Cyber Criminals: అమెజాన్ కస్టమర్ కేర్ నంబర్ కోసం గూగుల్లో సెర్చ్ చేస్తే.. రూ. 1.36 లక్షలు మాయం
ABN , Publish Date - Nov 28 , 2025 | 07:32 AM
ఓ వృద్ధుడు సైబర్ మోసగాళ్ళ చేతిలో బలైపోయాడు. రూ.1.36లక్షలను పోగోట్లుకున్నాడు. హైదరాబాద్ నగరంలోని గాంధీనగర్కు చెందిన వృద్ధుడొకరు అమెజాన్ కస్టమర్ కేర్ నంబర్ కోసం గూగుల్లో వెతికి సైబర్ నేరాగాళ్ల చేతిలో దారుణంగా మోసపోయాడు. ఇందుకు సంబంధించిన వివరాలిలా ఉన్నాయి.
- వృద్ధుడి నుంచి డబ్బు కాజేసిన సైబర్ నేరగాళ్లు
హైదరాబాద్ సిటీ: అమెజాన్ కస్టమర్ కేర్ నంబర్(Amazon customer care number) కోసం గూగుల్లో వెతికిన వృద్ధుడు సైబర్ నేరాగాళ్లకు టార్గెట్ అయ్యాడు. అతని ఖాతాలోంచి రూ.1.36లక్షలను కొల్లగొట్టారు. గాంధీనగర్కు చెందిన వృద్ధుడు(62) అమెజాన్లో వస్తువులు ఆర్డర్ చేశాడు. ఆర్డర్ డెలివరీ కాకపోవడంతో అమెజాన్ కస్టమర్ కేర్ కోసం గూగుల్(Google)లో వెతికాడు. అందులో వచ్చిన ఒక టోల్ఫ్రీ నంబర్కు ఫోన్ చేసి సమస్య చెప్పాడు.
తర్వాత అమెజాన్ కస్టమర్ కేర్ అంటూ వాట్సాప్(WhatsApp) ద్వారా పలుమార్లు సంప్రదించిన సైబర్ నేరగాళ్లు కస్టమర్ వెరిఫికేషన్ జరగకపోవడం వల్ల ఆర్డర్ క్యాన్సల్ అయిందని, వెరిఫికేషన్ చేసేందుకు తాము పంపిన క్యూఆర్ కోడ్కు రూ.10 పంపి, ఓటీపీ చెప్పాలని కోరారు. ఇలా చేసిన వెంటనే అతడి ఖాతా నుంచి రూ.1.36 లక్షలు బదిలీ అయినట్లు సందేశం వచ్చింది. తర్వాత ఆ నంబర్లపై సంప్రదించినా ఎలాంటి ఫలితం లేకపోవడంతో బాధితుడు సైబర్ క్రైం పోలీసులకు ఫిర్యాదు చేశాడు.
ఈ వార్తలు కూడా చదవండి..
రాజకీయ నినాదాలు కాదు.. వివక్షకు ఆధారాలు చూపాల్సిందే
ముఖ్యమంత్రా.. రియల్ ఎస్టేట్ ఏజెంటా..?
Read Latest Telangana News and National News
