మెగా డీఎస్సీ పరీక్షలు ప్రారంభం.. హాజరైన అభ్యర్థులు

ఆంధ్రప్రదేశ్‌లో మెగా డీఎస్సీ పరీక్షలు ప్రారంభమయ్యాయి. పరీక్షా కేంద్రాల్లోకి ఉదయం 9 గంటల వరకు అభ్యర్థులను అనుమతించారు. ఈ పరీక్షలు ఉదయం 9.30 గంటలకు ప్రారంభమై.. మధ్యాహ్నం 12.00 గంటలకు ముగియనుంది. ఈ పరీక్షలు జూన్ 30వ తేదీ వరకు జరగనున్నాయి. ఏపీలో 137, తెలంగాణ, కర్ణాటక, తమిళనాడు, ఒడిశా రాష్ట్రాల్లో 17 పరీక్షా కేంద్రాలను ఏర్పాటు చేశారు. ఆ క్రమంలో రాజమండ్రి, విశాఖపట్నం, కర్నూలు జిల్లాలలో పలువురు అభ్యర్థలు ఈ పరీక్షలకు హాజరయ్యారు.