Central Bank Recruitment 2025: సెంట్రల్ బ్యాంకులో 4500 పోస్టులు.. ఈ రోజే లాస్ట్ డేట్.. వెంటనే అప్లై చేయండి..

CBI Apprentice Recruitment 2025 Apply Online: మీరు గ్రాడ్యుయేట్ అయి బ్యాంకింగ్ రంగంలో కెరీర్‌ను ప్రారంభించాలనుకుంటే మీకో గుడ్ న్యూస్. సెంట్రల్ బ్యాంక్ ఆఫ్ ఇండియా దేశంలోని పలురాష్ట్రాల్లోని 4500 అప్రెంటిస్ పోస్టులకు దరఖాస్తు ప్రక్రియను ప్రారంభించింది. గ్రాడ్యుయేట్ అయిన ప్రతి ఒక్కరూ ఈ పోస్టులకు అప్లై చేసుకునేందుకు అర్హులే. చివరి తేదీ జూన్ 23. అంటే ఈ రోజే ఆఖరి అవకాశం. ఆసక్తిగల అభ్యర్థులు centralbankofindia.co.in అధికారిక వెబ్‌సైట్‌ను సందర్శించి వెంటనే దరఖాస్తు చేసుకోవచ్చు.

ముఖ్యమైన తేదీలు

• దరఖాస్తుకు చివరి తేదీ: 23 జూన్ 2025

• ఫీజు చెల్లింపుకు చివరి తేదీ: 25 జూన్ 2025

• తాత్కాలిక పరీక్ష తేదీ: జూలై 2025 మొదటి వారం

• ఖాళీ వివరాలు & అర్హతలు:సెంట్రల్ బ్యాంక్ ఆఫ్ ఇండియా విడుదల చేసిన ఈ నియామకంలో మొత్తం 4500 అప్రెంటిస్ పోస్టులను భర్తీ చేస్తారు. ఈ పోస్టులకు దరఖాస్తు చేసుకునే అభ్యర్థులు భారత ప్రభుత్వం గుర్తింపు పొందిన విశ్వవిద్యాలయం నుండి గ్రాడ్యుయేషన్ డిగ్రీని కలిగి ఉండాలి.

వయోపరిమితి:

అభ్యర్థి కనీస వయస్సు 20 సంవత్సరాలు. గరిష్ఠ వయస్సు 28 సంవత్సరాలు. SC, ST, OBC, దివ్యాంగ అభ్యర్థులకు ప్రభుత్వ నిబంధనల ప్రకారం వయో సడలింపు ఉంటుంది.

ఎంపిక ప్రక్రియ

• సెంట్రల్ బ్యాంక్ ఆఫ్ ఇండియాలో అప్రెంటిస్ పోస్టుల ఎంపిక ప్రక్రియ మూడు దశల్లో పూర్తవుతుంది. మొదట100 మార్కులకు అభ్యర్థులకు ఆన్‌లైన్ పరీక్ష నిర్వహిస్తారు. నెగటివ్ మార్కులు ఉండవు.

• తరువాత స్థానిక భాషా పరీక్ష నిర్వహిస్తారు. ఈ పరీక్షలో అభ్యర్థి తాను దరఖాస్తు చేసుకున్న రాష్ట్ర భాషను చదవడం, రాయడం, మాట్లాడటం, అర్థం చేసుకోవడంలో ప్రావీణ్యం కలిగి ఉండాలి.

• చివరగా, విజయవంతమైన అభ్యర్థుల డాక్యుమెంట్ వెరిఫికేషన్ జరుగుతుంది. అన్ని దశల్లో విజయం సాధించిన అభ్యర్థులను మెరిట్ జాబితా ఆధారంగా నియమిస్తారు.

శిక్షణ వ్యవధి, స్టైఫండ్

అభ్యర్థుల శిక్షణ కాలం 12 నెలలు లేదా 1 సంవత్సరం ఉంటుంది. అభ్యర్థులకు నెలకు రూ. 15,000 స్టైఫండ్ ఇస్తారు.

దరఖాస్తు రుసుము

• సెంట్రల్ బ్యాంక్ ఆఫ్ ఇండియాలో అప్రెంటిస్ పోస్టులకు దరఖాస్తు చేసుకోవడానికి అభ్యర్థులు కేటగిరీ ప్రకారం దరఖాస్తు రుసుము చెల్లించాలి. PwBD కేటగిరీ అభ్యర్థులకు రుసుము రూ. 400 + GST. SC / ST / మహిళా అభ్యర్థులు, EWS కేటగిరీకి, రుసుము రూ. 600 + GST. ఇతర అన్ని వర్గాలకు, రుసుము రూ. 800 + GSTగా నిర్ణయించారు.

• ఆన్‌లైన్ మోడ్ (నెట్ బ్యాంకింగ్, డెబిట్ కార్డ్, క్రెడిట్ కార్డ్, UPI మొదలైనవి) ద్వారా మాత్రమే రుసుము చెల్లించాలని అభ్యర్థులు గమనించాలి. ఫీజు చెల్లింపుకు చివరి తేదీ జూన్ 25, 2025.

ఎలా దరఖాస్తు చేయాలి?

• ముందుగా centralbankofindia.co.in అధికారిక వెబ్‌సైట్‌కి వెళ్లండి.

• ఇప్పుడు హోమ్‌పేజీలో 'అప్రెంటిస్ రిక్రూట్‌మెంట్ 2025' లింక్‌పై క్లిక్ చేయండి.

• కొత్తగా నమోదు చేసుకుని లాగిన్ అవ్వండి.

• దరఖాస్తు ఫారమ్ నింపి సర్టిఫికేట్స్ అప్‌లోడ్ చేయండి.

• దరఖాస్తు రుసుము చెల్లించండి.

• ఫారమ్‌ను సబ్మిట్ చేసి దాని ప్రింట్ కాపీని సురక్షితంగా ఉంచుకోండి.

ఈ వార్తలు కూడా చదవండి..

పుణె ఫిల్మ్‌ ఇన్‌స్టిట్యూట్‌లో అడ్మిషన్స్‌

యువతకు మైక్రోసాఫ్ట్ సూపర్ ఛాన్స్.. ఏఐ నుంచి డేటా సైన్స్

For Educational News And Telugu News