Russian Soldiers Poisoned Water: విషం కలిపిన నీళ్లు తాగి నలుగురు రష్యా సైనికుల మృతి

• మరికొందరి పరిస్థితి విషమం

• ఘటన వెనుక ఉక్రెయిన్‌ హస్తం

న్యూఢిల్లీ, జూలై 18: తూర్పు ఉక్రెయిన్‌లోని రష్యా ఆక్రమిత డోనెట్స్క్‌ ప్రాంతంలోని పాంటేలిమోనివ్కాలో విషం కలిపిన బాటిళ్లలోని నీళ్లు తాగి.. ఆ దేశంతో యుద్ధంలో ఉన్న రష్యాకు చెందిన సైనికుల్లో కనీసం నలుగురు ప్రాణాలు కోల్పోయినట్లు తెలుస్తోంది. ఈ మేరకు రష్యా టెలిగ్రాం మిలటరీ చానళ్లలో ప్రసారమవుతున్న దృశ్యాలు ఆందోళన కలిగించే విధంగా ఉన్నాయి. సైనికుల్లో కొందరు మూర్చపోయినట్లు, ఇంకొందరు ఊపిరి తీసుకునేందుకు తీవ్ర ఇబ్బంది పడుతున్నట్లు ఆ దృశ్యాల్లో కనిపించింది. ‘మా నీరు’ (అవర్‌ వాటర్‌) అనే లేబుల్‌తో ఉన్న ఈ నీళ్ల బాటిళ్లను రష్యా అధీనంలోని క్రిమియా నుంచి మానవతా దృక్పథంతో సరఫరా చేసే ఆహారపదార్థాల్లో భాగంగా అక్కడ పంపిణీ చేసినట్లు తెలుస్తోంది. ఈ నీళ్లు తాగినవారిలో కొందరు సైనికుల పరిస్థితి విషమంగా ఉన్నట్లు సమాచారం. కాగా ఈ ఘటన వెనుక ఉక్రెయిన్‌ హస్తం ఉందని రష్యా సైన్యం ఆరోపించింది. అయితే ఈ విషయంలో ఎలాంటి ఆధారాలను సైన్యం బయటపెట్టలేదు.

ఇవి కూడా చదవండి

యూట్యూబ్ హైప్‌ ప్రారంభం.. ఎలా ఉపయోగించాలో తెలుసా..

ఎయిర్ పోర్టులో 10వ తరగతితో ఉద్యోగాలు..లాస్ట్ డేట్ ఎప్పుడంటే

మరిన్ని జాతీయ, తెలుగు వార్తల కోసం క్లిక్ చేయండి