Sleep remedies for periods: పీరియడ్స్ సమయంలో మంచి నిద్ర కోసం ఈ పనులు చేయండి..

Menstrual Sleep Solutions: పీరియడ్స్ సమయంలో మంచి నిద్రను పొందడం కష్టంగా ఉంటుంది. చాలా మంది స్త్రీలు పీరియడ్స్ సమయంలో నిద్రపోవడానికి తెగ ఇబ్బంది పడుతుంటారు. తిమ్మిర్లు, వెన్నునొప్పి, కడుపు నొప్పి వంటి సమస్యలే దీనికి కారణం. రాత్రి సరిగ్గా నిద్రపోకపోవడం వల్ల, ఉదయం కూడా పరిస్థితి విషమంగా ఉంటుంది. మీరు కూడా ప్రతి నెలా ఈ సమస్యతో ఇబ్బంది పడుతున్నట్లయితే ఈ 6 సులభమైన చిట్కాలను ప్రయత్నించండి, మీకు ప్రశాంతమైన నిద్ర వస్తుంది.

మృదువైన పరుపు..

మంచి నిద్ర కోసం మృదువైన పరుపును, దిండును ఉపయోగించండి. నిద్రపోయే ముందు గది ఉష్ణోగ్రతను సౌకర్యవంతంగా ఉంచండి. చాలా వేడిగా లేదా చాలా చల్లగా ఉన్న గది నిద్రకు భంగం కలిగిస్తుంది. దీనితో పాటు, నిద్రించడానికి కనీసం ఒక గంట ముందు గదిలోని లైట్లను డిమ్ చేయండి. గదిని కూడా శుభ్రంగా ఉంచుకోవడం చాలా ముఖ్యం.

సౌకర్యవంతమైన బట్టలు..

నిద్రించడానికి మంచి సౌకర్యవంతమైన బట్టలు ధరించండి. బిగుతుగా ఉండే బట్టలు వేసుకుంటే శరీరం సుఖంగా ఉండదు, దీనివల్ల నిద్రపట్టడంలో ఇబ్బంది ఉంటుంది.

నిటారుగా పడుకోవాలి..

పీరియడ్స్ సమయంలో విపరీతమైన నొప్పి ఉంటే ఎప్పుడూ నిటారుగా పడుకోవాలి. ఇలా పడుకుంటే నిద్రకు భంగం కలగదు. కడుపుపై ​​భారాన్ని, తిమ్మిరిని తగ్గిస్తుంది.

తేలికపాటి ఆహారం తీసుకోండి..

నిద్రపోయే ముందు ఆహారం ఎక్కువగా తినడం మానుకోండి. తేలికపాటి, పోషకమైన ఆహారాన్ని తినండి. కెఫిన్ తీసుకోవడం తగ్గిస్తే మంచిది. వీటికి బదులుగోరువెచ్చని పాలు తాగండి.

ఒత్తిడిని తగ్గించే పనులు

నిద్రపోయే ముందు ఒత్తిడిని తగ్గించే పనులు చేయండి. గోరువెచ్చని నీటితో స్నానం చేయండి, తేలికపాటి వ్యాయామం చేయండి, పుస్తకం చదవండి లేదా నిశ్శబ్ద సంగీతాన్ని వినండి. ఈ చర్యలు మీ మనస్సును ప్రశాంతంగా ఉంచుతాయి. అంతేకాకుండా ఒత్తిడిని తగ్గించడంలో సహాయపడతాయి, ఇది మీకు బాగా నిద్రపోవడానికి సహాయపడుతుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)