Protein Food: గుడ్ల కంటే ఎక్కువ ప్రొటీన్ లభించే 7 ఆహారాలివే..
ABN, Publish Date - May 23 , 2025 | 07:10 AM
రోజూ ఒక గుడ్డు తింటే ఆరోగ్యానికి మంచిదని వైద్యులు చెబుతుంటారు. గుడ్లలో ఉండే ప్రొటీన్ ఆరోగ్యానికి మేలు చేస్తుంది. అయితే గుడ్లలో కంటే ఎక్కువ ప్రొటీన్ లభించే ఆహారాలు కూడా ఉన్నాయి.
1/9
రోజూ ఒక గుడ్డు తింటే ఆరోగ్యానికి మంచిదని వైద్యులు చెబుతుంటారు. గుడ్లలో ఉండే ప్రొటీన్ ఆరోగ్యానికి మేలు చేస్తుంది. అయితే గుడ్లలో కంటే ఎక్కువ ప్రొటీన్ లభించే ఆహారాలు కూడా ఉన్నాయి. వాటిలో ప్రధానంగా 7 ఆహారాల గురించి ఇప్పుడు తెలుసుకుందాం.
2/9
గుమ్మడికాయ గింజల్లో ప్రొటీన్ ఎక్కువగా ఉంటుంది. 28 గ్రాముల కాల్చిన గుమ్మడికాయ గింజల్లో సుమారు 5 గ్రాముల ప్రోటీన్ ఉంటుంది. ఇందులో మెగ్నీషియం, విటమిన్-ఇ, యాంటీఆక్సిడెంట్లు తదితర పోషకాలు ఆరోగ్యానికి మేలు చేస్తాయి.
3/9
పచ్చి బఠానీల్లోనూ ప్రొటీన్ ఉంటుంది. ఇందులో ఫైబర్, విటమిన్-కె, ఫోలేట్ తదితర పోషకాలు జీర్ణక్రియ, గుండె ఆరోగ్యాన్ని మెరుగుపరుస్తాయి.
4/9
క్వినోవాలోనూ అధిక ప్రొటీన్ ఉంటుంది. ఒక గిన్నెడు వండిన క్వినోవాలో సుమారు 8 గ్రాముల ప్రోటీన్ ఉంటుంది. ఇది అమైనో ఆమ్లాలను కలిగి ఉంటుంది. అలెర్జీలు ఉన్నవారికి క్వినోవా మంచి ఫుడ్ అని చెప్పొచ్చు.
5/9
శనగ గింజల్లోనూ ప్రొటీన్ ఎక్కువగా ఉంటుంది. ఒక గిన్నెడు వండిన శనగల్లో సుమారు 15 గ్రాముల ప్రోటీన్ ఉంటుంది. ఈ గింజల్లో జీర్ణక్రియ, శరీర బలానికి అవసరమైన ఫైబర్, ఐరన్, మెగ్నీషియం తదితర పోషకాలు కూడా ఉన్నాయి.
6/9
సోయాతో తయారైన పులియబెట్టిన ఆహారంలో ప్రొటీన్ ఎక్కువగా ఉంటుంది. 100 గ్రాముల టెంపేలో దాదాపు 20 గ్రాముల ప్రోటీన్ ఉంటుంది. అలాగే ఇందులో ఫైబర్, కాల్షియం, యాంటీఆక్సిడెంట్లు కూడా ఉన్నాయి. ఇవి కడుపు, ఎముకల ఆరోగ్యానికి మేలు చేస్తాయి.
7/9
కాలీఫ్లవర్‌లో ప్రొటీన్లు ఎక్కువగా ఉంటాయి. అలాగే ఇందులో పొటాషియం, మాంగనీస్, మెగ్నీషియం, ఫాస్పరస్, కాల్షియం, విటమిన్-సి, కె, ఐరన్‌లతో పాటూ సినిగ్రిన్ కూడా ఉంటుంది. ఇవి ఆరోగ్యాన్ని సంరక్షిస్తాయి.
8/9
స్వీట్ కార్న్‌లో కూడా ప్రొటీన్లు ఎక్కువగా ఉంటాయి. రోజూ మీకు అవసరమైన ప్రొటీన్‌లో దాదాపు 9 శాతం ఇందులో ఉంటుంది. ఇందులో థయామిన్, విటమిన్-సి, బి6, ఫోలేట్, మెగ్నీషియం, ఫాస్పరస్, మెగ్నీషియం తదితర పోషకాలు కూడా ఉన్నాయి.
9/9
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రదించాలి.
Updated at - May 23 , 2025 | 07:10 AM
