Oakley Meta Glasses: ఏఐ పవర్డ్ గ్లాసెస్‌ను విడుదల చేసిన మెటా.. ఫీచర్లు చూశారా..

టెక్ ప్రియులకు అలర్ట్. ఓక్లీ, మెటా సంస్థలు (Oakley Meta Glasses) కలిసి కళ్లజోళ్ల రంగంలో ఓ కొత్త ఉత్పత్తిని ఆవిష్కరించాయి. ఇది కేవలం స్టైల్ కోసం మాత్రమే కాదు. స్మార్ట్‌నెస్ కోసం కూడా పనిచేస్తుందని చెబుతున్నారు. Oakley, Meta కలిసి కొత్తగా పరిచయం చేసిన AI కళ్లజోడులు, క్రీడల ప్రేరణతో, అధునాతన టెక్నాలజీ, ఆకర్షణీయమైన డిజైన్‌తో అందుబాటులోకి వచ్చాయి. ఈ కళ్లజోడులు ప్రఖ్యాత క్రీడాకారులైన కిలియన్ ఎంబప్పే, ప్యాట్రిక్ మహోమ్స్ వంటి క్రీడాకారులతో ప్రచారంలోకి వచ్చాయి.

మీ చేతుల్లోనే..

ఈ కళ్లజోడుల ఉద్దేశం మీ ప్రదర్శనను మెరుగుపరచడం మాత్రమే కాదు. దానిని పంచుకునే సులభతర మార్గాన్ని కూడా అందిస్తాయి. Oakley Meta HSTN ప్రత్యేకంగా రూపొందించబడ్డ కెమెరాతో మీ చూపు కోణాన్ని క్యాప్చర్ చేస్తుంది. 3K అల్ట్రా HD రిజల్యూషన్ వీడియో ద్వారా మీరు ఎటువంటి క్షణాన్నైనా స్పష్టంగా, ప్రామాణికంగా రికార్డ్ చేసుకోవచ్చు. బైక్ రైడ్, స్కేట్‌బోర్డ్ స్టంట్, గోల్ఫ్ షాట్ అయినా మీరు చూస్తున్న దాన్ని మీ సన్నిహితులతో పంచుకోవచ్చు.

ఏఐ సపోర్ట్

దీంతోపాటు ఇంటిగ్రేటెడ్ ఓపెన్ ఎయిర్ స్పీకర్ల ద్వారా మ్యూజిక్ వింటూ ఆస్వాదించవచ్చు. ఇవన్నీ మీ కళ్లజోడుల ఫ్రేమ్‌ ద్వారా సాధ్యం అవుతాయి. పైగా IPX4 నీటి నిరోధకతతో మీరు చెమటపట్టే వ్యాయామం చేస్తున్నా, తడిచే వాతావరణంలో ఉన్నా, ఈ కళ్లజోడులు పని చేస్తూనే ఉంటాయి. Meta AI సపోర్టుతో ఈ కళ్లజోడులు కేవలం వీడియో తీసుకో అనే మాటతో క్షణాలను క్యాప్చర్ చేస్తాయి. గాలికి మీ గోల్ఫ్ షాట్ ఎలా ప్రభావితమవుతుందో తెలుసుకోవాలంటే, హే మెటా ఈ రోజు గాలి ఎలా ఉంది అని అడగండి. ఇది మీ ప్రదర్శనలో ఇది ఒక సహయకారిగా పనిచేస్తుందని చెబుతున్నారు.

బ్యాటరీ సామర్థ్యం

Oakley Meta HSTN కళ్లజోడులు ఒకసారి పూర్తి ఛార్జ్ చేస్తే 8 గంటల వరకు పనిచేస్తాయి. అలాగే, స్టాండ్బైలో 19 గంటల వరకు ఉంటాయి. అత్యవసర ఛార్జింగ్ అవసరమైతే, కేవలం 20 నిమిషాల్లో 50% వరకు ఛార్జ్ చేసుకోవచ్చు. ప్రత్యేకంగా వచ్చే ఛార్జింగ్ కేసు 48 గంటల వరకూ పవర్ సపోర్ట్ ఇస్తుంది. ఇది ట్రావెల్‌లో, ప్రాక్టీస్ సెషన్లలో ఎంతో ఉపయోగకరంగా ఉంటుంది.

ధర ఎంత

Oakley Meta HSTN లిమిటెడ్ ఎడిషన్ జులై 11 నుంచి $499 USD (రూ.43,204.92) ప్రీ ఆర్డర్ కోసం అందుబాటులో ఉంటుంది. ఆ తర్వాత కొన్నిరోజులకు మరికొన్ని మోడల్స్ $399 USD ప్రారంభ ధరతో వచ్చే వేసవిలో విడుదల కానున్నాయి. ఈ కళ్లజోడులు అమెరికా, కెనడా, యూకే, ఫ్రాన్స్, జర్మనీ, ఆస్ట్రేలియా సహా 15+ దేశాల్లో లభ్యమవుతాయి. భారతదేశం, మెక్సికో, UAE వంటి దేశాల్లో ఇది సంవత్సరాంతానికి అందుబాటులోకి రానుంది.

ఇవీ చదవండి:

9వ రోజు కొనసాగుతున్న ఇజ్రాయెల్-ఇరాన్ వార్..దౌత్యం ఎప్పుడు

సేవింగ్స్ అకౌంట్‌లో మీ డబ్బు ఉందా.. అయితే మీరీ విషయాలు

మరిన్ని ఏపీ, అంతర్జాతీయ వార్తల కోసం క్లిక్ చేయండి