Pillow Side Effects: ప్రతిరోజూ నిద్రపోయేటప్పుడు దిండు వాడుతున్నారా? ఈ ఒక్క తప్పుతో ఎన్ని సమస్యలో తెలుసా..!
ABN , Publish Date - Jul 06 , 2025 | 08:31 AM
Sleeping With a Pillow Side Effects: తలకింద దిండు పెట్టుకుని పడుకుంటే చాలా సౌకర్యంగా ఉంటుంది. త్వరగా నిద్రపడుతుంది కూడా. కానీ, ఈ సౌకర్యానికి నెమ్మదిగా అలవాటుపడితే మీ ఆరోగ్యానికి ఎంత హాని జరుగుతుందో మీకు తెలుసా? తలగడ వేసుకుని రోజూ నిద్రపోయే వారికి ఈ తీవ్ర అనారోగ్య సమస్యలు వస్తాయని వైద్యులు హెచ్చరిస్తున్నారు.
నిద్రపోయేటప్పుడు దిండు వాడటం అనేది ఒక సాధారణ అలవాటు. రోజూ అలసిన శరీరంతో పక్క మీద చేరగానే తలకింద దిండు పెట్టుకుని పడుకుంటే వచ్చే హాయే వేరు. విశ్రాంతిగా అనిపించి చక్కటి నిద్రపడుతుంది ఎవరికైనా. కానీ, నిద్రపోయేందుకు సౌకర్యవంతంగా ఉండే దిండు క్రమంగా మీ ఆరోగ్యానికి హాని కలిగిస్తుందని మీకు తెలుసా? ముఖ్యంగా మీరు దిండ్లు ఎత్తుగా వేసుకుని పడుకున్నా లేదా మందపాటి లేదా గట్టి దిండును ఉపయోగించినా ఈ కింది సమస్యలు సమీప భవిష్యత్తులో మిమ్మల్ని చుట్టుముట్టడం ఖాయం.
నిరంతర మెడ నొప్పి
మీరు ఉదయం నిద్రలేచిన వెంటనే మీ మెడలో బిగుతు లేదా నొప్పిని అనుభవిస్తే దానికి ప్రధాన కారణం మీ దిండు కావచ్చు. ముఖ్యంగా దిండు చాలా మందంగా లేదా ఎత్తుగా ఉన్నప్పుడు మెడ సహజ అమరికకు భంగం కలుగుతుంది. గంటల కొద్దీ ఇలా దిండుపై పడుకోవడం వల్ల కండరాలపై ఒత్తిడి పడుతుంది. క్రమక్రమంగా మెడ నొప్పి సమస్య ప్రారంభమవుతుంది. అందుకే, అప్పటికే మెడ నొప్పితో బాధపడుతున్న వ్యక్తులు ఎల్లప్పుడూ ఎత్తు తక్కువగా ఉండే మృదువైన దిండునే ఉపయోగించాలి. తద్వారా మెడ, వెన్నెముక మధ్య సమతుల్యత ఉంటుంది.
గర్భాశయ నొప్పి ప్రమాదం
సరైన దిండును ఉపయోగించకపోతే గర్భాశయ నొప్పి వచ్చే ప్రమాదం కూడా పెరుగుతుంది. వాస్తవానికి, మెడ అమరిక సరిగ్గా లేనప్పుడు కండరాలపై అధిక ఒత్తిడి ఉంటుంది. ఇది మెడ నొప్పి, భుజాలపై ఒత్తిడిని కలిగిస్తుంది. మీరు ఉదయం మేల్కొన్న వెంటనే భుజాలు, మెడలో గట్టిగా పట్టేసినట్టుగా అనిపిస్తుంది. ఈ సమస్య తీవ్రమయ్యాక కొన్ని సార్లు మైకము కూడా రావచ్చు. తలనొప్పి కూడా రోజంతా ఉంటుంది. ముఖ్యంగా గట్టిగా, మందపాటి దిండ్లు ఉపయోగించే వారిలో ఈ సమస్య కనిపిస్తుంది.
వెన్నుపాముపై చెడు ప్రభావం
నిద్రపోయేటప్పుడు శరీర భంగిమ సరిగ్గా లేకపోతే అది వెన్నెముకపై ప్రత్యక్ష ప్రభావాన్ని చూపుతుంది. మందపాటి దిండును ఉపయోగించడం వల్ల తల పైకి లేస్తుంది. శరీర పై భాగం తప్పు దిశలో వంగి ఉంటుంది. ఇది వెన్నెముకలో అసాధారణ వంపులకు కారణమవుతుంది. ఇది వెన్నునొప్పి, ఇతర వెన్నెముక సమస్యలకు దారితీస్తుంది. గంటల తరబడి ఒకే స్థితిలో నిద్రపోవడం వల్ల వెన్నెముకపై నిరంతరం ఒత్తిడి పెరిగి నొప్పి పెరుగుతుంది.
మొటిమల సమస్య
దిండు చర్మంపై కూడా చెడు ప్రభావాన్ని చూపుతుందని చాలా కొద్ది మందికి మాత్రమే తెలుసు. మీరు ప్రతి రాత్రి దిండును మీ ముఖానికి ఆనించుకున్నప్పుడు దానిపై ఉన్న దుమ్మూధూళి, చెమట, లాలాజలం వంటివి ముఖ చర్మానికి అంటుకుంటాయి. ఇవి చర్మ రంధ్రాలను మూసుకుపోయేలా చేసి మొటిమ సమస్యను కలిగిస్తాయి. అందుకే ప్రతి మూడు-నాలుగు రోజులకు ఒకసారి దిండు కవర్ కచ్చితంగా ఉతకాలి. లేకపోతే ఈ సమస్య మరింత పెరుగుతుంది. కాబట్టి, మీరు ఏ దిండును ఉపయోగించినా దాని శుభ్రం చేసే విషయంలో జాగ్రత్తగా ఉండండి.
తలలో రక్త ప్రసరణ సమస్య
తలకు సరైన రక్త ప్రసరణ మానసిక ఆరోగ్యానికి, జుట్టు పోషణకు చాలా ముఖ్యం. కానీ మీరు చాలా ఎత్తుగా లేదా గట్టి దిండును నిద్రపోయేటప్పుడు వాడటం వల్ల మెడ సిరలపై ఒత్తిడి పెరుగుతుంది. ఇది రక్త ప్రవాహాన్ని కూడా ప్రభావితం చేస్తుంది. ఈ పరిస్థితి క్రమంగా తల ప్రాంతానికి రక్త ప్రవాహాన్ని తగ్గిస్తుంది. దీని కారణంగా జుట్టుకు తగినంత పోషకాలు లభించక వెంట్రుకలు విపరీతంగా రాలిపోవడం ప్రారంభమవుతుంది. ఇది మానసిక ఆరోగ్యంపై కూడా తీవ్ర ప్రభావాన్ని చూపుతుంది.
ఇవి కూడా చదవండి:
ఏళ్ల తరబడి ఒకే కుక్కర్‌ను వాడుతున్నారా.. ఈ విషయం తెలిస్తే..
చియా గింజలు తినేవారికి గ్యాస్ట్రోఎంటిరాలజిస్టు హెచ్చరిక ఇది
