Cloud Computing: క్లౌడ్ కంప్యూటింగ్ అంటే ఏమిటి? ఈ రంగంలో కెరీర్ ఎలా నిర్మించుకోవాలి?
ABN , Publish Date - May 30 , 2025 | 10:51 AM
Cloud Computing Career: ఏఐ రాకతో ప్రపంచంలో అనేక రంగాల్లో అనూహ్య మార్పులు సంభవిస్తున్నాయి. చాలా కీలకమైన ఉద్యోగాలను సైతం ఏఐతో భర్తీ చేసేందుకు ఇప్పటికే ప్రయత్నాలు మొదలుపెట్టేశాయి యాజమాన్య సంస్థలు. ఈ తరుణంలో క్లౌడ్ కంప్యూటింగ్ కోర్సు చేసిన వారికి కెరీర్లో ఎదిగేందుకు ఎలాంటి అవకాశాలున్నాయి? ఈ రంగంలో ఉన్నత స్థాయికి ఎదిగేందుకు ఏం చేయాలి?
Future Of Cloud Computing Careers: ఇంటర్నెట్ ప్రపంచవ్యాప్తంగా మొత్తం పని వ్యవస్థనే పూర్తిగా మార్చేసింది. ఇక గత కొన్ని సంవత్సరాలుగా క్లౌడ్ కంప్యూటింగ్ వేగంగా అభివృద్ధి చెందుతోంది. 2025 నాటికి ఈ రంగంలో 14 మిలియన్లకు పైగా ఉద్యోగాల సృష్టి జరుగుతుందని నిపుణులు అంచనా వేస్తున్నారు. ఆరోగ్యం, విద్య వంటి వివిధ రంగాల్లో యువతకు అపారమైన ఉద్యోగ అవకాశాలు లభిస్తాయి. ఇంటర్ తర్వాత క్లౌడ్ కంప్యూటింగ్ కోర్సు చేసి చిన్నవయసులోనే క్లౌడ్ ఇంజనీర్, ఆర్కిటెక్ట్ లేదా డెవలపర్‌గా యువత వృత్తి జీవితాన్ని మొదలుపెట్టవచ్చు. మంచి జీతాలు పొందడంతో పాటు కెరీర్ పరంగా కూడా భవిష్యత్తులో ఢోకా ఉండదు. మరి, క్లౌడ్ కంప్యూటింగ్ అంటే ఏమిటి? క్లౌడ్ కంప్యూటింగ్‌లో ఉన్న కెరీర్ అవకాశాలు? ఎలా కెరీర్ నిర్మించుకోవాలో ఇక్కడ తెలుసుకోండి .
క్లౌడ్ కంప్యూటింగ్ అంటే ఏమిటి?
క్లౌడ్ కంప్యూటింగ్ అనేది ఇంటర్నెట్‌లో ఒక రంగం. సరళంగా చెప్పాలంటే క్లౌడ్ అనే పదం ఆంగ్ల పదం బాడ్లాన్ నుండి వచ్చింది. అంటే డేటా. అప్లికేషన్లు, పెద్ద మొత్తంలో ఉన్న ఇతర డేటాను నిల్వ చేసేందుకు క్లౌడ్ అనే ఆన్‌లైన్ నెట్‌వర్క్ సృష్టించారు. సాధారణంగా ఒక కార్యాలయంలో డేటా, అప్లికేషన్లు, ఇతర వివరాలను సేవ్ చేయడానికి సర్వర్ గదిని ఏర్పాటు చేసేవారు. కానీ ఇది క్లౌడ్ కంప్యూటింగ్ యుగం.
14 మిలియన్ల కొత్త ఉద్యోగాలు!
ప్రపంచవ్యాప్తంగా క్లౌడ్ కంప్యూటింగ్ వేగంగా విస్తరిస్తోంది. ఒక డేటా ప్రకారం, 2021లో క్లౌడ్ కంప్యూటింగ్ ప్రపంచ మార్కెట్ విలువ 368.97 బిలియన్ డాలర్లు. ఇది 2030 నాటికి 17 రెట్ల కంటే ఎక్కువ పెరుగుతుందని నిపుణుల అంచనా. 2025 నాటికి 95 శాతం కొత్త డిజిటల్ వర్క్‌లోడ్‌లు క్లౌడ్-స్థానిక ప్లాట్‌ఫామ్‌లకు రావచ్చు. IDC విడుదల చేసిన డేటా ప్రకారం, 2025 నాటికి ప్రపంచ క్లౌడ్ కంప్యూటింగ్ మార్కెట్లో దాదాపు 14 మిలియన్ల కొత్త ఉద్యోగాలు క్రియేట్ అవుతాయని అంచనా.
సగటున రూ.7.2 లక్షలు సంపాదన!
క్లౌడ్ కంప్యూటింగ్ ఏ రంగానికి చెందిన సంస్థ డేటాను అయినా ఆన్‌లైన్‌లో యాక్సెస్ చేసుకునే సౌకర్యాన్ని అందిస్తుంది. ఆరోగ్యం, విద్య సహా అనేక రంగాలలో క్లౌడ్ కంప్యూటింగ్ విస్తరిస్తోంది. వర్తమానంలోనే కాదు. భవిష్యత్తులోనూ క్లౌడ్ నిపుణులకు డిమాండ్ పెరుగుతూనే ఉంటుంది తప్ప తగ్గదు. ప్రస్తుతం, క్లౌడ్ నిపుణులు సంవత్సరానికి సగటున రూ.7.2 లక్షలు సంపాదిస్తున్నారు. అంటే నెలకు కనీస ఆదాయం రూ.50 వేలు పైనే.
కెరీర్ ఎలా నిర్మించుకోవాలి?
12వ తరగతి/ ఇంటర్ పూర్తయిన వెంటనే ఆసక్తి ఉన్న యువతీ యువకులు ఈ రంగంలో కెరీర్ ప్రారంభించవచ్చు. చిన్నవయసులో సంపాదించేందుకు ఈ రంగం మంచి అవకాశం. ప్రస్తుతం అనేక సంస్థలు క్లౌడ్ కంప్యూటింగ్ కోసం ఆన్ లైన్, ఆఫ్ లైన్ కోర్సులను నిర్వహిస్తున్నాయి. ఈ కోర్సు తర్వాత విద్యార్థులు క్లౌడ్ ఇంజనీర్, క్లౌడ్ ఆర్కిటెక్ట్, క్లౌడ్ డెవలపర్, క్లౌడ్ సెక్యూరిటీ ఎక్స్‌పర్ట్, క్లౌడ్ కన్సల్టెంట్ వంటి ఉద్యోగాలు సంపాదించుకోవచ్చు.
ఇవీ చదవండి:
ఇకపై ఆర్ట్స్, కామర్స్ విద్యార్థులూ పైలట్స్ కావచ్చు.. ఎలాగంటే..
ఎయిర్ హోస్టెస్ కావాలనుకుంటున్నారా ?
మరిన్ని ఎడ్యుకేషన్, తెలుగు వార్తల కోసం క్లిక్ చేయండి
