Health Tips: మీరు రోజూ ఎంతో ఇష్టంతో తినే ఈ ఆహారాలే.. మీ గుండెకు శత్రువులు..
ABN, Publish Date - Jul 31 , 2025 | 11:00 AM
నోటికి రుచిగా ఉందని చాలా మంది ఏది పడితే అది తినేస్తుంటారు. కొన్ని ఇలాంటి ఆహార పదార్థాలే మన ఆరోగ్యానికి శత్రువులుగా మారుతుంటాయి. ప్రధానంగా..
1/8
నోటికి రుచిగా ఉందని చాలా మంది ఏది పడితే అది తినేస్తుంటారు. కొన్ని ఇలాంటి ఆహార పదార్థాలే మన ఆరోగ్యానికి శత్రువులుగా మారుతుంటాయి. ప్రధానంగా కొన్ని ఆహారాలు ఎక్కువగా తీసుకోవడం వల్ల గుండె జబ్బులు తలెత్తే ప్రమాదం ఉంటుంది. ఆ ఆహారాలేంటో ఇప్పుడు తెలుసుకుందాం.
2/8
ఫ్రెంచ్ ఫ్రైస్‌తో పాటూ వేయించిన ఆహారాలు ఎక్కవగా తీసుకోవడం వల్ల గుండె జబ్బులు తలెత్తే ప్రమాదం ఉంటుంది. 100 గ్రాముల వేయించిన ఫ్రెంచ్ ఫ్రైస్‌లో దాదాపు 8 గ్రాముల ట్రాన్స్ ఫ్యాట్ ఉంటుంది. ఇది రక్తంలో కొలెస్ట్రాల్‌ను పెంచుతుంది. తద్వారా గుండెకు ప్రమాదం తలెత్తే అవకాశం ఉంటుంది.
3/8
ఎరుపు, ప్రాసెస్ చేసిన మాంసాలు ఎక్కువగా తినడం వల్ల కూడా గుండెకు హాని కలిగే ప్రమాదం ఉంటుంది. వీటిలో ఉండే అమైనో ఆమ్లాలు పేగు బాక్టీరియాను ప్రభావితం చేస్తాయి. ఇది కొలెస్ట్రాల్, గుండె జబ్బుల ప్రమాదాన్ని పెంచుతుంది.
4/8
ఇన్‌స్టంట్ సూప్‌లు ఎక్కువగా తాగడం వల్ల కూడా గుండె జబ్బుల ప్రమాదం పెరుగుతుంది. ఈ సూప్‌లలో ఉప్పు ఎక్కువా ఉంటుంది. దీంతో ఇది గుండెపోటు ప్రమాదాన్ని పెంచుతుంది.
5/8
ఎనర్జీ డ్రింక్స్ కూడా గుండె ఆరోగ్యాన్ని దెబ్బతీస్తుంది. 100 ఎమ్‌ఎల్‌ ఎనర్జీ డ్రింక్‌లో దాదాపు 30 ఎమ్‌జీ కెఫిన్ ఉంటుంది. గుండె సమస్యలు ఉన్న వారు ఈ పానీయాలను అస్సుల తీసుకోకూడదు.
6/8
తెల్ల రొట్టెలో కార్బోహైడ్రేట్లు ఎక్కువగా ఉంటాయి. దీంతో వీటిని ఎక్కువగా తినడం వల్ల గుండె జబ్బుల ప్రమాదం పెరుగుతుంది. అలాగే ఉప్పు ఎక్కువగా తీసుకోవడం వల్ల కూడా రక్త నాళాలు దెబ్బతింటాయి. ఒక రోజులో 5 గ్రాములకంటే ఎక్కువ ఉప్పు తీసుకోకూడదని నిపుణులు చెబుతున్నారు.
7/8
ఒక పిజ్జా ముక్కలో సుమారు 10 గ్రాముల కొవ్వు ఉంటుంది. వీటిని ఎక్కువగా తీసుకోవడం వల్ల అందులోని ఫాస్ట్ కార్బోహైడ్రేట్లు మరియు చక్కెర గుండెకు హాని చేస్తాయి.
8/8
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రదించాలి.
Updated at - Jul 31 , 2025 | 11:00 AM
