప్రయోజనాలు

Chanakya Niti About Family: కుటుంబ పెద్దకు ఈ లక్షణాలు లేకపోతే కుటుంబం