Butter Chicken Recipe: సండే స్పెషల్‌గా బటర్ చికెన్ రెసిపీ.. ఎలా చేయాలో తెలుసుకుందాం..

ఇంటర్నెట్ డెస్క్‌: ఈ ఆదివారం స్పెషల్‌గా ఏదైనా వండాలనుకుంటున్నారా? అయితే ఈ క్రీమీ, మసాలా రుచులతో నిండిన బటర్ చికెన్ రుచి తప్పకుండా ట్రై చేయండి. చిన్నపిల్లల నుంచి పెద్దల వరకు అందరికి నచ్చే విధంగా ఉంటుంది. అన్నం, చపాతీలు, పుల్కాలకూ సరిపోయేలా ఉంటుంది.

కావలసిన పదార్థాలు:

మెరినేషన్‌ కోసం:

• బోన్‌లెస్ చికెన్ – 250 గ్రాములు

• అల్లం-వెల్లుల్లి పేస్ట్ – 1 టీస్పూన్

• చిక్కటి పెరుగు – 2 టేబుల్ స్పూన్లు

• నిమ్మరసం – అర చెక్క

• కారం – 1 టీస్పూన్

• గరం మసాలా – ½ టీస్పూన్

• ఉప్పు – తగినంత

• నూనె – 1 టేబుల్ స్పూన్

మసాలా పేస్ట్‌ కోసం:

• బటర్ – 1 టేబుల్ స్పూన్

• నూనె – 1 టేబుల్ స్పూన్

• ఉల్లిపాయలు – 2 (మధ్య పరిమాణం)

• అల్లం వెల్లుల్లి పేస్ట్ – 1 టీస్పూన్

• టమోటాలు – 3 (సన్నగా తరిగినవి)

• ఎండు మిర్చి – 3

• జీడిపప్పు – 10

• జీలకర్ర పొడి – 1 టీస్పూన్

• ధనియాల పొడి – ½ టీస్పూన్

• గరం మసాలా – 1 టీస్పూన్

• ఉప్పు – తగినంత

• నీళ్లు – 2 టేబుల్ స్పూన్లు

బటర్ చికెన్ కోసం:

• బటర్ – 2 టేబుల్ స్పూన్లు

• కారం – 1 టీస్పూన్

• ఫ్రెష్ మీగడ – ¼ కప్పు

• కసూరి మేతి – చిటికెడు

• కొత్తిమీర – తరిగినంత

తయారీ విధానం:

• ముందుగా చికెన్‌ ముక్కలు మెరినేట్ చేయాలి. ఒక గిన్నెలో చికెన్ ముక్కలు తీసుకుని పెరుగు, అల్లం వెల్లుల్లి పేస్ట్, కారం, గరం మసాలా, ఉప్పు, నిమ్మరసం వేసి బాగా కలిపి 30 నిమిషాలు పక్కన పెట్టాలి.

• స్టవ్ పై నూనె వేసి మెరినేట్ చేసిన చికెన్ ముక్కలు వేసి బాగా వేయించాలి. ఇవి బాగా గోధుమ రంగు వచ్చే వరకు వేయించి పక్కన పెట్టుకోవాలి.

• అదే పాన్‌లో బటర్, నూనె వేసి తరిగిన ఉల్లిపాయలు, అల్లం వెల్లుల్లి పేస్ట్ వేయించాలి. తర్వాత టమోటాలు, జీడిపప్పు, ఎండు మిర్చి వేసి మగ్గించాలి. తర్వాత జీలకర్ర పొడి, ధనియాల పొడి, గరం మసాలా, ఉప్పు వేసి మరో 2-3 నిమిషాలు వండాలి. చల్లారిన తర్వాత మిక్సీలో మెత్తగా రుబ్బాలి.

• పాన్‌లో మళ్లీ బటర్ వేసి, కారం పొడి వేసి వాసన వచ్చే వరకు వేయించాలి. దానికి టమోటా-ఉల్లి పేస్ట్ వేసి మిగిలిన మసాలాలతో కలపాలి. ఈ మిశ్రమం నుండి నూనె బయటికొస్తే ఫ్రై చేసిన చికెన్ ముక్కలు వేసి బాగా కలపాలి.

• చివరగా ఫ్రెష్ మీగడ, కసూరి మేతి, కొత్తిమీర వేసి 5-10 నిమిషాలు మగ్గించాలి.

• ఈ బటర్ చికెన్‌ను వేడి వేడి అన్నం, చపాతీలతో తింటే రుచి అదిరిపోతుంది.

Also Read:

రోజూ డైట్ సోడా తాగుతున్నారా? 38% పెరుగుతున్న డయాబెటిస్ రిస్క్ .!

హైదరాబాద్ ఐటీ ఉద్యోగుల్లో 84 శాతం మందికి ఫ్యాటీ లివర్ వ్యాధి.. నివేదికలో సంచలన విషయాలు..

For More Lifestyle News