Celebi: మోదీ సర్కారుపై కోర్టుకెక్కిన టర్కిష్ సంస్థ సెలెబి
ABN , Publish Date - May 16 , 2025 | 08:31 PM
జాతీయ భద్రతా కారణాలను చూపుతూ భారత ప్రభుత్వం 'సెలెబి 'అనుమతిని రద్దు చేయడంపై సదరు సంస్థ కోర్టుకెక్కింది. సెలెబి అనుమతిని రద్దు చేస్తూ కేంద్రం నిర్ణయం తీసుకున్న ఒక రోజు తర్వాత
Celebi: న్యూఢిల్లీ: జాతీయ భద్రతా కారణాలను చూపుతూ భారత ప్రభుత్వం 'సెలెబి 'అనుమతిని రద్దు చేయడంపై సదరు సంస్థ కోర్టుకెక్కింది. సెలెబి అనుమతిని రద్దు చేస్తూ కేంద్రం నిర్ణయం తీసుకున్న ఒక రోజు తర్వాత, టర్కీకి చెందిన విమానయాన సంస్థ సెలెబి ఢిల్లీ హైకోర్టును ఆశ్రయించింది. కేంద్రం తీసుకున్న నిర్ణయాన్ని కోర్టులో సవాలు చేసింది. 'ఆపరేషన్ సిందూర్' సమయంలో టర్కీ పాకిస్తాన్‌కు మద్దతు ఇచ్చిన నేపథ్యంలో కేంద్రం ఈ చర్య తీసుకుంది.
గురువారం, బ్యూరో ఆఫ్ సెక్యూరిటీ అండ్ సివిల్ ఏవియేషన్ భారతదేశంలోని తొమ్మిది ప్రధాన విమానాశ్రయాలకు సేవలందిస్తున్న గ్రౌండ్ హ్యాండ్లింగ్, కార్గో సర్వీసెస్ ప్రొవైడర్‌ అయిన సెలెబి కు సెక్కూరిటీ నిర్వహణ అనుమతిని రద్దు చేసింది. "జాతీయ భద్రత దృష్ట్యా" భద్రతా అనుమతిని రద్దు చేస్తున్నట్లు ఉత్తర్వులో పేర్కొంది. "సెలెబి ఎయిర్‌పోర్ట్ సర్వీసెస్ ఇండియా ప్రైవేట్ లిమిటెడ్ దేశంలోని అనేక విమానాశ్రయాలలో గ్రౌండ్ సేవలను అందించే టర్కీకి చెందిన సంస్థ.
"భారత్, పాకిస్థాన్ దేశాల మధ్య ఉద్రిక్తతల సమయంలో టర్కీ దేశం బహిరంగంగా పాకిస్తాన్‌కు మద్దతు ఇచ్చింది. ప్రస్తుత పరిస్థితిని దృష్టిలో ఉంచుకుని, ఈ అంశం జాతీయ భద్రతకు సంబంధించిన సమస్యగా మారింది. దీంతో దేశంలో సెలెబిని నిషేధించారు" అని పౌర విమానయాన శాఖ సహాయ మంత్రి మురళీధర్ మొహోల్ చెప్పిన సంగతి తెలిసిందే.
శుక్రవారం, సెలెబి ఎయిర్‌పోర్ట్ సర్వీసెస్ ఇండియా ఢిల్లీ హైకోర్టును ఆశ్రయించి, కేంద్రం నిర్ణయాన్ని సవాలు చేస్తూ, "అస్పష్టమైన" జాతీయ భద్రతా సమస్యలను హేతుబద్ధంగా ఉదహరించారని తెలిపింది. ఈ నిర్ణయాన్ని పక్కన పెట్టాలని కోరుతూ, ఇది 3,791 ఉద్యోగులు, పెట్టుబడిదారుల విశ్వాసాన్ని ప్రభావితం చేస్తుందని కంపెనీ వాదించింది. ఎటువంటి హెచ్చరిక లేకుండా ఈ ఆర్డర్ జారీ చేయబడిందని కూడా పేర్కొంది.
మరోవైపు, గురువారం కేంద్రం చేసిన ప్రకటనకు స్పందిస్తూ, ఇది టర్కిష్ సంస్థ కాదని, ఏ విదేశీ ప్రభుత్వంతోనూ ఎటువంటి సంబంధాలు లేవని కంపెనీ పేర్కొంది. "భారతదేశంలో ఒక దేశీయ సంస్థగా వ్యాపారం చేస్తున్న సంస్థ సెలెబి. ఇది భారతీయ నిపుణులచే నడిపించబడుతుంది. ఇంకా నిర్వహించబడుతోంది. దేశంలో భారీగా పెట్టుబడి పెట్టబడింది.. ఇంకా సంస్థ వృద్ధికి కట్టుబడి ఉంది. మేము ఏ ప్రమాణాల ప్రకారం కూడా టర్కిష్ సంస్థ కాదు. ఏ విదేశీ ప్రభుత్వం లేదా వ్యక్తులతో ఎటువంటి రాజకీయ అనుబంధాలు లేదా సంబంధాలు లేకుండా, కార్పొరేట్ పాలన, పారదర్శకత, తటస్థతతో ప్రపంచవ్యాప్తంగా ఆమోదించబడిన పద్ధతులకు పూర్తిగా కట్టుబడి ఉన్నాము" అని కంపెనీ ఒక ప్రకటనలో తెలిపింది.
"సెలెబి ఏవియేషన్ అనేది విమానయాన సేవలలో 65 సంవత్సరాలకు పైగా నడుస్తోన్న ఒక అంతర్జాతీయ సంస్థ. ఇది మూడు ఖండాలు, ఆరు దేశాలలో గ్రౌండ్ హ్యాండ్లింగ్ ఇంకా కార్గో కార్యకలాపాలను అందిస్తోంది. అభివృద్ధి చెందుతున్న విమానయాన మార్కెట్లలో మేము విస్తరిస్తూనే ఉన్నందున, మా లక్ష్యం స్థిరంగా ఉంది. మేము పనిచేసే ప్రతి దేశంలో విమానయాన రంగం, జాతీయ ఆర్థిక వ్యవస్థలు, స్థానిక శ్రామిక శక్తికి అర్థవంతంగా దోహదపడుతుంది" అని చెప్పుకొచ్చింది సెలెబి.
ఇండియా, నవంబర్ 2022లో సెలెబి కంపెనీకి ఎయిర్ పోర్ట్‌ల భద్రతా నిర్వహణ అనుమతి ఇచ్చింది. ఈ సంస్థ ఢిల్లీ, బెంగళూరు, గోవా సహా తొమ్మిది విమానాశ్రయాలలో ప్రతి ఏడాది మొత్తంగా భారతదేశంలో 58,000 విమానాల భద్రతా చర్యలు, 5.4 లక్షల టన్నుల కార్గో కార్యకలాపాలు నిర్వహిస్తోంది.
ఈ వార్తలు కూడా చదవండి
Vamsi Remand News: వంశీకి రిమాండ్‌లో మరో రిమాండ్
Minister Lokesh: రెన్యూవబుల్ పరిశ్రమ మాత్రమే కాదు.. ఉద్యమం
Liquor Scam Arrests: ఏపీ లిక్కర్‌ స్కాంలో మరిన్ని అరెస్ట్‌లు.. జోరుగా చర్చ
Amaravati: ప్రమాదకరంగా అమరావతి కరకట్ట రోడ్డు
For More AP News and Telugu News
రోహిత్ శర్మకే దక్కింది
