Gold and Silver Rates Today: భారీగా పెరిగిన బంగారం, వెండి ధరలు.. మళ్లీ సామాన్యులకు షాకింగ్

బంగారం, వెండి ప్రియులకు మరోసారి షాకింగ్ న్యూస్ వచ్చేసింది. ఆగస్టు 3, 2025 ఉదయం 6:20 గంటల సమయానికి గుడ్ రిటర్న్స్ వెబ్‌సైట్ ప్రకారం, బంగారం, వెండి ధరలు భారీగా (Gold and Silver Prices on August 3rd 2025) పెరిగాయి. 24 క్యారెట్ల బంగారం ధర 10 గ్రాములకు రూ.1,540 పెరిగి రూ.1,01,350 స్థాయికి చేరగా, 22 క్యారెట్ల బంగారం ధర రూ.92,290కి చేరుకుంది. అదేవిధంగా, వెండి ధర కిలోగ్రాముకు రూ.100 పెరిగి రూ.1,13,000కి చేరింది.

ఇతర నగరాల్లో బంగారం, వెండి ధరలు

తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్నంలో బంగారం, వెండి ధరలు దాదాపు ఒకే స్థాయిలో ఉన్నాయి. హైదరాబాద్‌లో 24 క్యారెట్ల బంగారం 10 గ్రాముల ధర రూ.1,01,350, 22 క్యారెట్ల బంగారం రూ.92,290గా ఉంది. వెండి ధర కిలోగ్రాముకు రూ.1,23,000. విజయవాడలో కూడా ఇదే ధరలు కొనసాగుతున్నాయి. చెన్నై, బెంగళూరు, ముంబై వంటి నగరాల్లో 24 క్యారెట్ల బంగారం ధర రూ.1,01,350గా ఉండగా, 22 క్యారెట్ల బంగారం రూ.92,290గా ఉంది. వెండి ధర కిలోగ్రాముకు రూ.1,12,800 నుంచి రూ.1,13,100కి పెరిగింది.

ధరల పెరుగుదలకు కారణాలు

బంగారం, వెండి ధరల పెరుగుదలకు అంతర్జాతీయ మార్కెట్ పరిస్థితులు ప్రధాన కారణం. అమెరికా డాలర్ విలువ క్షీణత, భౌగోళిక రాజకీయ అనిశ్చితుల నేపథ్యంలో పెట్టుబడిదారులు సురక్షిత ఆస్తుల వైపు మొగ్గు చూపడం ఈ ధరల పెరుగుదలకు దోహదపడ్డాయి. అమెరికా-చైనా వాణిజ్య ఉద్రిక్తతలు, రష్యా-చైనా వంటి అంశాలు కూడా బంగారం డిమాండ్‌ను పెంచాయి. దేశీయంగా, దిగుమతి సుంకాలు, జీఎస్‌టీ వంటి పన్నులు ధరలను మరింత పెంచాయి.

భవిష్యత్తు ధరల అంచనా

నిపుణుల అంచనాల ప్రకారం 2025 చివరి నాటికి బంగారం ధర 10 గ్రాములకు రూ.1.25 లక్షలకు చేరుకోవచ్చు. అంతర్జాతీయ మార్కెట్లో బంగారం ఔన్సు ధర $3,100-$3,600 మధ్య ఉండవచ్చని బ్యాంక్ నివేదికలు సూచిస్తున్నాయి. వెండి ధరలు కూడా పెరిగే అవకాశం ఉంది. ముఖ్యంగా పారిశ్రామిక వినియోగం పెరగడంతో ఈ ధరల పెరుగుదల మధ్యతరగతి వినియోగదారులకు బంగారం కొనుగోలును భారంగా మార్చింది. కానీ పెట్టుబడిదారులకు ఇది సురక్షిత ఆస్తిగా పరిగణించబడుతోంది.

ఇవి కూడా చదవండి

ఇలా ఇన్వెస్ట్ చేయండి..రెండేళ్లలోనే రూ. 10 లక్షలు పొందండి..

ఆగస్టులో 15 రోజులు బ్యాంకులకు సెలవులు.. ముందే ప్లాన్ చేసుకోండి

మరిన్ని జాతీయ, తెలుగు వార్తల కోసం క్లిక్ చేయండి