Upcoming IPOs: వచ్చే వారం రానున్న ఐపీఓలు ఇవే.. ఈసారి ఎన్ని వస్తున్నాయంటే..

ఇన్వెస్టర్లకు కీలక అలర్ట్. ఎందుకంటే మళ్లీ (మే 19 నుంచి) ఐపీఓల వీక్ రానే వచ్చేసింది. అయితే ఈసారి వచ్చే వారంలో ఎన్ని ఐపీఓలు (Upcoming IPOs) వస్తున్నాయనే విషయాలను ఇక్కడ తెలుసుకుందాం. ఈ క్రమంలో స్టాక్ మార్కెట్లో ఒకటి కాదు, రెండు కాదు, ఏకంగా ఐదు IPOలు రాబోతున్నాయి. ఇది పెట్టుబడిదారులకు మంచి అవకాశాలను అందిస్తుంది. మరోవైపు మూడు కంపెనీలు కూడా స్టాక్ మార్కెట్లో లిస్ట్ కానున్నాయి.

మే 19 నుంచి మొదలయ్యే వారంలో రానున్న ఐపీఓలు

బోరానా వీవ్స్: బోరానా వీవ్స్ IPO మే 20, 2025న ప్రారంభమై, మే 22, 2025న ముగుస్తుంది. దీంతో పాటు, ఇది రూ. 144.89 కోట్లను సేకరించబోతోంది. దీని ముఖ విలువ రూ. 10 కలిగిన తాజా ఇష్యూ రాబోతుంది. బోరానా వీవ్స్ లిమిటెడ్ వస్త్ర తయారీలో ప్రసిద్ధి చెందిన బ్రాండ్.

విక్టరీ ఎలక్ట్రిక్ వెహికల్స్: విక్టరీ ఎలక్ట్రిక్ వెహికల్స్ IPO మే 20, 2025న మొదలై, మే 23, 2025న పూర్తవుతుంది. ఈ IPO ద్వారా దాదాపు రూ. 40.66 కోట్లను సేకరించాలని యోచిస్తోంది. విక్టరీ ఎలక్ట్రిక్ వెహికల్స్ ఇంటర్నేషనల్ లిమిటెడ్ ఎలక్ట్రిక్ వాహనాల రూపకల్పన, ఉత్పత్తి, పంపిణీలో పాల్గొంటుంది.

డార్ క్రెడిట్: డార్ క్రెడిట్ IPO మే 21, 2025న ప్రారంభమై, మే 23, 2025న ముగుస్తుంది. ఈ IPO పరిమాణం రూ. 25.66 కోట్లు, దీని ముఖ విలువ రూ. 10గా ప్రకటించారు. డార్ క్రెడిట్ & క్యాపిటల్ అనేది వ్యక్తిగత, అసురక్షిత, సెక్యూర్డ్ MSME రుణాల వంటి ఆర్థిక సేవలను అందిస్తుంది.

బెల్రైజ్ ఇండస్ట్రీస్: ఈ ఐపీఓ మే 21, 2025న ప్రారంభమవుతుంది. మే 23, 2025న ముగుస్తుంది. ఇది దాదాపు రూ. 2,150 కోట్లు సేకరించాలని యోచిస్తోంది. ఈ ఇష్యూ పూర్తిగా కొత్తగా ఉంటుంది. దీని ముఖ విలువ రూ. 5. 1996లో స్థాపించబడిన బెల్రైజ్ ఇండస్ట్రీస్ లిమిటెడ్ బాగా స్థిరపడిన ఆటోమోటివ్ కాంపోనెంట్ తయారీదారు. ఇది ద్విచక్ర వాహనాలు, త్రిచక్ర వాహనాలు, నాలుగు చక్రాల వాహనాలకు భద్రతా, ఇంజనీరింగ్ పరిష్కారాలను అందించడంలో ప్రసిద్ధి చెందింది.

యూనిఫైడ్ డేటా-టెక్: యూనిఫైడ్ డేటా-టెక్ IPO ప్రారంభ తేదీ మే 22, 2025, ముగింపు తేదీ మే 26, 2025. దీని ధర పరిధి ఒక్కో షేరుకు రూ.260 నుంచి రూ.273 వరకు ఉంటుంది. ఈ IPO పరిమాణం రూ.144.47 కోట్లు. ఈ IPOలో రూ. 10 ముఖ విలువ కలిగిన 52,92,000 షేర్లు OFS కింద ఉంటాయి.

ఈ కంపెనీల జాబితా

వర్చువల్ గెలాక్సీ ఇన్ఫోటెక్ లిస్టింగ్ మే 19న ఉంటుంది. ఇంటిగ్రిటీ ఇన్‌ఫ్రాబిల్డ్ డెవలపర్స్ IPO కేటాయింపు మే 20న జరుగుతుంది. అక్విజిషన్ ఫార్మాస్యూటికల్స్ IPO లిస్టింగ్ మే 21న జరగనుంది.

ఇవి కూడా చదవండి

EPFO: ఈపీఎఫ్ఓ నుంచి వచ్చిన 5 కీలక మార్పుల గురించి తెలుసా మీకు..

Investment Tips: ఒకేసారి రూ.3.5 లక్షల పెట్టుబడి..కానీ వచ్చేది మాత్రం కోటి, ఎలాగంటే..

US-China: ట్రేడ్ వార్‌కు 90 రోజులు బ్రేక్.. అమెరికా-చైనా చర్చలు ఫలప్రదం

Stock Market: భారత్-పాక్ కాల్పుల విరమణ.. స్టాక్ మార్కెట్లకు ఫుల్ జోష్

మరిన్ని జాతీయ, తెలుగు వార్తల కోసం క్లిక్ చేయండి