Hyderabad: ఓదేల-2లో అభ్యంతరకర దృశ్యాలు తొలగించాలి
ABN , Publish Date - Apr 26 , 2025 | 09:02 AM
ఓదెల-2 సినిమాలో అభ్యంతరకర సన్నివేశాలను వెంటనే తొలగించాలని తెలంగాణ బీసీ కమిషన్‌ సూచించింది. ఈమేరకు సైబరాబాద్‌ పోలీస్‌ కమిషనర్‌, ప్రాంతీయ సెన్సార్‌ బోర్డు అధికారులకు బీసీ కమిషన్‌ సూచించింది. ఆ చిత్రంలో కొన్ని అభ్యంతరకర దృశ్యాలున్నాయని, వాటిని తొలగించాలని సూచించింది.
హైదరాబాద్‌: ఓదెల-2 చిత్రంలో కులం పేరుతో ఉన్న అభ్యంతరకరమైన దృశ్యాలను తొలగించేందుకు చర్యలు తీసుకోవాలని సైబరాబాద్‌ పోలీస్‌ కమిషనర్‌, ప్రాంతీయ సెన్సార్‌ బోర్డు అధికారులకు.. తెలంగాణ బీసీ కమిషన్‌(Telangana BC Commission) సూచించింది. ఈ సినిమాలో ఓ వివాహ సన్నివేశంలో పిచ్చిగుంట్ల కులంపేరును అభ్యంతరకరంగా వాడినట్టుగా ఆకులానికి చెందిన ప్రతినిధి పి.మల్లేష్‌ బీసీ కమిషన్‌కు ఫిర్యాదు చేశారు. అలాగే అత్తాపూర్‌ పీఎస్‌(Attapur PS)లో ఫిర్యాదు చేసినా చర్యలు తీసుకోవలేదని బీసీ కమిషన్‌ చైర్మన్‌ నిరంజన్‌ దృష్టికి తీసుకెళ్లామని అన్నారు.
ఈ వార్తను కూడా చదవండి: TGSRTC: మరో 200 కొత్త బస్సులు..
శుక్రవారం సైబరాబాద్‌ పోలీస్‌ కమిషనర్‌కు నిరంజన్‌ లేఖ రాస్తూ వెంటనే దర్యాప్తు చేపట్టాలన్నారు. ఆ సినిమా ప్రొడ్యూసర్‌, డైరెక్టర్‌, రచయితతోపాటు అభ్యంతర పదాలను వాడిన నటులపై చర్యలు తీసుకోవాలని కోరారు. థియేటర్‌లో ఆ సన్నివేశాలు తొలగించేలా చర్యలు తీసుకోవాలని డీజీపీకీ లేఖ ప్రతిని పంపినట్లు తెలిపారు. సెన్సార్‌ బోర్డు అధికారి రాహుల్‌ గౌలీకర్‌ దృష్టికి తీసుకువెళ్లగా తొలగిస్తామని హామీ ఇచ్చినట్టు వివరించారు.
ఈ వార్తలు కూడా చదవండి
ఆన్‌లైన్‌లో అవకాడోలు బుక్‌ చేస్తే.. రూ.2.60 లక్షలు స్వాహా
మీ వీడియో నా దగ్గరుంది.. రూ.5 కోట్లు ఇవ్వండి..
Read Latest Telangana News and National News
