Football Fans: అభిమానుల గుంపులోకి దూసుకెళ్లిన కారు..47 మందికి గాయాలు..

లండన్‌(London)లో లివర్‌పూల్ ఫుట్‌బాల్ జట్టు అభిమానులు తమ జట్టు (Liverpool Football Fans Accident) ప్రీమియర్ లీగ్ ఛాంపియన్‌షిప్ విజయాన్ని సోమవారం సెలబ్రేట్ చేసుకుంటున్న సమయంలో ఓ కారు వారి మధ్యలోకి అనుకోకుండా దూసుకొచ్చింది. దీంతో అక్కడున్న అనేక మందిలో దాదాపు 47 మంది గాయపడ్డారు. వారిలో 27 మంది ఆస్పత్రిలో చేరగా, ఇద్దరి పరిస్థితి విషమంగా ఉన్నట్లు తెలుస్తోంది. సమాచారం అందుకున్న వెంటనే అధికారులు ఎయిర్ యాంబులెన్స్‌తో సహా ఇతర అత్యవసర వాహనాలను ఆ ప్రాంతంలో మోహరించి సహాయక చర్యలు చేపట్టారు.

ఘటన వివరాలు

ఈ దుర్ఘటన సోమవారం సాయంత్రం 6 గంటల సమయంలో చోటుచేసుకుంది. వాటర్‌స్ట్రీట్‌లో లివర్‌పూల్ ఫ్యాన్స్ భారీగా గుమికూడిన సమయంలో, ఓ 53 ఏళ్ల బ్రిటిష్ వ్యక్తి తన వాహనాన్ని వేగంగా నడిపించి, అభిమానుల మధ్యలోకి దూసుకొచ్చాడు. ఈ ఘటనలో 27 మంది గాయపడి ఆస్పత్రిలో చేరగా, వారిలో నలుగురు చిన్నారులు, ఇద్దరి పరిస్థితి విషమంగా ఉన్నట్లు సమాచారం. మిగతా 20 మందిని ప్రాథమిక చికిత్స అనంతరం వదిలిపెట్టారు. ఈ ఘటన జరిగిన వెంటనే, అత్యవసర సేవలు స్పందించి, గాయపడిన వారిని చికిత్స కోసం ఆస్పత్రులకు తరలించాయి. సహాయక చర్యలు వేగంగా చేపట్టినందున ప్రాణనష్టం తప్పింది.

పోలీసులు, ప్రభుత్వ ప్రతిస్పందన

ఈ సందర్భంగా పోలీసులు కారు నడిపిన 53 ఏళ్ల బ్రిటిష్ వ్యక్తిని అరెస్టు చేశారు. ఈ ఘటనను ఉగ్రవాద చర్యగా పరిగణించట్లేదని, ఇది ఒక వ్యక్తి చేసిన చర్యగా పేర్కొన్నారు అధికారులు. బ్రిటన్ ప్రధాని కీర్‌ స్టార్మర్ ఈ ఘటనను నిరాశాజనకమైనదని అభివర్ణించారు. అత్యవసర సేవల ప్రతిస్పందనను ప్రశంసించారు. లివర్‌పూల్ ఫుట్‌బాల్ క్లబ్, ప్రీమియర్ లీగ్ ఈ ఘటనపై తమ దిగ్భ్రాంతిని వ్యక్తం చేశారు.

మరిన్ని వివరాలు

ఈ ఘటనకు సంబంధించి మరిన్ని వివరాలు ఇంకా తెలియాల్సి ఉంది. మేర్సైడ్ పోలీసులు దీనిపై దర్యాప్తు కొనసాగిస్తున్నారు. ఈ క్రమంలో దీనిపై అనవసరమైన ఊహాగానాలు చేయకుండా, అధికారిక సమాచారం మాత్రమే పరిగణలోకి తీసుకోవాలని అధికారులు సూచించారు. బ్రిటన్‌లోని వివిధ రాజకీయ నాయకులు, ప్రజలు దీనిపై తీవ్ర దిగ్భ్రాంతిని వ్యక్తం చేశారు. ఈ ఘటన లివర్‌పూల్ నగరంలో జరిగిన ఆనందదాయకమైన వేడుకల్లో విషాదాన్ని నింపింది.

ఇవీ చదవండి:

టీసీఎస్‌ ఏఐ.క్లౌడ్‌ వ్యాపార విభజన

సీక్రెట్ కోడ్ ట్రిక్స్.. సైబర్ నేరాలకు చెక్‌..

మరిన్ని క్రీడా, తెలుగు వార్తల కోసం క్లిక్ చేయండి