IRCTC: అదిరిపోయే ప్యాకేజీ.. రూ. 14 వేలకే కేరళ టూర్..

కేరళ అంటేనే ప్రకృతి సౌందర్యానికి కేరాఫ్ అడ్రాస్. ఈ రాష్ట్రంలోని ప్రకృతి అందాలను ఆస్వాదించాలనే ఆశ ప్రతి ఒక్కరికి ఉంటుంది. అందుకోసం ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) ఒక సూపర్ ఆఫర్‌ను ప్రకటించింది. కేరళ హిల్స్ అండ్ వాటర్స్ (Kerala Hills & Waters) పేరుతో ఈ ప్రత్యేక ప్యాకేజీని తీసుకు వచ్చింది. ఈ ప్యాకేజీ కింద కేవలం రూ. 14 వేలుతో అలెప్పీ బ్యాక్ వాటర్స్, మున్నార్ హిల్స్ అందాలను సైతం వీక్షించవచ్చు. ఈ టూర్‌లో మొత్తం ఐదు రాత్రులు, ఆరు పగళ్లు ఉంటాయి. జూ్ 17 నుంచి సెప్టెంబర్ 23వ తేదీ వరకు ఈ ప్యాకేజీ టికెట్లు అందుబాటులో ఉన్నాయి.

కేరళ యాత్ర వివరాలు..

• మొదటి రోజు.. ప్రతి మంగళవారం మధ్యాహ్నం 12.20 గంటలకు సికింద్రాబాద్ నుంచి శబరి ఎక్స్‌ప్రెస్ (రైలు నెంబర్: 17230) బయలుదేతుంది. నల్గొండ, గుంటూరు, తెనాలి స్టేషన్లలో ఆ రైలు ఆగుతోంది. రాత్రంతా రైలు ప్రయాణం ఉంటుంది.

• రెండో రోజు: మధ్యాహ్నం 12.55 గంటలకు ఎర్నాకులం స్టేషన్‌కు రైలు చేరుకుంటుంది. అక్కడి ఐఆర్‌సీటీసీ సిబ్బంది ఈ రైలులో వచ్చిన యాత్రికులకు మున్నార్‌కు తీసుకు వెళ్తారు. అక్కడ ముందుగానే బుక్ చేసిన హోటల్‌లో ఆ రోజు రాత్రికి బస ఏర్పాటు చేస్తారు.

• మూడో రోజు: ఉదయం ఎరావికులం నేషనల్ పార్క్, టీ మ్యూజియం, మెట్టుపట్టి డ్యామ్, ఎకో పాయింట్‌ ప్రదేశాలకు తీసుకు వెళ్తారు. అనంతరం మున్నార్‌లోనే ఉంటారు.

• నాలుగో రోజు: అలెప్పీకి చేరుకుంటారు. రోజంతా అలెప్పీ పరిసరాల్లోని అందమైన ప్రదేశాలకు తీసుకు వెళ్తారు. ఆ రాత్రి అలెప్పీలోన బస ఏర్పాటు చేస్తారు. బ్యాక్ వాటర్స్ అందాలు ప్రతి ఒక్కరి మనస్సును కట్టి పడేస్తాయి.

• ఐదో రోజు: అలెప్పీ నుంచి ఎర్నాకులం రైల్వే స్టేషన్‌కు తిరిగి వస్తారు. అక్కడ మధ్యాహ్నం 11.20 గంటలకు శబరి ఎక్స్‌ప్రెస్ (రైలు నెంబర్ 17229) బయలుదేరుతోంది.

• ఆరో రోజు: మధ్యాహ్నం 12.20 గంటలకు ఈ రైలు సికింద్రాబాద్ చేరుకోవడంతో కేరళ యాత్ర పూర్తవుతుంది.

ప్యాకేజీ ఛార్జీలు ఇలా ఉన్నాయి..

• ఈ ప్యాకేజీలో రెండు రకాల వసతులున్నాయి: కంఫర్ట్ (3rd ఏసీ బెర్త్), స్టాండర్డ్ (స్లీపర్ బెర్త్) ఉన్నాయి. మీ సౌలభ్యాన్ని బట్టి ధరలు మారతాయి.

