COVID-19: హాంకాంగ్‌, సింగపూర్‌లో కొవిడ్‌ అలజడి..!
ABN , Publish Date - May 16 , 2025 | 05:14 AM
ఐదేళ్ల క్రితం యావత్‌ ప్రపంచాన్ని గడగడలాడించిన కొవిడ్‌-19 ఆసియాలో మళ్లీ అలజడి రేపుతోంది. జనసాంద్రత ఎక్కువగా ఉండే హాంకాంగ్‌, సింగపూర్‌లలో కొవిడ్‌ కేసులు పెరుగుతున్నాయని ఆరోగ్యశాఖ అధికారులు హెచ్చరించారు.
ఆసియా అంతటా పెరుగుతున్న కరోనా కేసులు
న్యూఢిల్లీ, మే 15: ఐదేళ్ల క్రితం యావత్‌ ప్రపంచాన్ని గడగడలాడించిన కొవిడ్‌-19 ఆసియాలో మళ్లీ అలజడి రేపుతోంది. జనసాంద్రత ఎక్కువగా ఉండే హాంకాంగ్‌, సింగపూర్‌లలో కొవిడ్‌ కేసులు పెరుగుతున్నాయని ఆరోగ్యశాఖ అధికారులు హెచ్చరించారు. ముఖ్యంగా హాంకాంగ్‌లో ఈ వారం లో కరోనా వైరస్‌ వ్యాప్తి ఎక్కువగా ఉందని స్థానిక ఆరోగ్యశాఖ అధికారి ఒకరు వెల్లడించారు.
ఈ నెల 3 నుంచి ఇక్కడ కొవిడ్‌ పాజిటివ్‌ కేసుల తీవ్రత పెరిగిందని, అలాగే కొన్ని మరణాలు కూడా నమోదయ్యాయని ఆయన పేర్కొన్నారు. మరోవైపు సింగపూర్‌లో కూడా కొవిడ్‌ అలజడి కనిపిస్తోంది. ఈ నెల 3వ తేదీ తర్వాత ఏడు రోజుల్లోనే కేసుల సంఖ్య దాదాపు 28 శాతం పెరిగిందని స్థానిక ఆరోగ్య మంత్రిత్వ శాఖ వెల్లడించింది.
