LSG vs SRH: మే 19న లక్నో vs హైదరాబాద్ మ్యాచ్..విన్ ప్రిడిక్షన్ ఎలా ఉందంటే..
ABN , Publish Date - May 18 , 2025 | 09:52 PM
ఐపీఎల్ 2025 లీగ్ దశ ఇప్పుడు చివరి దశకు చేరుకుంది. రాబోయే కొన్ని మ్యాచ్‌ల తర్వాత ప్లేఆఫ్‌ల గురించి క్లారిటీ రానుంది. ఈ క్రమంలోనే 61వ మ్యాచ్ మే 19న సోమవారం లక్నో సూపర్ జెయింట్స్, సన్‌రైజర్స్ హైదరాబాద్ (LSG vs SRH) మధ్య జరగనుంది. అయితే ఈ మ్యాచులో ఏ జట్టు గెలిచే ఛాన్స్ ఉందనే విషయాలను ఇక్కడ తెలుసుకుందాం.
ఐపీఎల్ 2025 (IPL 2025)లో 61వ మ్యాచ్ లక్నో సూపర్ జెయింట్స్, సన్‌రైజర్స్ హైదరాబాద్ మధ్య (LSG vs SRH) జరగనుంది. ఈ మ్యాచ్ మే 19, సోమవారం లక్నోలోని భారతరత్న అటల్ బిహారీ వాజ్‌పేయి ఎకానా క్రికెట్ స్టేడియంలో జరుగుతుంది. ఈ మ్యాచ్‌లో ఓడిపోయిన తర్వాత లక్నో (LSG) ప్లేఆఫ్ రేసు నుంచి నిష్క్రమిస్తుంది. కాబట్టి ఇది వారికి డూ ఆర్ డై మ్యాచ్. మరోవైపు హైదరాబాద్ (SRH) జట్టు ఇప్పటికే ప్లేఆఫ్ రేసు నుంచి నిష్క్రమించింది. కానీ ఇప్పుడు వారు తమ గౌరవాన్ని కాపాడుకోవడంతోపాటు లక్నో ప్లే ఆఫ్ ఆశలను కట్టడి చేసేందుకు ఈ మ్యాచ్ గెలవాలని చూస్తోంది.
మ్యాచ్ ఎప్పుడు, వర్షం ఉందా..
ఈ మ్యాచ్ సోమవారం రాత్రి 7:30 గంటలకు జరుగుతుంది. టాస్ రాత్రి 7 గంటలకు జరుగుతుంది. లక్నో, హైదరాబాద్ మ్యాచ్ సమయంలో అక్యూవెదర్ ప్రకారం మే 19న లక్నోలో వేడి వాతావరణం ఉంటుంది. ఇక్కడ పగటిపూట గరిష్ట ఉష్ణోగ్రత 39 డిగ్రీల సెల్సియస్ కాగా, కనిష్ట ఉష్ణోగ్రత 27 డిగ్రీల సెల్సియస్‌గా ఉంటుందని అంచనా. వాతావరణ శాఖ ప్రకారం సోమవారం లక్నోలో వర్షం పడే అవకాశం లేదు. ఎకానా స్టేడియం పిచ్ బౌలర్లకు సపోర్ట్ చేస్తోంది. ముఖ్యంగా స్పిన్నర్లకు అనుకూలంగా ఉంటుందని నిపుణులు చెబుతున్నారు.
హెడ్ టూ హెడ్
ఇప్పటివరకు లక్నో సూపర్ జెయింట్స్, సన్‌రైజర్స్ హైదరాబాద్ మధ్య 5 మ్యాచ్‌లు జరగగా, అందులో లక్నో 4 మ్యాచ్‌ల్లో విజయం సాధించగా, హైదరాబాద్ జట్టు ఒక మ్యాచ్‌లో మాత్రమే గెలిచింది. ప్రస్తుతం లక్నో సూపర్ జెయింట్స్ జట్టు 11 మ్యాచ్‌ల్లో 6 ఓటములు, 5 విజయాల తర్వాత 10 పాయింట్లతో -0.469 పరుగుల రేటుతో పాయింట్ల పట్టికలో ఏడో స్థానంలో ఉండగా, సన్‌రైజర్స్ హైదరాబాద్ 11 మ్యాచ్‌ల్లో 7 ఓటములు, 3 విజయాల తర్వాత 7 పాయింట్లతో -1.192 పరుగుల రేటుతో ఎనిమిదో స్థానంలో ఉంది.
టాస్ గెల్చిన వారు మాత్రం..
ఇప్పటివరకు, ఎకానా క్రికెట్ స్టేడియం పిచ్‌పై 19 ఐపీఎల్ మ్యాచ్‌లు జరిగాయి. వాటిలో మొదట బ్యాటింగ్ చేసిన జట్టు 8 మ్యాచ్‌ల్లో గెలిచింది. లక్ష్యాన్ని ఛేదించిన జట్టు 10 మ్యాచ్‌ల్లో విజయం సాధించింది. ఒక మ్యాచ్ అస్పష్టంగా నిలిచింది. ఇది కాకుండా, టాస్ గెలిచిన జట్టు అత్యధిక విజయాలను నమోదు చేసింది. ఇలాంటి క్రమంలో టాస్ గెలిచిన జట్టు ముందుగా బౌలింగ్ తీసుకునే ఛాన్సుంది.
హైదరాబాద్ జట్టు
లక్నో జట్టు గురించి మాట్లాడుకుంటే, LSG ఇప్పటివరకు ఎకానా స్టేడియంలో 19 మ్యాచ్‌లు ఆడింది. వాటిలో 9 మ్యాచ్‌లు గెలిచి 9 మ్యాచ్‌ల్లో ఓడిపోయింది. 1 మ్యాచ్ అసంపూర్ణంగా ముగిసింది. అయితే హైదరాబాద్ జట్టు ఈ పిచ్‌పై ఒకే ఒక్క మ్యాచ్ ఆడింది. అందులో ఓటమిని చవిచూసింది. ఇక గూగుల్ గెలుపు అంచనా ప్రకారం చూస్తే ఈ మ్యాచులో లక్నో జట్టుకు 55 శాతం గెలిచే అవకాశం ఉండగా, హైదరాబాద్ జట్టుకు మాత్రం 45 శాతం ఛాన్సుంది.
ఇవి కూడా చదవండి
KL Rahul: కోహ్లీ రికార్డ్ బ్రేక్ చేసిన కేఎల్ రాహుల్..టీ20లో అరుదైన ఘనత
Jyoti Malhotra Case: యూట్యూబర్ జ్యోతి మల్హోత్రా కేసులో వెలుగులోకి షాకింగ్ ఫాక్ట్స్
Upcoming IPOs: వచ్చే వారం రానున్న ఐపీఓలు ఇవే.. ఈసారి ఎన్ని వస్తున్నాయంటే..
EPFO: ఈపీఎఫ్ఓ నుంచి వచ్చిన 5 కీలక మార్పుల గురించి తెలుసా మీకు..
Investment Tips: ఒకేసారి రూ.3.5 లక్షల పెట్టుబడి..కానీ వచ్చేది మాత్రం కోటి, ఎలాగంటే..
మరిన్ని జాతీయ, తెలుగు వార్తల కోసం క్లిక్ చేయండి
