Bank Jobs: IDBI బ్యాంకులో భారీ నియామకాలు.. వెంటనే దరఖాస్తు చేసుకోండి..

IDBI Bank JAM Recruitment 2025: బ్యాంకులో ప్రభుత్వ ఉద్యోగం సాధించాలని కోరుకునే నిరుద్యోగులకు గుడ్ న్యూస్. ఐడీబీఐ బ్యాంక్ జూనియర్ అసిస్టెంట్ మేనేజర్ పోస్టుల భర్తీకి నోటిఫికేషన్ విడుదల చేసింది. ఈ రిక్రూట్‌మెంట్ కోసం ఆన్‌లైన్ దరఖాస్తు ప్రక్రియ మే 8, 2025 నుంచే ప్రారంభమైంది. అర్హత, ఆసక్తి ఉన్న అభ్యర్థులు మే 20 లోపు దరఖాస్తు చేసుకోవాలి. ఈ రిక్రూట్‌మెంట్ డ్రైవ్ ద్వారా మొత్తం 676 పోస్టులను భర్తీ చేస్తారు. అర్హత కలిగిన అభ్యర్థులు కింద ఇచ్చిన వెబ్‌సైట్‌ లింక్ ద్వారా నేరుగా దరఖాస్తు చేసుకోవచ్చు.

IDBI బ్యాంక్ జూనియర్ అసిస్టెంట్ మేనేజర్ (JAM) గ్రేడ్ 'O' రిక్రూట్‌మెంట్ ఇయర్ 2025-26 కోసం ఆన్‌లైన్ దరఖాస్తు ప్రక్రియను ప్రారంభించింది. ఆసక్తి, అర్హత కలిగిన అభ్యర్థులు అధికారిక వెబ్‌సైట్ (idbibank.in) ని సందర్శించడం ద్వారా ఈ పోస్టులకు 20 మే 2025 వరకు దరఖాస్తు చేసుకోవచ్చు. ఈ నియామక ప్రక్రియ కింద మొత్తం 676 ఖాళీ పోస్టులను భర్తీ చేస్తారు. జూనియర్ అసిస్టెంట్ మేనేజర్ పోస్టులకు జూన్ 8, 2025న ఆన్‌లైన్ పరీక్ష జరిగే అవకాశం ఉంది.

అర్హత

• ఈ నియామకాలకు దరఖాస్తు చేసుకునే అభ్యర్థులు ఏదైనా గుర్తింపు పొందిన విశ్వవిద్యాలయం నుంచి గ్రాడ్యుయేషన్ డిగ్రీని కలిగి ఉండాలి.

• జనరల్, EWS, OBC కేటగిరీ అభ్యర్థులకు కనీసం 60% మార్కులు తప్పనిసరి. షెడ్యూల్డ్ కులం (SC), షెడ్యూల్డ్ తెగ (ST), వికలాంగ (PwBD) అభ్యర్థులు కనీసం 55% మార్కులు తప్పనిసరి.

• మే 1, 2025 నాటికి డిగ్రీ పూర్తి చేసిన వారు దరఖాస్తుకు అర్హులు.

• ఎంపిక ప్రక్రియలో మార్క్ షీట్లు, డిగ్రీ సర్టిఫికెట్లు వంటి పత్రాలు అవసరం కాబట్టి అభ్యర్థులు ముందుగానే సిద్ధంగా ఉంచుకోవాలి.

వయోపరిమితి

మే 1, 2025 నాటికి అభ్యర్థుల వయోపరిమితి 20-25 సంవత్సరాల మధ్య ఉండాలి. దరఖాస్తు చేసుకునే ముందు అభ్యర్థులు నోటిఫికేషన్‌ను పూర్తిగా చదివితే మంచిది.

దరఖాస్తు రుసుము

ఈ పోస్టులకు దరఖాస్తు చేసుకునే SC/ST/PWD కేటగిరీ అభ్యర్థులు రూ. 250 దరఖాస్తు రుసుము చెల్లించాలి. మిగిలిన అభ్యర్థులందరికీ రూ. 1050 రుసుము వర్తిస్తుంది.

దరఖాస్తు చేసుకునే విధానం

• ముందుగా మీరు అధికారిక వెబ్‌సైట్ (idbibank.in) కి వెళ్లండి.

• ఇప్పుడు హోమ్‌పేజీకి వెళ్లి “career” విభాగంపై క్లిక్ చేయండి.

• తరువాత, “జూనియర్ అసిస్టెంట్ మేనేజర్ (JAM) గ్రేడ్ 'O' నియామకం 2025-26” లింక్‌పై క్లిక్ చేయండి.

• ముందుగా రిజిస్టర్ చేసుకుని ఆపై దరఖాస్తు ప్రక్రియను కొనసాగించండి.

• దరఖాస్తు ఫారమ్ నింపండి. అవసరమైన పత్రాలను అప్‌లోడ్ చేయడం పూర్తయ్యాక చివరగా రుసుము చెల్లించండి.

• అప్లికేషన్ ఫారమ్‌ సబ్మిట్ తర్వాత సాఫ్ట్ కాపీని డౌన్లోడ్ చేసిపెట్టుకోండి.

Read Also: CISF: ఇంటర్ అర్హతతో కానిస్టేబుల్ ఉద్యోగాలు..నెలకు రూ.81 వేల జీతం సహా..

AP POLYCET Results 2025: పాలిసెట్ ఫలితాలు విడుదల.. ఇక్కడ చెక్ చేసుకోండి..

JNTU: జేఎన్‌టీయూ కాలేజీలో 500 సీట్లకు కోత..