Sonia Gandhi Hospitalised: ఆరోగ్యం క్షీణించడంతో మళ్లీ ఆసుపత్రిలో చేరిన సోనియా గాంధీ

కాంగ్రెస్ మాజీ అధ్యక్షురాలు సోనియా గాంధీ ఆరోగ్యం క్షీణించింది. కడుపు సంబంధిత సమస్యల కారణంగా ఆదివారం రాత్రి ఆమెను ఢిల్లీలోని సర్ గంగా రామ్ ఆసుపత్రిలో (Sonia Gandhi Hospitalised) చేర్పించారు. ప్రస్తుతం గ్యాస్ట్రో ఎంటరాలజీ విభాగంలోని వైద్యుల పర్యవేక్షణలో ఉన్నారు. తన పరిస్థితి ప్రస్తుతం స్థిరంగా ఉందని చెబుతున్నారు. జూన్ 7న, సోనియా సాధారణ చెకప్ కోసం సిమ్లాలోని ఇందిరా గాంధీ మెడికల్ కాలేజీకి కూడా వెళ్లారు. అంతకుముందు, ఫిబ్రవరి 2025లో కడుపు సమస్యల కారణంగా సర్ గంగా రామ్ ఆసుపత్రిలో చేర్చారు. ఆమె వయస్సు (78 సంవత్సరాలు) దృష్ట్యా, ఆమె ఆరోగ్య పరీక్షల కోసం ఎప్పటికప్పుడు ఆసుపత్రిని సందర్శిస్తున్నారు.

సిమ్లా పర్యటన సందర్భంగా

సోనియా గాంధీ ఇటీవల సిమ్లాకు వెళ్లారని ఆయా వర్గాలు చెబుతున్నాయి. అక్కడ ఆమెకు అధిక రక్తపోటు సమస్య వచ్చింది. ఆ తర్వాత సోనియా సిమ్లాలోని ఒక ఆసుపత్రిలో వైద్య పరీక్షలు చేయించుకున్నారు. పరీక్షలు, చికిత్స తర్వాత, ఆమెను డిశ్చార్జ్ చేయడంతో తిరిగి ఢిల్లీకి వచ్చింది. ఇప్పుడు తాజాగా తనకు కడుపు సంబంధిత సమస్య వచ్చిందని, ఈ కారణంగా మళ్లీ ఢిల్లీలోని ఆసుపత్రిలో చేర్చాల్సి వచ్చిందని ఆయా వర్గాలు చెబుతున్నాయి.

శ్వాసకోశ ఇన్ఫెక్షన్

పార్టీ వర్గాల ప్రకారం 2023లో శ్వాస తీసుకోవడంలో ఇబ్బంది కారణంగా సోనియా గాంధీని సర్ గంగా రామ్ ఆసుపత్రిలో చేర్పించారు. ఆ సమయంలో ఆమెకు చెస్ట్ మెడిసిన్ విభాగంలో చికిత్స అందించారు. వైద్యుల ప్రకారం ఆ సమయంలో శ్వాసకోశ వైరల్ ఇన్ఫెక్షన్ ఉందని తేలింది. చికిత్స కోసం అప్పుడు ఆసుపత్రిలో చేర్పించగా, ఇప్పుడు మరోసారి ఆమె ఆరోగ్యం క్షీణించింది.

ఈ వార్తలు కూడా చదవండి..

కన్నప్ప సినిమాకు షాక్.. బ్రాహ్మణ చైతన్య వేదిక పోరాటం సక్సెస్..

సెంట్రల్ బ్యాంకులో 4,500 జాబ్స్.. అర్హతలు ఎలా ఉన్నాయంటే..

For National News And Telugu News