Toyota: టయోటా నుంచి మార్కెట్లోకి కొత్త ఎడిషన్.. ధర, ఫీచర్లు ఎలా ఉన్నాయంటే..
ABN , Publish Date - Mar 07 , 2025 | 03:40 PM
ప్రముఖ వాహన సంస్థ టయోటా నుంచి హిలక్స్ బ్లాక్ ఎడిషన్ మోడల్ వాహనం మార్కెట్లోకి వచ్చేసింది. 7 ఎయిర్‌బ్యాగ్‌లతో సహా దీనిలో అనేక ప్రత్యేక లక్షణాలు ఉన్నాయి. ఆ వివరాలేంటో ఇక్కడ చూద్దాం.
టయోటా నుంచి సరికొత్త హిలక్స్ బ్లాక్ ఎడిషన్ (Hilux Black Edition) మోడల్ వాహనం శుక్రవారం మార్కెట్లోకి వచ్చింది. ఈ క్రమంలో కిర్లోస్కర్ మోటార్ (TKM) శుక్రవారం భారతదేశంలో కొత్త హిలక్స్ బ్లాక్ ఎడిషన్‌ను ప్రవేశపెట్టింది. ఇది యుటిలిటీ వాహనం కాగా, కఠినమైన భూభాగాలతోపాటు ఆఫ్ రోడింగ్, అడ్వెంచర్ డ్రైవ్‌లతోపాటు రోజువారీ వినియోగానికి అనుకూలంగా ఉంటుంది. హిలక్స్ బ్లాక్ ఎడిషన్ 6 స్పీడ్ ఆటోమేటిక్ ట్రాన్స్‌మిషన్ (500Nm టార్క్) తో జతచేయబడిన 2.8L నాలుగు సిలిండర్ల టర్బో డీజిల్ ఇంజిన్‌తో పనిచేస్తుంది.
బుకింగ్ ప్రారంభం
దీని 4X4 డ్రైవ్‌ ట్రెయిన్ సజావుగా ఆఫ్ రోడ్ అనుభవాన్ని అందిస్తుంది. ఇది పనితీరు, శక్తి, అధునాతనత పరిపూర్ణ కలయికగా ఉండగా, హిలక్స్ బ్లాక్ ఎడిషన్ ధర ప్రస్తుతం రూ. 37,90,000గా ఉంది. టయోటా హిలక్స్ బ్లాక్ ఎడిషన్ కోసం బుకింగ్‌లు ఇప్పుడు భారతదేశంలోని అన్ని టయోటా డీలర్‌షిప్‌లలో ప్రారంభమయ్యాయి. డెలివరీలు మార్చి 2025 నుంచి ప్రారంభం కానున్నాయి. టయోటా వర్చువల్ షోరూమ్ ద్వారా కస్టమర్లు హిలక్స్ బ్లాక్ ఎడిషన్ గురించి తెలుసుకోవచ్చు. ఈ వాహనం ఇంటీరియర్, ఎక్స్‌టీరియర్ సహా 360 డిగ్రీల డిజిటల్ అనుభవాన్ని అందిస్తుంది.
స్పోర్టీ లుక్..
హిలక్స్ బ్లాక్ ఎడిషన్ పూర్తిగా నలుపు రంగుతో వస్తుంది. ఇది బ్లాక్ ఫ్రంట్ రేడియేటర్ గ్రిల్, మస్క్యులర్ బోనెట్ లైన్, కస్టమైజ్డ్ హబ్ క్యాప్స్‌తో 18 అంగుళాల బ్లాక్ అల్లాయ్ వీల్స్‌ను కలిగి ఉంది. బ్లాక్ ORVM కవర్లు, డోర్ హ్యాండిల్స్, ఫెండర్ గార్నిష్, ఫ్యూయల్ లిడ్ గార్నిష్ వంటి అదనపు స్టైలింగ్ అంశాలు దీనికి ప్రత్యేక ఆకర్షణగా ఉన్నాయి. దీని ముందు బంపర్ అండర్ రన్ ఫీచర్‌ను కలిగి ఉంది. ఇది దీనికి స్పోర్టీ టచ్ ఇస్తుంది. దీంతోపాటు స్వెప్ట్ బ్యాక్ LED హెడ్‌లైట్లు, LED రియర్ కాంబినేషన్ ల్యాంప్‌లు లైటింగ్ సిగ్నేచర్‌ను నిర్ధారిస్తాయి.
భద్రతపై ప్రత్యేక శ్రద్ధ
హిలక్స్ బ్లాక్ ఎడిషన్ ప్రత్యేక భద్రతా లక్షణాలను కలిగి ఉంది. మెరుగైన నిర్వహణ, నియంత్రణ కోసం ఇందులో 7 SRS ఎయిర్‌బ్యాగులు, వెహికల్ స్టెబిలిటీ కంట్రోల్ (VSC), ట్రాక్షన్ కంట్రోల్ (TC), ఎలక్ట్రానిక్ డిఫరెన్షియల్ లాక్ (EDL), ఆటోమేటిక్ లిమిటెడ్ స్లిప్ డిఫరెన్షియల్ (ALSD) ఉన్నాయి. అలాగే హిల్ అసిస్ట్ కంట్రోల్ (HAC), డౌన్‌హిల్ అసిస్ట్ కంట్రోల్ (DAC) వంటి ప్రత్యేక భద్రత ఫీచర్లు కూడా ఉన్నాయి.
ఇవి కూడా చదవండి:
H 1B Visa: హెచ్1బీ వీసా రిజిస్ట్రేషన్స్ ప్రారంభం.. ఫీజు, గడువు వివరాలివే..
Alert: ఏప్రిల్ 1 నుంచి టీడీఎస్, టీసీఎస్ నియమాల్లో కీలక మార్పులు..
Bank Holidays: మార్చి 2025లో బ్యాంకు సెలవులు.. ఈసారి ఎన్ని రోజులంటే..
Recharge Offer: నెలకు రూ. 99కే రీఛార్జ్ ప్లాన్.. జియో, ఎయిర్‌టెల్‌కు గట్టి సవాల్
Read More Business News and Latest Telugu News
