Hyderabad: వణికిస్తున్న చలి.. శివారులో పడిపోతున్న కనిష్ఠ ఉష్ణోగ్రతలు

ABN , Publish Date - Nov 14 , 2025 | 07:16 AM

గ్రేటర్‌లో చలితీవ్రత పెరుగుతోంది. సాయంత్రం 5 గంటల నుంచే శీతల గాలులు వీస్తుండడంతో వాహనదారులు, చిరువ్యాపారులు తీవ్ర ఇబ్బందులు పడుతున్నారు. రాత్రి 11 నుంచి తెల్లవారుజామున 5 గంటల వరకు ఉష్ణోగ్రతలు క్రమేపీ పడిపోతుండడంతో ఇళ్లలోని ప్రజలూ వణికిపోతున్నారు.

Hyderabad: వణికిస్తున్న చలి.. శివారులో పడిపోతున్న కనిష్ఠ ఉష్ణోగ్రతలు

- శేరిలింగంపల్లిలో 11.8 డిగ్రీలు నమోదు

హైదరాబాద్‌ సిటీ: గ్రేటర్‌లో చలితీవ్రత పెరుగుతోంది. సాయంత్రం 5 గంటల నుంచే శీతల గాలులు వీస్తుండడంతో వాహనదారులు, చిరువ్యాపారులు తీవ్ర ఇబ్బందులు పడుతున్నారు. రాత్రి 11 నుంచి తెల్లవారుజామున 5 గంటల వరకు ఉష్ణోగ్రతలు క్రమేపీ పడిపోతుండడంతో ఇళ్లలోని ప్రజలూ వణికిపోతున్నారు. చలికాలం ప్రారంభమైన నేపథ్యంలో గ్రేటర్‌లో వారం రోజులుగా చలి ప్రభావం గణనీయంగా పెరిగిపోతోంది.

ఉదయం 10 నుంచి సాయంత్రం 4.30 గంటల వరకు నగరవ్యాప్తంగా పొడి వాతావరణం ఉంటున్నప్పటికీ, సాయంత్రం 5 తర్వాత పూర్తిగా మారిపోయి చల్లని వాతావరణం ఏర్పడుతోంది. నగర పరిధిలో కన్నా శివారు ప్రాంతాల్లో చలి తీవ్రత అధికంగా కనిపిస్తోంది. దీంతో ఆయా చోట్ల రాత్రి 8 గంటలకే రోడ్లపై రాకపోకలు తగ్గుతున్నాయి. ఇదిలా ఉండగా, గురువారం నగరంలో గరిష్ట ఉష్ణోగ్రతలు 30.2 డిగ్రీలుండగా.. కనిష్ట 14.4 డిగ్రీలుగా నమోదైంది. సాధారణ ఉషోగ్రతల కంటే రెండు, మూడు రోజులుగా 3.5 డిగ్రీల ఉష్ణోగ్రతలు తక్కువగా నమోదవుతున్న పరిస్థితి నెలకొంది.

city2.2.jpg