• కంఫర్ట్ ప్యాకేజీ (3rd ఏసీ బెర్త్)..

• సింగిల్ షేరింగ్ (ఒక్కరికి): రూ. 32,310

• డబుల్ షేరింగ్ (ఇద్దరికి ఒక్కో వ్యక్తికి): రూ. 18,870

• ట్రిపుల్ షేరింగ్ (ముగ్గురికి ఒక్కో వ్యక్తికి): 16,330

• 5 నుంచి 11 ఏళ్ల చిన్నారులకు (బెడ్‌తో): రూ. 10,190

• 5 నుంచి 11 ఏళ్ల చిన్నారులకు (బెడ్‌ లేకుండా) రూ. 7,860

ఇక స్టాండర్డ్ ప్యాకేజీ (స్లీపర్ బెర్త్)..

• సింగిల్ షేరింగ్ (ఒక్కరికి): రూ. 29,580

• డబుల్ షేరింగ్ (ఇద్దరికి ఒక్కో వ్యక్తికి): రూ. 16,140

• ట్రిపుల్ షేరింగ్ (ముగ్గురికి ఒక్కో వ్యక్తికి): రూ. 13,600 (ముగ్గురు కలిసి ఒక్కొక్కరికి రూ. 13600 అవుతుంది. అంటే కేవలం రూ. 14 వేల లోపు ఉంటుంది.)

• 5 నుంచి 11 ఏళ్ల చిన్నారులకు (బెడ్‌తో): రూ. 7,460

• 5 నుంచి 11 ఏళ్ల చిన్నారులకు (బెడ్‌ లేకుండా) రూ.5,130

ఈ ప్యాకేజీలో ఏమేం వస్తాయంటే..?

• మీరు ఎంచుకున్ ప్యాకేజీని బట్టి ఈ సౌకర్యాలు లభిస్తాయి.

• 3rd ఏసీ లేదా స్లీపర్ క్లాస్ రైలు ప్రయాణం.

• కేరళలో పర్యటించడానికి ఏసీ వాహనం.

• కేరళలో మూడు రాత్రులు హోటల్‌లో బస.

• ఉదయం యాత్రికులకు అల్పాహారం ఉచితం.

• యాత్రికులకు ట్రావెల్ ఇన్యూరెన్సు ఉంటుంది.

• టోల్, పార్కింగ్ ఛార్జీలు ప్యాకేజీలోనే ఉంటాయి.

వీటి బాధ్యత యాత్రికులదే..

• ప్యాకేజీలో కొన్ని ఖర్చులను చేర్చలేదు. అవి యాత్రికులే స్వయంగా చూసుకోవాల్సి ఉంటుంది.

• మధ్యాహ్నం, రాత్రి భోజనాలు, ఎక్కడైనా ప్రవేశ రుసుములు, బూటింగ్, హార్స్ రైడింగ్ తదితర వాటిని యాత్రికులే చెల్లించాల్సి ఉంటుంది. గైడ్‌ను కావాలంటే ఏర్పాటు చేసుకోవచ్చు.

రద్దు చేసుకోవాలంటే..

• ఒక వేళ టూరు రద్దు చేసుకోవాల్సి వస్తే.. ఈ నియమాలు వర్తిస్తాయి.

• 15 రోజుల ముందు రద్దు: రూ. 25 క్యాన్సిలేషన్ ఛార్జీ మినహాయించి మిగతా మొత్తం తిరిగి వెనక్కి చెల్లిస్తారు

• 8-14 రోజుల ముందు రద్దు: టికెట్ ధరలో 25 శాతం మినహాయిస్తారు.

• 4-7 రోజుల ముందు రద్దు: టికెట్ ధరలో 50 శాతం మినహాయిస్తారు.

• 4 రోజుల కంటే తక్కువ సమయంలో రద్దు: ఎలాంటి నగదు తిరిగి రాదు.

  ఇవి కూడా చదవండి:

  జగన్ పర్యటనలో అపశృతి.. ఒకరు మృతి

  124 మృతదేహాలు కుటుంబ సభ్యులకు అప్పగింత..

  For More National News and Telugu News