Honda Launches Sporty New Elevate ADV: మార్కెట్‌లోకి హోండా ఎలివేట్‌ ఏడీవీ..

ఎక్స్‌ షోరూమ్‌ ధర రూ.16.66 లక్షలు

హైదరాబాద్‌ (ఆంధ్రజ్యోతి బిజినెస్‌): హోండా కార్స్‌ ఇండియా సరికొత్త ఎస్‌యూవీ ‘ఎలివేట్‌ ఏడీవీ’ ని మార్కెట్లో ప్రవేశపెట్టింది. యువతను ఆకట్టుకునేలా దీనికి అనేక అధునాతన ఫీచర్లు జోడించినట్టు మార్కెటింగ్‌ అండ్‌ సేల్స్‌ వైస్‌ ప్రెసిడెంట్‌ కునాల్‌ బెహల్‌ చెప్పారు. రెండు వెర్షన్లలో లభించే ఈ కారు ఎక్స్‌ షోరూమ్‌ ధర హైదరాబాద్‌లో రూ.15.20 లక్షల నుంచి రూ.16,66,800 వరకు ఉంది. రెండు తెలుగు రాష్ట్రాలు తమకు అత్యంత కీలక మార్కెట్లని తెలిపారు. తమ మొత్తం అమ్మకాల్లో ఈ 2 రాష్ట్రాల వాటా ఏడు శాతం వరకు ఉంటుందన్నారు.

వచ్చే ఏడాది అల్ఫా ఈవీ: వచ్చే ఆర్థిక సంవత్సరం అల్ఫా ఈవీ కారును భారత్‌లోనూ విడుదల చేయబోతున్నట్టు వెల్లడించారు. ఇందుకోసం ఇప్పటికే చార్జింగ్‌ పాయింట్‌ ఆపరేటర్లతో చర్చిస్తున్నట్టు కునాల్‌ చెప్పారు. ఈ ఈవీ కారును భారత్‌లో తయారుచేసి జపాన్‌తో సహా అనేక దేశాలకు ఎగుమతి చేయబోతున్నట్టు తెలిపారు.

ఈ వార్తలు కూడా చదవండి..

రూపాయి మారకానికి లక్ష్యమేమీ పెట్టుకోలేదు

రెండో రోజూ కొనసాగిన ర్యాలీ

For More Business News And Telugu News