Baramulla Encounter: పహల్గామ్ ప్రతీకారం..బారాముల్లా ఎన్‌కౌంటర్‌లో ఇద్దరు ఉగ్రవాదుల హతం..
ABN , Publish Date - Apr 23 , 2025 | 10:58 AM
ఉగ్రవాదం మరోసారి జమ్మూ కశ్మీర్‌ శాంతిని భంగం చేయడానికి యత్నించిన నేపథ్యంలో, భారత భద్రతా బలగాలు చురుకుగా వ్యవహరించి, ఘాటైన సమాధానం ఇచ్చాయి. పహల్గామ్‌లో జరిగిన భయానక దాడి తరువాత, తాజాగా బారాముల్లా జిల్లాలో జరిగిన ఎన్కౌంటర్ చర్చనీయాంశమైంది.
జమ్మూ కశ్మీర్‌లోని పహల్గామ్‌లో జరిగిన భయానక ఉగ్రదాడి తరువాత మరొక కీలక పరిణామం చోటు చేసుకుంది. బారాముల్లాలో జరిగిన ఎన్‌కౌంటర్‌లో ఇద్దరు ఉగ్రవాదులను భద్రతా దళాలు మట్టుబెట్టాయి. ఈ ఎన్కౌంటర్ మంగళవారం రాత్రి ప్రారంభమై బుధవారం ఉదయం వరకు కొనసాగింది. భద్రతా దళాలు తెలిపిన వివరాల ప్రకారం, బారాముల్లా జిల్లా ఉరి నలాలోని సర్జీవన్ ప్రాంతం వద్ద రెండు నుంచి మూడు మంది ఉగ్రవాదులు భారత్‌లోకి ప్రవేశించడానికి యత్నించగా వారిని గుర్తించి ఎదురుదాడి చేపట్టారు. ఈ ప్రయత్నంలో ఇద్దరు ఉగ్రవాదులు హతమయ్యారు. ఘర్షణ అనంతరం భారీగా ఆయుధాలు, సామాగ్రి స్వాధీనం చేసుకున్నట్లు చినార్ కార్ప్స్ వెల్లడించింది.
మరుసటి రోజే..
ఈ ఘటన పహల్గామ్‌లో జరిగిన ఉగ్రదాడికి మరుసటి రోజే చోటు చేసుకోవడం విశేషం. ప్రస్తుతం బారాముల్లాలో భద్రతా దళాల ఆపరేషన్ కొనసాగుతోంది. ఈ ఎన్కౌంటర్ ద్వారా మరోసారి భారత భద్రతా బలగాలు అప్రమత్తంగా ఉన్నాయని స్పష్టమవుతోంది. పర్యాటక ప్రదేశంగా పేరుపొందిన బెసరణ్‌ మైదానంలో జరిగిన దాడిలో 27 మంది ప్రాణాలు కోల్పోయారు. అనేక మంది గాయపడ్డారు. ఈ ఘటన దేశవ్యాప్తంగా తీవ్ర ఆందోళనకు దారి తీసింది. ఈ దాడిపై స్పందించిన ప్రధాని నరేంద్ర మోదీ, ఈ దారుణమైన దాడిని తీవ్రంగా ఖండించారు. ప్రాణాలు కోల్పోయిన వారి కుటుంబాలకు ప్రగాఢ సానుభూతి తెలియజేశారు.
చీకటి మేఘాలు
పహల్గామ్, ప్రకృతి అందాలతో అలరించే ఈ పర్యాటక ప్రాంతం ఏప్రిల్ 22న ఊహించని విధంగా ఉగ్రవాద దాడికి గురైంది. బైసరణ్‌ మైదానంలో జరిగిన ఈ దాడిలో 27 మంది అమాయకులు ప్రాణాలు కోల్పోయారు. ఈ ఘటన దేశవ్యాప్తంగా తీవ్ర ఆవేదనకు దారితీసింది. పర్యాటకుల జోలికి వెళ్లడం ద్వారా ఉగ్రవాదులు తమ మానవతా విరుద్ధ కార్యకలాపాలను మరోసారి చాటిచెప్పారు. ఈ దాడికి మరుసటి రోజే, బారాముల్లా జిల్లాలోని ఉరి నలాలో ఉన్న సర్జీవన్ ప్రాంతంలో భద్రతా దళాలు ఒక కీలక ఆపరేషన్ చేపట్టాయి. ముందస్తుగా సమాచారం అందుకున్న దళాలు, భారత్‌లోకి చొరబడేందుకు ప్రయత్నిస్తున్న ఉగ్రవాదులను గుర్తించి వెంటనే ఎదురు దాడిని ప్రారంభించాయి. ఈ కాల్పులలో ఇద్దరు ఉగ్రవాదులు హతమయ్యారు. మరో ఉగ్రవాది కోసం గాలింపు చర్యలు కొనసాగుతున్నట్లు సమాచారం.
ఇవి కూడా చదవండి:
Pahalgam Terror Attack: హృదయాన్ని కదిలించే విషాదం..పహల్గామ్ ఉగ్రదాడిలో అర్ధాంతరంగా ఆగిన జీవితం
Pahalgam Attack: పహల్గామ్ ఉగ్రవాద దాడి.. భారత్‌కు మద్దతుగా ప్రపంచ నేతల సంఘీభావం
PM Modi: విమానాశ్రయంలో దిగిన వెంటనే.. అజిత్ దోవల్, జైశంకర్‌తో మోడీ అత్యవసర భేటీ
PM Modi: ప్రధాని మోదీ సౌదీ టూర్ రద్దు..ఇండియాకు వచ్చేసిన పీఎం
TRAI: సిగ్నల్, నెట్ లేకపోతే సైలెంట్ కాదు..ఫిర్యాదు చేయడం మరింత ఈజీ తెలుసా..
Read More Business News and Latest Telugu News
