BSNL Yatra Offer: అమర్‌నాథ్ యాత్రికుల కోసం బీఎస్‌ఎన్‌ఎల్ యాత్ర సిమ్ కార్డ్ సేవలు..

అమర్‌నాథ్ యాత్ర కోసం ప్రయాణిస్తున్న భక్తులకు భారత్ సంచార్ నిగమ్ లిమిటెడ్ (BSNL) కీలక ప్రకటన చేసింది. ఎందుకంటే ఆ ప్రాంతంలో BSNL కాకుండా ఇతర టెలికాం సేవలు పనిచేయవు. ఈ నేపథ్యంలో భక్తుల సౌకర్యం కోసం ప్రభుత్వ సంస్థ యాత్ర సిమ్‎ను (BSNL Yatra Offer) ప్రవేశపెట్టింది. ఆ ప్రాంతంలో ఇతర్ నెట్ వర్క్ సేవలు ఉండవు కాబట్టి.. ఈ సిమ్ కార్డ్ తీసుకున్నవారు వారి కుటుంబ సభ్యులు, స్నేహితులతో ఈజీగా కనెక్ట్ అయ్యేందుకు సహాయపడుతుంది. అది కూడా తక్కువ ఖర్చుతో అందించనున్నట్లు బీఎస్ఎన్ఎల్ తెలిపింది.

అమర్‌నాథ్ యాత్ర సిమ్ ఆఫర్ వివరాలు

• ఈ బీఎస్‌ఎన్‌ఎల్ యాత్ర సిమ్ కేవలం 196 రూపాయల ధరతో 15 రోజుల వాలిడిటీని అందిస్తుంది. ఈ రీఛార్జ్ ప్లాన్‌లో భక్తులకు కింది సౌకర్యాలు లభిస్తాయి.

• 4G కనెక్టివిటీ: వేగవంతమైన ఇంటర్నెట్ సేవలు

• అపరిమిత కాల్స్: దేశవ్యాప్తంగా ఎక్కడికైనా అపరిమిత ఫోన్ కాల్స్ చేసుకోవచ్చు

• అపరిమిత డేటా: 15 రోజుల పాటు డేటా వినియోగంపై ఎలాంటి పరిమితి లేదు

• ఈ ఆఫర్ యాత్ర సమయంలో భక్తులకు నిరంతర కమ్యూనికేషన్‌ను సులభతరం చేస్తుంది. ప్రధానంగా జమ్మూ కశ్మీర్‌లోని రిమోట్ ప్రాంతాల్లో ఈ సేవలు భక్తులకు సౌకర్యంగా ఉపయోగపడనున్నాయి.

సిమ్ ఎక్కడ కొనుగోలు చేయాలి

అమర్‌నాథ్ యాత్ర మార్గంలో బీఎస్‌ఎన్‌ఎల్ యాత్ర సిమ్‌ను సులభంగా కొనుగోలు చేయవచ్చు. ఈ సిమ్ కార్డ్‌లు లఖన్‌పూర్, పహల్గామ్, బల్తాల్, చంద్రకోట్, భగవతి నగర్ ప్రాంతాల్లో అందుబాటులో ఉంటాయి. ఈ ప్రదేశాలు యాత్ర మార్గంలోని ముఖ్యమైన చెక్‌ పాయింట్లుగా ఉన్నాయి. ఇక్కడ యాత్రికులు తమ యాత్రను ప్రారంభించే ముందు లేదా విశ్రాంతి తీసుకునే సమయంలో సిమ్‌ను తీసుకోవచ్చు.

సిమ్ కొనుగోలుకు ఏం కావాలి

• యాత్ర సిమ్‌ను యాక్టివేట్ చేయడానికి యాత్రికులు కింది డాక్యుమెంట్లతో KYC నో యువర్ కస్టమర్) ప్రక్రియను పూర్తి చేయాలి

• ఆధార్ కార్డ్ లేదా ప్రభుత్వ గుర్తింపు కార్డ్: గుర్తింపు ధృవీకరణ కోసం

• అమర్‌నాథ్ యాత్ర స్లిప్: యాత్రికులుగా ధృవీకరణ కోసం

• కేవైసీ ప్రక్రియ పూర్తయిన వెంటనే, బీఎస్‌ఎన్‌ఎల్ 4జీ కనెక్టివిటీతో సిమ్‌ను యాక్టివేట్ చేస్తుంది

బీఎస్‌ఎన్‌ఎల్ మాత్రమే ఎందుకు

అమర్‌నాథ్ యాత్ర ప్రాంతం భద్రతా కారణాల వల్ల సున్నితమైన ప్రదేశంగా ఉంది. దీంతో ఈ మార్గంలో టెలికాం టవర్లను స్థాపించడానికి కేవలం బీఎస్‌ఎన్‌ఎల్‌కు మాత్రమే అనుమతి ఉంది. ప్రైవేట్ టెలికాం ఆపరేటర్ల కవరేజ్ లేదు. దీంతో ఈ ప్రాంతంలో ఇతర టెలికాం ఆపరేటర్ల సేవలు అందుబాటులో ఉండవు. కేవలం BSNL మాత్రమే పనిచేస్తుంది.

జమ్మూ కశ్మీర్‌లో ఇతర రాష్ట్రాల నుంచి తీసుకున్న ప్రీపెయిడ్ సిమ్‌లు కూడా పనిచేయవు. కాబట్టి ఈ యాత్రలో టెలికాం సేవలు కావాలంటే బీఎస్ఎన్ఎల్ సిమ్ తీసుకోవాల్సిందే. ఈ సిమ్ ద్వారా అత్యవసర సమయంలో సహాయం పొందవచ్చు. వారి యాత్ర అనుభవాలను కూడా సోషల్ మీడియాలో వెంటనే షేర్ చేసుకోవచ్చు.

ఇవి కూడా చదవండి

యూట్యూబ్‌లో ఆ వీడియోలపై ఆదాయం రద్దు.. కొత్త రూల్స్

స్టాక్ మార్కెట్‌లో భారీ కుంభకోణం..జేన్ స్ట్రీట్‌పై సెబీ చర్యలు

మరిన్ని జాతీయ, తెలుగు వార్తల కోసం క్లిక్ చేయండి