Blood Donation: రక్తదానం చేయడానికి హిమోగ్లోబిన్ ఎంత ఉండాలి..

రక్తదానాన్ని జీవితదానం అంటారు. ఎందుకంటే దీని ద్వారా ప్రాణాలను కాపాడవచ్చు. అయితే, ఆరోగ్యంగా ఉంటేనే రక్తదానం చేయాలి. వయస్సు, బరువుతో పాటు, మంచి హిమోగ్లోబిన్ స్థాయిని కలిగి ఉండటం ముఖ్యం. WHO ప్రకారం రక్తదానం చేయడానికి కొన్ని నియమాలు ఉన్నాయి. అవేంటో ఇప్పుడు తెలుసుకుందాం..

ఆరోగ్యంగా ఉండాలి

రక్తదానం చేయడానికి మీ వయస్సు 18 నుండి 65 సంవత్సరాల మధ్య ఉండాలి. రక్తదానం చేయడానికి మీ బరువు కనీసం 50 కిలోలు ఉండాలి. మీరు రక్తదానం చేయాలనుకుంటే మీ ఆరోగ్యం బాగుండటం ముఖ్యం. మీకు జలుబు, ఫ్లూ, గొంతు నొప్పి, జలుబు, కడుపు ఇన్ఫెక్షన్ లేదా మరేదైనా ఇన్ఫెక్షన్ ఉంటే మీరు రక్తదానం చేయడం కుదరదు.

టాటూ వేయించుకుంటే..

మీరు ఇటీవల టాటూ వేయించుకుంటే ఆ ప్రక్రియ జరిగిన తేదీ నుండి 6 నెలల వరకు మీరు రక్తదానం చేయడం మంచిది కాదు.

హిమోగ్లోబిన్ ఎంత ఉండాలి?

రక్తదానానికి అవసరమైన కనీస హిమోగ్లోబిన్ మీకు ఉండకపోతే రక్తదానం చేయకూడదు. రక్తదానం చేయాలనుకున్నప్పుడు ముందుగా ఆసుపత్రి లేదా ఆరోగ్య శిబిరంలో పరీక్ష చేయించుకోవాలి. చాలా దేశాలలో, హిమోగ్లోబిన్ స్థాయి మహిళలకు 12.0 గ్రా/డిఎల్ కంటే తక్కువ ఉండకూడదు. పురుషులకు 13.0 గ్రా/డిఎల్ కంటే తక్కువ ఉండకూడదు.

హిమోగ్లోబిన్ పెంచడానికి ఏమి చేయాలి?

ఐరన్ ఫుడ్ తీసుకోండి..

ఆకుకూరలు (పాలకూర, మెంతులు), దానిమ్మ, బీట్‌రూట్, బెల్లం, పప్పుధాన్యాలు, ఎండుద్రాక్ష, ఖర్జూరం, అంజూర ఇనుముకు మంచి వనరులు. మాంసం, చేపలు, గుడ్లలో కూడా ఇనుము పుష్కలంగా ఉంటుంది. కాబట్టి, పై వాటిని తింటూ హిమోగ్లోబిన్ స్థాయిని పెంచుకోండి.

Also Read:

Thyroid: థైరాయిడ్ సమస్యలు ఉన్నవారు వేడి నీళ్లు తాగవచ్చా..

Hydrotherapy: హైడ్రోథెరపీ అంటే ఏమిటి.. దీనివల్ల శరీరంలో ఎలాంటి మార్పులు వస్తాయో తెలుసా?

For More Health News