NHAI Rajmarg Yatra: మీ టోల్ ఖర్చులను ఇలా తగ్గించుకోండి.. ఈ కొత్త యాప్ గురించి తెలుసా..
ABN , Publish Date - Jun 28 , 2025 | 01:03 PM
దేశంలో రహదారుల ప్రయాణాన్ని మరింత సులభతరం చేయడానికి సరికొత్త యాప్ (NHAI Rajmarg Yatra app) వచ్చేస్తుంది. ఇది ప్రయాణికులకు తక్కువ టోల్ ట్యాక్స్ రూట్లను కనుగొనడంలో సహాయపడటంతో పాటు, వార్షిక FASTag పాస్ ద్వారా మీ ప్రయాణాలను మరింత సౌకర్యవంతంగా చేస్తుంది.
ప్రస్తుతం హైవే డ్రైవర్లు ఎదుర్కొంటున్న ఒత్తిడి త్వరలో తీరనుంది. ఎందుకంటే NHAI నుంచి కొత్తగా వచ్చిన రాజ్యమార్గ యాత్ర యాప్ (NHAI Rajmarg Yatra) ద్వారా తక్కువ టోల్ రూట్ సౌకర్యాలను పొందవచ్చు. NHAI ఈ అధికారిక యాప్‌లో టోల్ టాక్స్ రూట్ ఫీచర్‌ను ప్రవేశపెట్టబోతుంది. ఇది వినియోగదారులకు రెండు నగరాల మధ్య తక్కువ టోల్ ట్యాక్స్ ఉన్న రూట్‌ను కనుగొనడానికి సహాయపడుతుంది. ఈ విషయాన్ని ఒక సీనియర్ NHAI అధికారి తెలిపారు.
ఈ యాప్ ద్వారా..
2023లో ప్రారంభించిన హైవే యాత్ర యాప్, దేశ జాతీయ రహదారులపై వివిధ సౌకర్యాల గురించి వినియోగదారులకు అవసరమైన సమాచారాన్ని అందిస్తుంది. ఇది రెండు ప్రదేశాల మధ్య వివిధ రూట్లపై వర్తించే టోల్ ట్యాక్స్ గురించి కూడా వివరాలను ఇవ్వనుంది. అదనంగా ఈ యాప్ తక్కువ టోల్ ట్యాక్స్ ఉన్న హైవేలను గుర్తించడానికి సహాయపడుతుంది.
బెస్ట్ రూట్ ఎంపిక
ఉదాహరణకు ఢిల్లీ నుంచి లక్నోకు ప్రయాణించడానికి మూడు వేర్వేరు రూట్లు ఉన్నాయి. ఈ యాప్ ప్రయాణికులకు సరైన రూట్‌ను ఎంచుకోవడంలో సహాయపడుతుంది. ప్రయాణికులు ఢిల్లీ-లక్నో ప్రయాణాన్ని యమునా ఎక్స్‌ప్రెస్‌వే ద్వారా, గాజియాబాద్-అలిగఢ్-కాన్పూర్ రూట్‌ను ఎంచుకోవచ్చు లేదా మోరాదాబాద్-బరేలీ-సితాపూర్ రూట్ ద్వారా ప్రయాణించవచ్చు. ఈ యాప్ రెండు నగరాల మధ్య తక్కువ టోల్ ట్యాక్స్ రూట్ ఉన్న ప్రాంతాలను గుర్తించి, సూచిస్తుంది.
ఫాస్టాగ్ కోసం ఎలా అప్లై చేయాలి
NHAI ఇటీవల FASTag వార్షిక పాస్‌ను ప్రారంభించింది. రూ. 3,000 ధరతో, ఈ పాస్ ఏ హైవేపై అయినా 200 టోల్ ఫ్రీ ప్రయాణాలను అనుమతిస్తుంది. పూర్తి సంవత్సరానికి చెల్లుబాటు అవుతుంది. ఈ కొత్త FASTag నియమం 2025 ఆగస్టు 15 నుంచి అమలులోకి రానుంది. మీరు పాస్ ముగిసే ముందు 200 టోల్-ఫ్రీ ప్రయాణాలను పూర్తి చేస్తే, మీ FASTagను మళ్లీ రీచార్జ్ చేయాల్సి ఉంటుంది. ఈ పాస్ NHAI ద్వారా అనుమతించబడిన టోల్ ప్లాజాల వద్ద మాత్రమే చెల్లుబాటు అవుతుంది. రాష్ట్ర ప్రభుత్వ టోల్ ప్లాజాల వద్ద మాత్రం ఇది పనిచేయదు.
వార్షిక పాస్
NHAI ఈ వార్షిక పాస్‌ను తన వెబ్‌సైట్‌లో ప్రధానంగా ప్రస్తావించింది. వార్షిక పాస్ కోసం దరఖాస్తు చేయడానికి, వినియోగదారులు NHAI వెబ్‌సైట్‌ను సందర్శించవచ్చు లేదా హైవే యాత్ర యాప్‌ను ఉపయోగించవచ్చు. అందుకోసం మీరు వాహనానికి సంబంధించిన రిజిస్ట్రేషన్ సర్టిఫికేట్‌తో కూడిన యాక్టివ్ FASTag వివరాలను ధృవీకరించాలి. ఆ తర్వాత, రూ. 3,000 ఒకసారి చెల్లించాలి. ధృవీకరణ, చెల్లింపు ప్రక్రియలు పూర్తయిన తర్వాత, వార్షిక FASTag పాస్ జారీ చేయబడుతుంది.
ఇవీ చదవండి:
సిబిల్ స్కోర్ కారణంగా ఉద్యోగం తొలగింపు.. హైకోర్టు కీలక వ్యాఖ్యలు
జూన్ 30లోపు ముగియాల్సిన ఆర్థిక కార్యకలాపాలు ఇవే..
మరిన్ని ఏపీ, అంతర్జాతీయ వార్తల కోసం క్లిక్ చేయండి
